Туркс и Кајкос

Од Википедија — слободната енциклопедија
Туркс и Кајкос
Знаме Грб
ХимнаБоже, чувај го Кралот
Национална песна: Ја поздравувам земјата наша
Местоположба на Туркс и Кајкос
Главен градКоберн Таун
Најголем град Гранд Турк
Службен јазик англиски
Народности 
Уредување британска зависна територија
 •  Монарх Чарлс III
 •  Гувернер Рик Тод[1][2]
 •  Премиер Руфус Евинг
 •  Одговорен Министерa (ВБ) Марк Симондс
Површина
 •  Вкупна 616,3 км2 (199-та)
 •  Вода (%) незначителна
Население
 •  проценка за 2010 г. 44,819[3] 
 •  Попис 2012 46400 
 •  Густина 75.3 жит/км2 (n/a)
Валута американски долар (USD)
Часовен појас UTC-5
 •  (ЛСВ) UTC-4 (UTC)
Датумски формат d/m/yy (AD)
Се вози на лево
НДД .tc
Повик. бр. +1-649
а. за британските прекуморски територии.

Координати: 21°30′18″ N; 71°45′14″ W / 21.505° СГШ; 71.754° ЗГД / 21.505; -71.754

Британска зависна територија во југоисточниот дел на Бахамските Острови во Средна Америка. Опфаќа површина од 430 км2, на која опстојуваат 31.500 жители. Службен јазик е англискиот, додека пак како официјална парична единица се користи американскиот долар.

Историја[уреди | уреди извор]

Во времето на доаѓањето на Шпанците, на островите живееле Индијанци (Араваки), кои Шпанците ги користеле за работа во рудниците за злато во Хаити. Дури во 1678 год. на островите трајно се доселиле доселeници од Бермуди. Тие се издржувале со производство на сол. За време на американската ослободителна војна, островите биле освоени од Французите, но во 1783 год. пак ѝ ги препуштиле на Велика Британија. На островите Кајкос се населиле приврзаниците на северноамериканските колонии заедно со своите робови, но белците по укинувањето на ропството (1843 год.) главно се иселиле. Во 1799 год. островите биле присоединети кон Бахамите, но поради отпорот на населението, во 1848 год., им дале делумна автономија, а во 1873 год. ги присоединиле кон колонијата Јамајка. Кога во 1962 год. Јамајка станала независна, пак им ги присоединиле кон Бахамите, и по прогласувањето на независните Бахамски Oстрови (1973 год.), тие станале посебна колонија. Во 80-тите години на минатиот век биле критикувани поради вмешаност во трговија со дрога, а ги потресуваат и политичките спротивности меѓу Пробританската национална партија (PNP) и Народното демократско движење (PDM), кое се залага за независност.

Географија и клима[уреди | уреди извор]

Територијата опфаќа две соседни групи на острови кои се на околу 150 км оддалеченост северно од Хаити. Островите Туркс ги опфаќаат островите Гранд Турк и повеќе ниски островчиња, а од Кајкос е одделен со преминот Туркс Ајлендс Песиџ широк до 35 км.

Островите Кајкос се поголеми, има 6 поголеми острови: Гранд, Ист, Вест, Саут и Норт Кајкос и Провиденсијалс и голем број на помали островчиња. Сите острови се ниски, составени се од корален варовник и карст, без површински води, со голем број солени езера и мангрови дрва, претежно се обраснати со грмушки и опкружени со корални гребени. Климата е тропско-океанска, за време на целата година е под влијание на пасатите од североисток. Источните делови добиваат околу 550 мм врнежи, а западните делови околу 1000 мм. Од мај до ноември, повремено се појавуваат тропски циклони (оркани).

Климатски податоци за Turks and Caicos Islands : Grand Turk
Месец Јан Фев Мар Апр Мај Јун Јул Авг Сеп Окт Ное Дек Годишно
Прос. висока °C (°F) 27
(81)
27
(81)
28
(82)
28
(82)
29
(84)
30
(86)
31
(88)
31
(88)
31
(88)
30
(86)
29
(84)
28
(82)
29.1
(84.3)
Прос. ниска °C (°F) 23
(73)
23
(73)
23
(73)
24
(75)
25
(77)
26
(79)
27
(81)
27
(81)
27
(81)
26
(79)
24
(75)
24
(75)
24.9
(76.8)
Прос. врнежи мм (ин) 36.1
(1.421)
34.0
(1.339)
24.6
(0.969)
35.6
(1.402)
29.5
(1.161)
54.9
(2.161)
30.0
(1.181)
40.4
(1.591)
66.5
(2.618)
74.9
(2.949)
93.5
(3.681)
85.1
(3.35)
605.1
(23.823)
Извор: Weather.com [1] Weatherbase.com [2]

Политика[уреди | уреди извор]

Островите имаат статус на британска зависна територија со внатрешна автономија (од 1976 г.). Суверен е британската кралица, која лично ја застапува гувернер. Гувернерот претседава со извршниот одбор составен од осум членови, меѓу кои пет членови се избрани од законодавниот совет, од премиереот, од државниот обвинител и од главниот секретар. Во законодавниот совет кој се состои од деветнаесет членови (Legislative Council), 13 членови се избираат на четири години, а другите членови се по службена должност или се именувани.

Економија[уреди | уреди извор]

Квалификуваност Постоток
Неквалификувани 53%
Полуквалификувани 12%
Квалификувани 20%
Стручњаци 15%

До крајот на 80-тите години на минатиот век овие острови немале развиено стопанство, тоа се темелело на рибарството и земјоделството кое било не доволно развиено. Во 90-тите години на минатиот век, поради многу либералното даночно законодавство, станале даночен рај, така на островите постојат околу 17.000 седишта на странски претпријатија. Втора најважна дејност е туризмот. Постојат голем број на хотели на островите Провиденсијалс, Саут и Норт Кајкос, Пине Кај (во приватна сопственост), Гранд Турк и Салт Кај; повеќе од три четвртини туристи (164.000, 2002) доаѓаат од САД и Канада.

Население, јазик и култура[уреди | уреди извор]

Жителите се црнци (90%) и мулати и белци (10%), а според верската припадност најмногу има протестанти (73%), католици (11%) и Јеховини сведоци 1,8%. Претежно живеат на островите Провиденцијалс и Гранд Турк, а другите острови се ретко населени.

  • Христијани - 36,840
  • Без Религија - 1,840
  • Народна Религија - 1,080
  • Други - 240
Верници во Туркс и Кајкос
Христијани
  
92,10 %
Без Религија
  
4,60 %
Народна Религија
  
2,70 %
Други
  
0,60 %

Сообраќај[уреди | уреди извор]

Најважни се пристаништата: Кокерн Таун (на островот Гранд Турк), на Салт Кај и на Провиденсијалс. Редовни траектни врски има меѓу Провиденсијалс, Норд Кајкос и Пине Кај. Меѓународни аеродроми има на островите Гранд Турк, Провиденсијалс и Саут Кајкос, а помали аеродроми има и на другите острови. Со редовни воздушни линии се поврзани сите поголеми острови. Домашен превозник е "Turks&Caicos Airways".

Карта на островите Туркс и Кајкос.

Наводи[уреди | уреди извор]

  1. „UK imposes Turks and Caicos rule“. BBC News. 14 August 2009. Посетено на 2009-08-14.
  2. McElroy, Damien (14 August 2009). „Turks and Caicos: Britain suspends government in overseas territory“. The Daily Telegraph. London. Посетено на 2009-08-14.
  3. „IFES Election Guide - Country Profile: Turks and Caicos Islands“. Electionguide.org. Архивирано од изворникот на 2018-12-25. Посетено на 2011-07-31.