Средна Америка

Карта на Средна Америка.

Средна Америка е централниот географски регион на Америка. По варијабилна дефиниција, регионот се простира на јужниот дел од континентот Северна Америка.

Физичка географија

Физичкогеографски, Средна Америка е тенок истмус на јужниот дел од Северна Америка, протегајќи се од Истмусот Техуантепек во Мексико, па југоисточно до Панамскиот Истмус, каде се поврзува со колумбиските пацифички низини во северозападна Јужна Америка. Средна Америка има површина од 523,000 km². Тихиот Океан лежи на југозапад, Карипското Море лежи на североисток и Мексиканскиот Залив лежи на север.

Средна Америка и Карипското Плато.

Поголем дел од Средна Америка се наоѓа на Карипското Плато. Регионот е геолошки активен, со повремени вулкански ерупции и земјотреси. Во 1931 и 1972, земјотресите ја уништија Манагва, главниот град на Никарагва. Плодните почви од вулканска лава во земјоделски продуктивните планински области се основната дејност на тамошното население.

Општествена географија

Геополитички, Средна Америка традиционално се состои од следните земји:

Континентални држави

• Белизе
• Костарика
• Ел Салвадор
• Гватемала
• Хондурас
• Никарагва
• Панама

Островски земји

• Антигва и Барбуда
• Бахами
• Барбадос
• Гренада
• Доминика
• Доминиканска Република
• Јамајка
• Куба
• Свети Кристофер и Невис
• Света Луција
• Свети Винцент и Гренадините
• Тринидад и Тобаго
• Хаити

Според горната дефиниција, Средна Америка во 2006 има вкупно население од 39,267,000 жители. Целосно или делумно, Мексико е вклучено во Средна Америка под различни дефиниции. Обединетите Нации го вклучуваат Мексико во неговиот подрегион на Средна Америка, дефиниран како сите копнени држави на Северна Америка јужно од САД. Некои географи тука ги вклучуваат и југоисточните мексикански држави Кампече, Чијапас, Квинтана Ру, Табаско и Јукатан. Европската Унија не ги вбројува Белизе и Мексико во оваа дефиниција.

Панамскиот Канал, 77-километарски канал низ Истмусот Панама, ги поврзува Карипското Море од Атлантскиот Океан со Тихиот Океан. Иако физичкогеографски е трансконтинентална нација, само Панама (вклучувајќи го сегментот источно од Панамскиот Канал) често е сметана за дел на Северна Америка.

Историја

Главна статија:Историја на Средна Америка.

Порано постоела нација на Средна Америка во раниот 19 век која се состоела од сегашните нации Гватемала, Хондурас, Ел Салвадор, Никарагва и Костарика (и дел од современата мексиканска држава Чијапас). Овој состав од територии понекогаш бил познат како Обединетите Провинции на Средна Америка или Обединети Држави на Средна Америка.

Население

Во Средна Америка жиевеат околу 191 милин жители. Населението, главно, е разместено во континентално-приморските земјии во островските држави на Големите Антили. Во другите островски држави големината на територијата и бројот на населението се незначителни и се движат од неколку илјади до неколку стотини илјади.

држава	главен град	површина (кm²)	население проценка на ООН
Антигва и Барбуда	Сент Џон	442	85.632
Бахами	Насау	13.878	330.000
Барбадос	Бриџтаун	431	279.000
Белизе	Белмопан	22.966	322 000
Гренада	Сент Џорџ	344	110.000
Гватемала	Гватемала	108.890	13.276.517
Доминика	Розо	754	72.660
Доминиканска Република	Санто Доминго	48.730	9.378.818
Ел Салвадор	Сан Салвадор	21.040	7.100.000
Јамајка	Кингстон	10.991	2.804.332
Костарика	Сан Хозе	51.100	4.608.426
Куба	Хавана	110.861	11.451.652
Мексико	Мексико	1.972.550	112.322.757
Никарагва	Манагва	130.373	5.891.199
Панама	Панама	75.517	3.405.813
Свети Кристофер и Невис	Бастер	261	42.696
Света Луција	Кастри	620	173.765
Свети Винцент и Гренадините	Кингстаун	389	120.000
Тринидад и Тобаго	Порт оф Спејн	5.128	1.305.000
Хаити	Порт-о-Пренс	27.751	10.033.000
Хондурас	Тегусигалпа	112.492	7.810.848

Поврзано

• Америка
• Карипски Острови
• Јужна Америка

Надворешни врски

• Фондација за Средна Америка