Антигва и Барбуда

Најдете повеќе за Антигва и Барбуда на сестринските проекти на Википедија:
	Вики речник
	Вики книги
	Вики цитати
	Вики извор
	Заедничка ризница
	Вики вести
	Вики универзитет

*Antigua and Barbuda*
Антигва и Барбуда
Antigua and Barbuda; Антигва и Барбуда
Знаме	Грб
	Гесло: Each Endeavouring, All Achieving
	Химна: „Убавата Антигва и Барбуда“; Кралска химна: „Боже, чувај ја кралицата“ 1
Главен град	Сент Џонс; 17°7′N 61°51′W / 17.117°N 61.85°W
Најголем град	главниот град
Службен јазик	англиски
Демоним	Антигванец, Барбуѓанец
Уредување	парламентарна демократија; и федерална уставна монархија
Независностод Обединетото Кралство
Површина
Население
БДП (ПКМ)	проценка за 2008
БДП (номинално)	проценка за 2008
ИЧР (2007)	▲ 0.815 (high) (57-та)
Валута	Источнокарипски долар (XCD)
Часовен појас	AST (UTC-4)
Се вози на	лево
НИД	.ag
Повик. бр.	+1-268

Антигва и Барбуда (англиски: Antigua and Barbuda) е островска држава во Средна Америка. Државата е дел од островската група Мали Антили и западно од неа се наоѓа Карипското Море, додека источно е Атлантскиот Океан. Таа е составена од два поголеми острови Антигва и Барбуда и уште неколку други помали островчиња.

Вкупната површина на Антигва и Барбуда изнесува 442 километри квадратни и има население од вкупно 85.632 жители. Населението е воглавно мешано од западноафриканци, Британци и Португалци. Јужно од државата се наоѓа зависниот островот Гвадалуп, југозападно се наоѓа зависната територија Монтсерат, западно се наоѓаат државата Свети Китс и Невис и зависната територија Сент Еустатиус и на северозапад се наоѓаат зависните територии Сент Бартелеми и Сент Мартен. Официјален јазик е англискиот јазик, додека главен град на државата е Сент Џон. Често локалното население својата држава ја нарекува со поранешното име Вадади.

[уреди] Етимологија

Името на државата и воедно на островите доаѓа од шпанските зборови „antigua“ што значи стар и „barbuda“ што значи брадест. Локално, како и пред доаѓањето на Шпанците, државата се нарекува Вадади или Wadadli

[уреди] Историја

Главна статија: „Историја на Антигва и Барбуда“.

[уреди] Географија и клима

Главна статија: „Географија на Антигва и Барбуда“.

Карта на АиБ.

Карактеристики

Антигва и Барбуда е островска држава која спаѓа во групата острови Мали Антили , дел од Карипските Острови во Средна Америка. Источно од државата се наоѓа Атлантскиот Океан, додека западно е Карипското Море. Островот Антигва е 650 километри оддалечена од Порторико, Барбуда е 48 километри оддалечено од Антигва, додека ненаселениот остров Редонда е 56 километри оддалечен од Антигва. Најголем остров е Антигва и е широк 21 километар и има вкупна површина од 281 километар квадратен. Од другата страна пак, Барбуда има вкупна површина од 161 километар квадратен, додека Редонда има површина од 2.6 километри квадратни. Главен град на државата е Сент Џон и се наоѓа во северозападниот дел од островот Антигва. Најголем град на Барбуда е Кодрингтон. Вкупната површина на Антигва и Барбуда е 442 километри квадратни со население од 85.632 жители. Најблиска независна држава е Сент Китс и Невис, додека останатите околни соседски острови се зависни територии.

Острови

[уреди] Политички систем

Главна статија: „Политики на Антигва и Барбуда“.

Политиките на Антигва и Барбуда се одвиваат во рамките на федерална парламентарна уставна монархија, каде шефот на државата е кралицата Елизабета II. Претставник на кралицата во Антигва и Барбуда е генералниот гувернер Луиз Лејк-Так, која пак е првата дама генерален гувернер во земјата. Советот на министри е избран од генералниот гувернер по совет на премиерот на Антигва и Барбуда. Моментален премиер е Балдвин Спенсер. Премиерот е шеф на владата.

Извршната власт е во рацете на владата. законодавната власт е во рацете на владата и дводомниот парламент, кој е составен од сенат и собранието. Сенатот има капацитет од 17 членови, додека собранието има капацитет од 17 членови избрани преку избори за петгодишен мандат. Судската власт, уставно, е независна.

[уреди] Административна поделба

Главна статија: „Административна поделба на Антигва и Барбуда“.

Парохии на Антигва.

Администартивно, Антигва и Барбуда е поделена на шест парохии и две зависни области. Парохиите се наоѓаат само на островот Антигва, додека двата други поголеми острови се зависни области. Административните единици се:

Парохии

Зависни области
1. Барбуда
2. Редонда

[уреди] Економија

Главна статија: „Економија на Антигва и Барбуда“.

Туризмот е доминантен во економијата на Антигва и Барбуда, каде претставува повеќе од половина од БНП на државата. Антигва е позната по многуте луксузни пансиони. Покрај туризмот, важни сектори во економијата се банкарството и финансиските услуги, така Банка на Америка има своја експозитура во државата, но и Кралска Банка на Канада, Шкотска Банка и Барклис. Земјоделството е сконцентрирани за локално производство но со ограничени можности за наводнување и работна снага.

[уреди] Население, јазик и религија

Главна статија: „Демографија на Антигва и Барбуда“.

Катедрала во Сент Џон.

Официјален јазик на Антигва и Барбуда е англискиот јазик, но голем број од локалното население зборува антигвански креолски јазик. Акцентот на зборовите на Барбуда за нијанса се разликува од тој на Антигва. Пред да се стекне со независност, во Антигва и Барбуда се зборувал само стандарден англиски јазик. Со независноста, луѓето почнале да го користат локалниот дијалект, како важен елемент за културна самостојност. Сепак, и денес образованието е само на стандарден англиски јазик.

74% од населението на Антигва и Барбуда се Христијани.^[2] Остатокот се припадници на останатите религии.

Етнички, Антигва и Барбуда се состои од 91% црно или мулатско населени, 4.4% се мешани, 1.7% се белци и 2.9 останати. Голем дел од белото население се Ирци или Британци.

[уреди] Култура

Главна статија: „Култура во Антигва и Барбуда“.

Културата во Антигва и Барбуда била и е под силно влијание на британската и како резултат на тоа национален спорт е крикет. Покрај крикетот, популарни се и фудбалот, сурфањето и трка со бродови. Американската култура исто така е присутна во општеството и има силно влијание во медиумите и модата. Клични културни елементи во културата на Антигва и Барбуда се семејството и религијата. Во август се одржува традиционалниот национален карневал.