Население

Во социологијата и биологијата, населението се дефинира како збир на луѓе или организми од одредени видови, кои живеат на определена географска зона или простор, најчесто измерено врз принципот на цензус.

Во биологијата, се изучува популацијата или населението на животните и растенијата, со особен осврт на екологијата како биолошка гранка.

Во демографијата се изучува човечкото население. Различни аспекти на човечкото однесување во рамките на населението се изучуваат во Социологијата, економијата и географијата. Науката за населението е поврзана секогаш со законите на променливите, па така заклучоците не секогаш се однесуваат на секој поединец од населението.

Бројот на населението влијае врз животната средина преку обемот на промените што ги прави човекот во природата. Односно: колку повеќе луѓе на еден простор толку повеќе потреби за преживување и опстанок, односно интервенциите на природата се многу поголеми, а голем дел од нив се со негативни последици. Бројот на населението на Земјата е различно и со тенденција кон постојано зголемување.

dinamikata na naselenieto vo svetot po kontinenti, izrazeno vo milioni Динамика на населението во светот по континенти - изразено во милиони (табела подолу)

Година	Свет	Африка	Азија	Европа	Северна Америка	Јужна Америка	Австралија
1750	791	106	502	163	16	2	2
1850	1262	111	809	276	38	26	2
1950	2519	221	1398	547	167	172	13
1970	3692	357	2143	656	285	232	19
1980	4435	470	2632	692	361	256	23
1990	5264	622	3168	722	442	284	26
2000	6071	796	3680	728	520	316	31
2008	6707	973	4054	732	577	337	34

Разместеноста на населението и бројот на населението порано биле помали. Населението вило разместено на помал простор. Најзастапено било по долините на поголемите реки, во пороплите краеви, како: Нил, Инд, Хуан Хе, Тигар и Еуфрат, приморските делови на Средоземното Море итн. По големите географски откритија екумената е проширена со погусто населување на континентите на стариот, но и на континентите на новиот свет: Австралија, Јужна и Северна Америка. Денес во светот има повеќе од 6,5 милијарди луѓе. Луѓето, со исклучок на Антарктикот, се разместени на сите континенти. Но, разместеноста не е рамномерна Има територии со многу голема густина на населеност, како на пример Европа - особено Западна и Централна Европа, источните делови на кина, Индија и Индокина, северните делови на Египет, околу Гвинејскиот Залив во Африка, Јужноафриканската Република, Приатланската Низина во Северна Америка и дуриг територии. Територии со мала густина на населеност се: Канада, азискиот дел на Русија, пустината Сахара, Амазонија, планинските системи итн.

Повразани содржини

• Популација