Викикниги
 | |
 Screenshot of wikibooks.org home page | |
Вид место | учебникарско вики |
|---|---|
| Достапно на | повеќејазично |
| Сопственик | Фондација Викимедија |
| Создавач | Карл Вик и Викимедиината заедница |
| Адреса | wikibooks.org |
| Место на Алекса | ▲ 3.225 (јануари 2016)[1] |
| Комерцијално | не |
| Зачленување | незадолжително |
Викикниги (англиски: Wikibooks) — вики на Фондацијата Викимедија кое опфаќа слободни учебници и прибележани текстови кои секој може да ги уредува.
Во септември 2015 г. е проценето дека Викикниги има 2.102.708 поединечни посетители.[2] Проектот постои на многу јазични верзии, меѓу кои и на македонски.
Историја[уреди | уреди извор]
Доменот wikibooks.org е регистриран на 19 јули 2003 г.[3] и пуштена на барање на уредникот на Википедија Карл Вик за проект кој би вдомил слободни учебници на теми како органска хемија и физика. Подоцна се создадени два потпроекта: Викијуниор и Викиуниверзитет. Во август 2006 г., Викиуниверзитет добил статус на посебен проект на фондацијата.
Викијуниор[уреди | уреди извор]
Викијуниор е потпроект на Викикниги наменет за детска литература. Има облик на списание и мрежно место, и постои во верзии на англиски, арапски, германски, дански, италијански, јапонски, фински, француски и шпански. Се финансира со средства од фондацијата Бек.
Содржини[уреди | уреди извор]
Некои од книгите се изготвени за самите Викикниги, а некои се преземени од други слободни учебникарски извори од семрежјето. Сите се објавени под лиценца на Криејтив комонс или некоја складна на нив. Како и кај Википедија, ова значи дека придонесите авторски припаѓаат на нивните создавачи, но можат слободно да се распространуваат и пренаменуваат, со извесни услови.
Разликата меѓу овој проект и Викиизвор е во тоа што второспоменатиот собира верни примероци на изворни текстови или преводи на постоечки слободни дела (на пр. изворните верзии на Шекспировите драмски дела), додека пак Викикнигите се посветени на наменски создадени дела и значајно изменети или прибележани верзии на постоечки дела.
Проектот работи на целосно покривање на учебни целини со ваквите книги, и се стреми истите да бидат усвоени во редовното образование.
Поврзано[уреди | уреди извор]
Наводи[уреди | уреди извор]
- ↑ „Wikibooks.org Site Info“. Alexa Internet. Архивирано од изворникот на 2018-12-26. Посетено на 2016-01-09.
- ↑ "Site Profile for wikibooks.org" Архивирано на 8 јуни 2010 г., посет. 8 ноември 2015 г
- ↑ „Wikibooks.org Whois Record“. DomainTools, LLC. Посетено на 22 January 2013.
Литература[уреди | уреди извор]
- Ben Crowell (2005). „All Systems Go: The Newly Emerging Infrastructure to Support Free Books“. Посетено на June 18, 2006.
- Michael F. Shaughnessy (2009-07-14). „An Interview with Curtis Bonk: A Look at Wikibooks and Wikibookians“. EducationNews.org. Архивирано од изворникот на 2016-08-29. Посетено на 2016-02-06.
Надворешни врски[уреди | уреди извор]
- Викикниги на македонски
- Викикниги на англиски
- Викијуниор
- Список на сите јазични изданија на Викикниги со статистика
- За Викикниги на Мета
| ||||||||
