Туризам

Од Википедија, слободната енциклопедија
Прејди на: содржини, барај
Франција е најпосетувана земја во светот во последниве години.[1][2]
Пирамидата Кукулкан, Чичен Ица, Мексико

Туризам е патување за рекреација, одмор или бизнис цели. Светската туристичка организација ги дефинира туристите како луѓе кои „патуваат и остануваат во места надвор од нивната вообичаена околина повеќе од дваесет и четири (24) часа и не повеќе од една последователна година за одмор, бизнис и други цели кои не се поврзани со извршување активност исплатена во местото кое се посетува“.[3] Туризмот стана популарна глобална активност за одмор. Во 2007 год. имало над 903 милиони меѓународни туристички пристигнувања, со пораст од 6,6% во споредба со 2006 год. Меѓународните туристички приходи изнесувале 856 милијарди американски долари во 2007 год.[4]

И покрај несигурностите во глобалната економија, меѓународните туристички пристигнувања во текот на првите четири месеци од 2008 год. имале сличен растечки тренд како истиот период во 2007 год.[4] Меѓутоа, како последица на економската криза во 2008 год., меѓународната побарувачка за патување доживеала силно намалување кое почнало во јуни 2008 год., со паѓање на порастот на меѓународните туристички пристигнувања за 2% во текот на летните месеци, додека растот од јануари до април 2008 год. достигнал просечни 5,7% во споредба со нивото во 2007год. Растот од 2006 до 2007 год. бил само 3,7%, бидејќи вкупните меѓународни туристички пристигнувања од јануари до август биле 641 милион туристи, повеќе од оние 618 милиони во истиот период во 2007 год.[5]

Туризмот е битен за многу земји, како Обединетите Арапски Емирати, Египет, Грција и Тајланд, и многу островски земји, како Бахамите, Фиџи, Малдивите и Сејшелите, како резултат на големиот прилив на пари од тргувањето со нивните стоки и услуги и можноста за вработување во услужните дејности поврзани со туризам. Овие услужни дејности опфаќаат услуги за транспорт, како воздухопловни компании, патување со брод и такси, услуги за сместување, кои опфаќаат хотели и одморалишта, и места за забава, како забавни паркови, казина, трговски центри, разни места за музика и театар.

Дефиниција[уреди]

Ханцикер и Крапф, во 1941 год., го дефинирале туризмот како луѓе кои патуваат „збир од феномени и врски кои произлегуваат од патувањето и престојот на гостите, до степен кој нe води до постојано живеалиште и кој не е поврзан со заработувачка активност“.[6] Во 1976 год., дефиницијата на Здружението за туризам на Англија била: „Туризмот е привремено, краткотрајно движење на луѓето кон дестинации надвор од местата во кои обично живеат и работат и нивните активности во текот на престојот на секоја дестинација. Тоа опфаќа движења со секакви цели.“ Во 1981 год., Меѓународната асоцијација на научни експерти во туризмот го дефинирала туризмот како одредени активности одбрани по избор кои се преземаат надвор од домот.[7]

Обединетите нации разликуваат три форми на туризам во нивните „Препораки за статистиките на туризмот“од 1994 год.: домашен туризам, кој опфаќа жители на дадената земја кои патуваат само во таа земја, влезен туризам, кој опфаќа гости кои патуваат во дадената земја, и излезен туризам, кој вклучува жители кои патуваат во друга земја. ОН, исто така, создал различни категории на туризам со комбинирање на трите основни форми на туризам: внатрешен туризам, кој е составен од домашниот туризам и влезниот туризам, национален туризам, кој е составен од домашниот туризам и излезниот туризам, и меѓународен туризам, кој е составен од влезен и излезен туризам. Меѓуграничен туризам е термин составен од Корејската туристичка организација и е многу употребуван во Кореја. Меѓуграничниот туризам се разликува од домашниот туризам во тоа што првиот вклучува креирање политика и спроведување на националните туристички полиси.

Скоро, туристичката индустрија се префрлила од промовирање влезен туризам на промовирање меѓуграничен туризам, бидејќи многу земји се соочуваат со голема конкуренција за влезните туристи. Некои национални креатори на политика го смениле својот приоритет на промовирање меѓуграничен туризам за да придонесат за локалната економија. Примери за такви кампањи се: „Искуси ја Америка“ во Соединетите Држави, „Искрено Азија“ во Малезија, „Тргнувај Канада“ во Канада, „Перу. Доживеј ја легендата“ во Перу, „Супер Филипини“ на Филипините, „Особено Сингапур“ во Сингапур, „100% Чист Нов Зеланд“ во Нов Зеланд, „Прекрасен Тајланд“ во Тајланд, „Неверојатна Индија“ во Индија и „Скриениот шарм“ во Виетнам.

Статистика и рангирање на светскиот туризам[уреди]

Најпосетувани земји[уреди]

Crystal Clear app xmag.svg Главна статија: „Рангирање на светскиот туризам.

Свестската туристичка организација ги објави следниве десет земји како најпосетувани во 2007 год. според бројот на странски туристи. Во споредба со 2006 год., Украина влезе на топ десет листата, престигнувајќи ги Русија, Австрија и Мексико. Повеќето од најпосетуваните земји сѐ уште се од Европскиот континент.

Ранг Земја СТООН
Регионален
пазар
Меѓународни
туристички
пристигнувања
(2007год.)[4]
Меѓународни
туристички
пристигнувања
(2006год.)[8]
1  Франција Европа 81,9 милиони 79,1 милион
2  Шпанија Европа 59,2 милиони 58,5 милиони
3  САД Северна Америка 56,0 милиони 51,1 милион
4  Кина Азија 54,7 милиони 49,6 милиони
5  Италија Европа 43,7 милиони 41,1 милион
6  Велика Британија Европа 30,7 милиони 30,7 милиони
7  Германија Европа 24,4 милиони 23,6 милиони
8  Украина Европа 23,1 милион 18,9 милиони
9  Турција Европа 22,2 милиони 18,9 милиони
10  Мексико Северна Америка 21,4 милиони 21,4 милиони

Меѓународни туристички приходи[уреди]

Меѓународните туристички приходи изнесувале 96,7 милијарди американски долари во 2007 год., повеќе од 2006 год. кога изнесувале 85,7 милијарди американски долари. Кога извозната вредност на патните приходи од странските туристи била пресметана, вкупниот приход во 2007 год. достигнал рекордни 1,02 трилиони или 3 милијарди американски долари дневно.[4] Светската туристичка организација ги објави следниве земји како најдобри десет заработувачи за 2007 год. Забележливо е што повеќето од нив се на Европскиот континент, но сепак Соединетите Држави и понатаму се најдобри заработувачи.

Ранг Земја СТООН
Регионален
пазар
Меѓународни
туристички
приходи
(2007год.)[4]
Меѓународни
туристички
приходи
(2006год.)[8]
1  САД Северна Америка 96,7 милијарди долари 85.7 милијарди долари
2  Шпанија Европа 57,8 милијарди долари 51,1 милијарди долари
3  Франција Европа 54,2 милијарди долари 46,3 милијарди долари
4  Италија Европа 42,7 милијарди долари 38,1 милијарди долари
5  Кина Азија 41,9 милијарди долари 33,9 милијарди долари
6  Велика Британија Европа 37,6 милијарди долари 33,7 милијарди долари
7  Германија Европа 36,0 милијарди долари 32,8 милијарди долари
8  Австралија Океанија 22,2 милијарди долари 17,8 милијарди долари
9  Австрија Европа 18,9 милијарди долари 16,6 милијарди долари
10  Турција Азија 18,5 милијарди долари 16,9 милијарди долари


Најголеми потрошувачи во меѓународниот туризам[уреди]

Светската туристичка организација ги објави следниве земји како десет најголеми потрошувачи во меѓународниот туризам за 2007 год. Пет години по ред, Германските туристи се најголеми потрошувачи.[4] Испитувањето на Дрезденската банка[9] предвидува дека во 2008год., Германците и, генерално, Европејците и понатаму ќе бидат најголеми потрошувачи поради јачината на еврото наспрема американскиот долар, со силна побарувачка за САД пред другите дестинации.[10]

Ранг Земја СТООН
Регионален
пазар
Меѓународни
туристички
трошоци
(2007год.)[4]
Меѓународни
туристички
трошоци
(2006год.)[8]
1  Германија Европа 82,9 милијарди долари 73,9 милијарди долари
2  САД Северна Америка 76,2 милијарди долари 72,1 милијарди долари
3  Велика Британија Европа 72,3 милијарди долари 63,1 милијарди долари
4  Франција Европа 36,7 милијарди долари 31,2 милијарди долари
5  Кина Азија 29,8 милијарди долари 24,3 милијарди долари
6  Италија Европа 27,3 милијарди долари 23,1 милијарди долари
7  Јапонија Азија 26,5 милијарди долари 26,9 милијарди долари
8  Канада Северна Америка 24,8 милијарди долари 20,5 милијарди долари
9  Русија Европа 22,3 милијарди долари 18,2 милијарди долари
10  Јужна Кореја Азија 20,9 милијарди долари 18,9 милијарди долари


Најпосетувани атракции[уреди]

Форбсовиот „Патник“ објави листа на 50 најпосетувани туристички атракции во светот во 2007 год., вклучувајќи ги и странските и домашните туристи.[11] Следат топ 10-те атракции и уште некои познати места кои се на листата на 50-те најпосетувани.[12] Впечатливо е дека четири од првите пет се во Северна Америка.

Најпосетувани атракции од домашни и странси туристи во 2007 год.[11]
Топ 10 туристички атракции
Светски
ранг
Туристичка атракција Локација Земја Број на
посетители
(милиони)
1 Плоштадот Тајмс Њујорк Flag of the United States.svg САД 35
2 Националниот трговски центар и Меморијалните паркови Вашингтон Flag of the United States.svg САД 25
3 Магичното кралство Езерото Буена Виста, Орландо Flag of the United States.svg САД 16,6
4 Плоштадот Трафалгар Лондон  Велика Британија 15
5 Дизниленд Анахајм, Калифорнија Flag of the United States.svg САД 14,7
6 Нијагарини водопади Онтарио и Њујорк  Канада и Flag of the United States.svg САД 14
7 Рибарското пристаниште и Голден Гејт Сан Франциско, Калифорнија Flag of the United States.svg САД 13
8 Дизниленд-Токио и Дизни подводен свет-Токио Урајасу Flag of Japan (bordered).svg Јапонија 12,9
9 Катедралата Нотр Дам Париз  Франција 12
10 Дизниленд Париз Париз  Франција 10,6
Други одбрани познати дестинации
11 Кинески ѕид Бадалинг Народна Република Кина НР Кина 10
15 Лувр Париз  Франција 7,5
18 Ајфелова кула Париз  Франција 6,7
24 Дизниленд-Хонг Конг Хонг Конг Народна Република Кина НР Кина 5,2
28 Студијата Universal Лос Анџелес Flag of the United States.svg САД 4,7
31 Големиот кањон Аризона Flag of the United States.svg САД 4,4
36 Статуата на слободата Њујорк Flag of the United States.svg САД 4,24
37 Ватикан Ватикан  Ватикан 4,2
38 Сиднејската оперa Сиднеј Австралија Австралија 4
39 Колосеумот Рим  Италија 4
42 Емпаер Стејт Билдинг Њујорк Flag of the United States.svg САД 4
44 Лондонското око Лондон  Велика Британија 3,5
47 Пирамидите во Гиза Каиро Египет Египет 3
50 Таџ Махал Агра Индија Индија 2,4

Најпосетувани градови[уреди]

Euromonitor ги објави 150-те најпосетувани градови во светот од странски туристи во 2007 год.[13] Следат водечките 15 града според рангирањето од Euromonitor:

Најпосетувани градови од странски туристи во 2007 год.
Топ 15 градови
Ранг Град Земја Број на
странски гости
(милиони)
Ранг Град Земја Број на
странски гости
(милиони)
Ранг град Држава Број на
странски гости
(милиони)
1 Лондон  Велика Британија 15,34 6 Њујорк Flag of the United States.svg САД 7,65 11 Барселона  Шпанија 5,04
2 Хонг Конг Народна Република Кина НР Кина 12,05 7 Торонто  Канада 6,63 12 Сеул Јужна Кореја Република Кореја 4,99
3 Бангкок  Тајланд 10,84 8 Дубаи  ОАР 6,54 13 Шангај Народна Република Кина НР Кина 4,80
4 Сингапур Сингапур Сингапур 10,28 9 Истанбул  Турција 6,45 14 Даблин  Ирска 4,63
5 Париз  Франција 8,76 10 Рим  Италија 6,12 15 Куала Лумпур  Малезија 4,40

Сепак, некои извори покажуваат дека Париз е најпосетуван град во светот со 30 милиони посетители.[14][15][16][17][18]

Историја[уреди]

Кинкаку, храмот Златен Павилјон во Киото, Јапонија.
Големата бања кај Римските бањи во Бат, Сомерсет, едно од првите здравствени туристички места во светот.

Богатите луѓе отсекогаш патувале на далечни места во светот за да гледаат големи градби, уметнични дела, за да учат нови јазици, да искусат нови култури и да вкусат различни кујни. Многу одамна, во времето на Римската република, местата како Баиа биле популарни крајбрежни одморалишта за богатите. Зборот туризам бил употребуван од 1811 год. и турист од 1840 год.[19] Во 1936 год., Лигата на нации го дефинирала странскиот турист како „некој кој патувал во странство најмалку дваесет и четири часа“. Нејзиниот наследник, Обединетите нации, ја подобриле оваа дефиниција во 1945 год. со вклучување максимален престој од шест месеци.[20]


Патување за одмор[уреди]

Патувањето за одмор се поврзувало со Индустриската револуција во Обединетото Kралство, првата европска земја која се залагала за време за одмор на индустриското население кое се зголемувало. На почетокот, ова се однесувало на сопствениците на машинеријата за производство, економската олигархија, сопствениците на фабрики и трговците. Тие ја сочинувале новата средна класа. Cox & Kings била првата официјална туристичка компанија која се формирала во 1758 год.[21] Британското потекло на оваа нова индустрија е прикажано во многу имиња на места. Во Ница, Франција, едно од првите и најдобри одморалишта на Француската ривиера, долгото шеталиште покрај море до ден денес е познато како Шеталиште на Англичаните. Во многу други историски одморалишта во континентална Европа, стари, докажани големо хотели имаат имиња како Хотел Бристол, Хотел Карлтон или Хотел Маџестик, што ја покажува доминантноста на англиските туристи. Многу туристи за одмор патуваат кон тропски места, и во лето и во зима. Често посетувани места се: Куба, Доминиканска република, Тајланд, Северен Квинсленд во Австралија и Флорида во Соединетите Држави.

Зимски туризам[уреди]

Главните скијачки центри се лоцирани во разни европски земји( на пр: Автсрија, Република Чешка, Франција, Германија, Италија, Норвешка, Полска, Словачка, Шпанија, Швајцарија), Канада, Соединетите Држави, Австралија, Нов Зеланд, Јапонија, Кореја, Чиле и Аргентина.

Масовен туризам[уреди]

Масовниот туризам можел да се развие само со подобрувањата во технологијата, овозможувајќи транспорт на голем број луѓе за кратко време до места за одмор, за голем број луѓе да можат да уживаат во благодетите на слободното време. Во Соединетите Држави, првото големо приморски одморалишта, во европски стил, биле Атлантик Сити, Њу Џерси и Лонг Ајланд, Њујорк. Во континентална Европа, првите одморалишта ги вклучувале: Остенд, популаризирано од народот во Брисел, Болоња сир Мер (Па де Кале) и Деаувиљ (Калвадос) за Парижаните и Хајлигендам, основан во 1797год., како прво приморско одморалиште на Балтичкото Море.

Придавски туризми[уреди]

Поврзано: Список на придавски туризми

Придавскиот туризам се однесува на бројните насочени или специјални форми на патување во туризмот кои се појавиле во текот на годините, секој со своја придавка. Многу од нив почнале често да се употребуваат од туристичката индустрија и академици. Други сè уште се појавуваат и ќе станат или нема да станат популарни. Примери за најчести насочени туристички пазари се:

  1. Кулинарски туризам
  2. Црн туризам
  3. Туризам на места каде што се случила катастрофа
  4. Екотуризам
  5. Туризам на културно наследство
  6. Туризам на ЛГБТ популацијата
  7. Медицински туризам
  8. Поморски туризам
  9. Секс туризам
  10. Вселенски туризам
  11. Воен туризам

Современ развој[уреди]

Водопадите Игуасу на границата помеѓу Аргентина и Бразил.

Во последните неколку декади, постои скап тренд на туризам, особено во Европа каде што се чести меѓународни патувања за краток одмор. Туристите имаат повисок степен на расположлив приход и повеќе слободно време, а исто така се и пообразувани и имаат пософистициран вкус. Сега има побарувачка за производи со подобар квалитет, што резултирало со делење на масовниот пазар за летувања. Луѓето сакаат поспецијализирани верзии, како Club 18-30, мирни одморалишта, фамилијарни одмори или хотели од насочените пазари.

Развојот на технолошката и транспортната инфраструктура, како џамбо-џетови, воздухопловни компании со ниски цени и попристапни аеродроми, овозможиле многу видови туризам да се подостапни. Исто така, има промени во животните стилови, како на пример пензионерите кои го поддржуваат туризмот во текот на цела година. Ова се олеснило со интернет продажба на туристичките производи. Некои места сега почнале да нудат динамично пакување, за кое се наведува цена која опфаќа специјално направен пакет кој го побарал клиентот по потреба.

Се појавија неколку препреки во туризмот, на пример нападите на 11-ти септември и терористичките закани во туристичките дестинации, како оние на Бали и во неколку европски градови. Исто така, на 26 декември 2004 година, цунами, предизвикани од земјотресот во Индискиот Океан, ги погодија азиските земји кои излегуваат на океанот, вклучувајќи ги и Малдивите. Илјадници животи беа загубени и многу туристи умреа. Ова, заедно со многубројните чистења во местото, го запреле или сериозно го отежниле туризмот во околината.

Термините туризам и патува понекогаш се заменуваат. Во овој контекст, патува има слична дефиниција со туризам, но означува патување со поголема цел. Термините туризам и турист понекогаш се употребуваат погрдно, за да укажат на површен интерес за културите или локациите посетувани од туристи.

Витален туризам[уреди]

„Виталниот туризам е замислен како водечки за раководењето на сите извори на начин со кој ќе се исполнат економските, социјалните и естетските потреби додека се одќува културниот интегритет, основните еколошки процеси, биолошката разновидност и системите за поддржување на животот.“ (Светска здравствена организација).

Виталниот развој значи „исполнување на потребите на сегашноста без сомневање за способноста на идните генерации во исполувањето на нивните потреби“ (Светска комисија за животна средина и развој, 1987 год.)[22]

Еко-туризам[уреди]

Crystal Clear app xmag.svg Главна статија: „Еко-туризам.

Медицински туризам[уреди]

Crystal Clear app xmag.svg Главна статија: „Медицински туризам.

Кога постои значајна разлика меѓу земјите во цените за одредена медицинска постапка, особено во Југоисточна Азија, Индија, Источна Европа и онаму каде што има различни регулативни режими во однос на одредени медицински постапки (на пр: стоматологија), патувањето за да се искористи разликата во цената или регулативните разлики често се нарекува „медицински туризам“.

Образовен туризам[уреди]

Образовниот туризам се развил поради популарноста на предавањето и учењето и подобрувањето на техничката стручност надвор од училниците која се зголемува. Во образовниот туризам, главната цел на турата или слободните активности опфаќа посета на друга земја за да се учи нивната култура, како што се Програмите за размена на студенти и Турите за учење, или за да се работи и да се употребат вештините научени во училницата во различна околина, како во Меѓународната програма за обука.

Други видови туризам[уреди]

Креативен туризам[уреди]

Креативниот туризам постоел како форма на културен туризам, уште од раниот почеток на самиот туризам. Неговите евреопски корени датираат од времето на Големата тура, каде синовите од аристократските фамилии патувале за да стекнат главно интерактивни, образовни искуства. Скоро, креативниот туризам го добил своето име од Криспин Рејмонд и Грег Ричардс, кои како членови на Здружението за образование за туризам и одмор (ATLAS), голем број проекти насочиле кој Европската комисија, вклучувајќи го културниот и занаетчискиот туризам, познати како витален туризам. Тие го дефинирале „креативниот туризам“ како туризам поврзан со активното учество на патувачите во културата на заедницата-домаќин, преку интерактивни работилници и искуства од неформално учење.

Во меѓувреме, концептот за креативен туризам бил забележан од значајни организации, како УНЕСКО, кои преку Мрежата на кративни градови го поддржале креативниот туризам како задолжително, автентично искуство кое промовира активно разбирање на специфичните културни особини на некое место.

Скоро, креативниот туризам стекнал популарност како вид културен туризам, кој привлекува активно учество на патувачите во културата на заедниците-домаќини кои ги посетуваат. Пример за овој вид туристички развој се неколку земји, вклучувајќи ги Обединетотo |Kралство, Бахамите, Јамајка, Шпанија, Италија и Нов Зеланд.

Црн туризам[уреди]

Една област на туризам од посебен интерес која се појавува е идентификувана како „црн“ туризам од Ленон и Фоли (2000 год.). Овој вид туризам вклучува посети на „темни“ места, како бојни полиња, сцени од страчни злосторства или дела на геноцид, како на пример концентрациони логори. Црниот туризам создава тешки етички и морални дилеми: треба ли овие места да се отворени за посети и ако треба, од каква природа треба да е публиката. Црниот туризам останува мал насочен пазар, носен од разни мотиви, како жалење, сеќавање, страшна њубопитност, па дури и забава. Неговите рани корени потекнуваат од саемските простори и средновековните панаѓури.[23]

Пораст[уреди]

Аја Софија, своевремено црква, подоцна џамија, сега музеј во Истанбул, Турција.

Предвидувањата на Светската туристичка организација (СТООН) дека меѓународниот туризам ќе продлжи да расте со просечната годишна стапка од 4%.[24] До 2020год. Европа ќе остане најпопуларна дестинација, но нејзинито удел ќе падне од 60%, во 1995 год., на 46%.Долгите патувања ќе растат малку побргу од интрарегионалните патувања и до 2020 год. нивниот удел ќе се зголеми од 18% во 1995 год. на 24%.

Со појавувањето на електронската трговија, туристичките производи станаа едни од најпродаваните работи на интернет.Туристичките производи и услуги се достапни преку посредниците, иако туристичките снабдувачи (хотели, воздухопловни линии, итн.) можат да ги продаваат своите услуги директно. Ова ги ставило под притисок посредниците и од интернет и од традиционалните продавници.

Се укажува на тоа дека постои силна врска помеѓу туристичкиот трошок по човек и степенот до кој земјите стигнуваат во глобална смисла.[25] Не само како резултат на важниот економски придонес на туристичката индустрија, туку и како показател за степенот на доверба со кој глобалните граѓани влијаат на изворите на земјата за нивните локални економии да имаат корист. Затоа прикажувањето на растот во туризмот може да послужи како показател за соодветното влијание кое секоја земја ќе го примени во иднина.

Вселенскиот туризам се очекува да „полета“ во првата четвртина од 21-иот век, иако во споредба со традиционалните дестинации бројот на туристи во орбитата ќе остане низок сè додека технологиите, како вселенски лифт, не го направат вселенското патување евтино.

Технолошкото подобрување најверојатно ќе овозможи воздухопловни хотели, кои ќе бидат основани или на авиони со соларна енергија или на големи балони. Подводни хотели, како Хидрополис, кој се очекува да се отвори во Дубаи во 2009 год.,ќе се градат. Во океаните, туристите ќе се пречекуваат на најголеми бродови за крстарење до сега, а најверојатно и градови што пловат.

Најнови трендови[уреди]

Како последица на економската криза во 2008 год., меѓународните пристигнувања почнале значително да се намалуваат во јуни 2008 год. Порастот од 2007 год. до 2008 год. бил само 3,7% во првите осум месеци од 2008год. Азискиот и Пацифичкиот пазар биле погодени, а Европа стагнирала во текот на летните месеци, додека Америка била подобра, намалувајќи ја нивната стапка на распространетост, но зачувувајќи 6% пораст од јануари до август 2008 год. Само Средниот Исток продолжил со брзиот развој во текот на истиот период, достигнувајќи 17% пораст во споредба со истиот период во 2007год.[5] Ова намалување на побарувачката на меѓународниот туризам се одрзила и во индустријата на воздучен транспорт, со негативен пораст во септември 2008 год. и со 3,3% пораст на сообраќајот на патници во текот на септември. Хотелската индустрија, исто така, пријавила намалување, бидејќи изнајмувањето соби и понатаму се намалувало.[5] Бидејќи глобалната економска ситуација драматично се влошила во текот на септември и октомври како последица на глобалната финансиска криза, порастот на меѓународниот туризам се очекува да забави уште повеќе до крајот на 2008 год. и ова намалување на порастот на побарувачката се предвидува да продолжи во 2009 год., бидејќи рецесијата веќе ги погодила повеќето најголеми земји-потрошувачи, со што се очекува долгите патувања да бидат најпогодени од економската криза.[5]. Меѓутоа, некои патнички дестинации доживеале пораст за време на тешките економски времиња, привлекувајќи ниски трошоци за живеење, пристапност и пријателни имиграциски закони кои ќе овозможат туристите да останат подолг период. Туризмот во рецесија, фраза создадена од Мет Ландо во неговото истражување Панам, се развил како алтернативна опција за бегство за нервозните во 2009 год.

Негативни влијанија[уреди]

Туризмот е проблем со кој скоро секој град се соочува. Распространето е низ светот и е закана за плажите, познатите обележја, свети места и одморалишта. Првлекувањето многу туристи може да има негативни влијанија, како влијанието на 33 милиони туристи годишно во градот Њујорк[26] или потенцијалот негативно да се влијае врз осетливите средини,[27] или влијанието на цунамито од 26-ти дкември 2004 год. врз самите туристи.[28] Врз околината може да се делува негативно со загадување од бродовите за крстарење на многу начини, меѓу кои испуштање баластна вода и загадување од воздухопловството.

Видете исто така[уреди]

Наводи[уреди]

  1. „World Tourism Barometer“ (PDF). World Tourism Organization. 2007. стр. 8. http://unwto.org/facts/eng/pdf/barometer/unwto_barom07_2_en.pdf. конс. 29 март 2008. 
  2. Tourism Directorate (France) (2007). „Key facts on tourism“ (PDF). http://www.tourisme.gouv.fr/fr/z2/stat/chiffres/att00009212/ccles_gb.pdf. конс. 29 март 2008. 
  3. „UNWTO technical manual: Collection of Tourism Expenditure Statistics“ (PDF). World Tourism Organization. 1995. стр. 14. http://pub.unwto.org/WebRoot/Store/Shops/Infoshop/Products/1034/1034-1.pdf. конс. 26 март 2009. 
  4. 4,0 4,1 4,2 4,3 4,4 4,5 4,6 „UNWTO World Tourism Barometer June 2008“ (PDF). World Tourism Organization. June 2008. http://www.tourismroi.com/Content_Attachments/27670/File_633513750035785076.pdf. конс. 1 август 2008. Volume 6 No. 2
  5. 5,0 5,1 5,2 5,3 World Tourism Organization (October 2008). „UNWTO World Tourism Barometer October 2008“ (PDF). UNWTO. http://unwto.org/facts/eng/pdf/barometer/UNWTO_Barom08_3_en_Excerpt.pdf. конс. 17 ноември 2008.  Volume 6, Issue 3
  6. Werner Hunziker and Kurt (1942). „Grundriss der allgemeinen Fremdenverkehrslehre“. OCLC 69064371. ; cf. Hasso Spode in Günther Haehling (ed.): Tourismus-Management, Berlin 1998
  7. International Association of Scientific Experts in Tourism. „The AIEST, its character and aims“. http://www.aiest.org/org/idt/idt_aiest.nsf/en/index.html. конс. 29 март 2008. 
  8. 8,0 8,1 8,2 „UNWTO Tourism Highlights, Edition 2007“ (PDF). World Tourism Organization. 2007. http://www.unwto.org/facts/eng/pdf/highlights/highlights_07_eng_hr.pdf. конс. 29 март 2008. 
  9. Touristik report. January 2008 (German)
  10. „Monthly Market Report: Germany“ (PDF). Tourism Australia. February 2008. http://www.tourism.australia.com/content/MRRs/2008/Germany_MMR_Feb08.pdf. 
  11. 11,0 11,1 Forbes Traveller (25 април 2007). „Top 50 Most Visited Tourist Attractions“. http://www.forbestraveler.com/best-lists/most-visited-tourist-attractions-story.html. конс. 29 март 2008. 
  12. The Hopeful Traveler (29 јули 2007). „Forbes Traveler 50 Most Visited Tourist Attractions“. http://thehopefultraveler.blogspot.com/2007_07_29_archive.html. конс. 29 март 2008. 
  13. Caroline Bremner (7 јануари 2009). „Trend Watch: Euromonitor International’s Top City Destinations Ranking“. Euromonitor International. http://www.euromonitor.com/Trend_Watch_Euromonitor_Internationals_Top_City_Destinations_Ranking. конс. 16 јануари 2009. 
  14. „Paris - World's Most Visited City - Leisure and Statistics“. 9 јануари 2014. http://www.bizaims.com/articles/tourism/paris+worlds+most+visited+city+leisure+and+statistics. 
  15. „Paris Is The Most Visited City In The World“. 9 јануари 2014. http://www.articlesbase.com/travel-articles/paris-is-the-most-visited-city-in-the-world-433143.html. 
  16. „Paris: Most visited and most expensive city in the world“. 9 јануари 2014. http://economictimes.indiatimes.com/Features/ET_Travel/Take_a_chill_pill_this_Independence_Day_weekend/articleshow/articleshow/3303865.cms. 
  17. „Number One Tourist Destination is Paris“. 9 јануари 2014. http://www.bizaims.com/articles/tourism/number+one+tourist+destination+paris. 
  18. Travel tour France
  19. „Online Etymology Dictionary: tour“. http://www.etymonline.com/index.php?l=t&p=16. конс. 1 март 2008. 
  20. Theobald, William F. (1998). „Global Tourism“. стр. 10. ISBN 0750640227. http://books.google.com/books?id=9dvK2ajv7zIC&pg=PA10&lpg=PA10&dq=league+of+nations+tourism+1936&source=web&ots=CnKfwbh5-5&sig=ejVyw3fgxy5kUwuksgiQTe_8aQU&hl=en. 
  21. Шаблон:Цитирана веб страницаsite
  22. Sustainable Tourism
  23. Tourism Principles and Practice, C. Cooper, J. Fletcher, A. Fyall, D. Gilbert, S. Wanhill, Pearson Education, Third edition, Madrid 2005
  24. „Long-term Prospects: Tourism 2020 Vision“. World Tourism. 2004. http://www.world-tourism.org/market_research/facts/market_trends.htm. 
  25. „airports & tourists“. Global Culture. 2007. http://global-culture.org/blog/2007/01/27/airports-tourists/. 
  26. Kirby, David (27 септември, 1998). „The Tourist Trap; With All Those Visitors Trampling the Welcome Mat, Can New York Be the Host With the Most for Everyone?“ (Web). „News Article“. New York Times. http://query.nytimes.com/gst/fullpage.html?sec=travel&res=9B04EEDE1539F934A1575AC0A96E958260. конс. 21 март 2007. 
  27. Nicholls, Henry (19 април, 2006). „The tourist trap (The Galapagos islands are the world's prime eco-tourism destination. Now the sheer number of visitors is endangering their future )“ (Web). „News article“. Guardian. http://travel.guardian.co.uk/ecotourism/story/0,,1756634,00.html. конс. 21 март 2007. 
  28. Kurlantzick, Joshua (9 јануари, 2005). „The True Meaning of the Tourist Trap“ (Web). „News article“. Washington Post. http://www.washingtonpost.com/wp-dyn/articles/A58323-2005Jan8.html. конс. 21 март 2007. 

Надворешни врски[уреди]