Франкфурт на Одра

Од Википедија, слободната енциклопедија
Прејди на: содржини, барај
Франкфурт на Одра
Главната пошта
Главната пошта
Грб на Франкфурт на Одра
Франкфурт на Одра се наоѓа во Германија
Франкфурт на Одра
Управа
Земја Германија
Покраина Бранденбург
Округ Урбан округ
Градоначалник Мартин Вилке (независен)
Основни податоци
Површина 147,61 км2
Надм. височина 19-135 м
Население 58.537 (31 декември 2012)[1]
 - Густина 397 жит/км2
Други информации
Часовен појас CET/CEST (UTC+1/+2)
Рег. табл. FF
Пошт. бр. 15201–15236
Повик. бр. 0335
Портал www.frankfurt-oder.de
Местоположба на градот Франкфурт на Одра во Бранденбург
Местоположба на градот Франкфурт на Одра во Бранденбург
Координати 52°21′00″ СГШ 14°33′00″ ИГД / 
Франкфурт и Слубице еден до друг.
Поглед од Одертурм

Франкфурт на Одра ((германски: Frankfurt (Oder), сега службено Франкфурт (Одра)) е град во сојузната покраина Бранденбург, Германија, сместен на реката Одра, на германско-полската граница, веднаш спроти градот Слубице, кој бил дел од Франкфурт до 1945. На крајот на 1980-тите, населението во градот го достигнало својот врв со над 87.000 жители. Бројот се намалил на 70.000 во 2002, а во 2010 на само 60.000.[2]

Официјалното име Франкфурт (Одра) и постарото Франкфурт на Одра се користат за да се направи разлика од поголемиот град Франкфурт на Мајна.

Историја[уреди]

Градот Франкфурт ги добил своите права во 1253 на Брандендам, иако населбата е веројатно постара. Првите доселеници живееле на западните брегови на Одра; подоцна градот се проширил на источниот брег (денешниот Слубице). Кон крајот на средновековниот период, градот управувал со речната трговија помеѓу Бреслау и Штетин. Во 1430 Франкфурт се приклучил на Ханза, но само кратко време бил нејзин член.

Во април 1631, во текот на Триесетгодишната војна, Франкфурт бил место на случувањата на битката кај Франкфурт на Одра помеѓу Шведското царство и Светото римско царство.[3] По дводневната опсада, шведските трупи, поддржани од шкотските помошници,[4] го освоиле градот.[3] Со тоа победиле Швеѓаните.[3][4] Градот бил кратко окупиран од царската руска армија во текот на Седумгодишната војна, во август 1759, како вовед во битката кај Кунерсдорф.[5]

Со распадот на Маркгрофството Бранденбург во текот на Наполеонските војни, Франкфурт станал дел од покраината Бранденбург во 1815. Во 19 век, Франкфурт имал важна улога во трговијата. Средишно поставен во Кралството Прусија помеѓу Берлин и Познањ, на реката Одра со голема речна трговија, градот бил домаќин на вториот најголем годишен саем (Messe) на Германското царство, надминат единствено од оној во Лајпциг.

Не се водела битка за градот во 1945 во текот на Втората светска војна, иако градот бил прогласен за тврдина во обид да се блокира движењето на Црвената армија кон Берлин. Испразнетиот град бил запален. Повоената германско-полска граница била повлечена долж Одра, разделувајќи го Дамфорштат (Dammvorstadt) на источниот брег од остатокот на Франкфурт; кој станал полскиот град Слубице. Додека бил дел од комунистичка Источна Германија, Франкфурт бил администриран во рамките на округот Франкфурт на Одра. Станал дел од повторно создадената покраина Бранденбург со повторното обединување на Германија во 1990.

Денес, Франкфурт и Слубице имаат пријателски односи и водат неколку заеднички проекти и објекти. Полска се приклучила во Европската Унија на 1 мај 2004 и го прифатила Шенгенскиот договор на 21 декември 2007 што довело до отстранување на постојаните гранични контроли.

Во времето по паѓањето на комунизмот, Франкфурт страда од висока невработеност и низок економски раст. Неговото население се иселувало и бројот на жители паднал од околу 87.000 во 1990 на нешто под 60.000 денес.

ФК Викторија Франкфурт е локалниот фудбалски клуб.

Европски универзитет[уреди]

Првиот универзитет во Маркгрофството Бранденбург бил франкфуртскиот Алма Матер Вјадрина, основан во 1506 од Јоаким Први Нестор. Првиот ректор, бискупот Георг фон Блументал (1490–1550), бил прочуен противник на протестантската Реформација, откако останал католик. Исто така, Франкфурт го добил архиепископот Алберт од Бранденбург околу 1510, кој исто така станал гласен противник на Реформацијата. Универзитетот бил затворен во 1811 и неговите средства биле поделени помеѓу двата нови универзитети основани од кралот Фридрих Вилхелм Трети: Универзитет Фридрих Вилхелм Берлин, денес Универзитет Хумболт и Шлезискиот универзитет Фридрих Вилхелм во Бреслау, денес Универзитет Вроцлав.

Универзитетот бил повторно основан во 1991 со европска акцент, во блиска соработка со Универзитетот Адам Микјевич во Познањ, кои заедно го водат Collegium Polonicum во Слубице.

Меѓународни односи[уреди]

Франкфурт на Одра, сместен на границата со Полска, игра специјална улога во германско-полските односи и европската интеграција. Дел од зградите на Европскиот универзитет Вијадрина се наоѓаат во Полска, во соседниот град Слубице. Исто така, универзитетот има голем број на проекти и иницијативи посветени на зближување на Германија и Полска и им нуди на своите студенти бесплатни полски јазични курсеви. Друг проект кој допринесува на германско-полското зближување во Франкфурт на Одра е куќата „Форст“, германско-полски студентски проект поддржан од градските власти[6] и универзитетот,[7] кој бил опишан од поранешниот претседател на универзитетот како место каде „почнува Европа“.[8]

Збратимени градови[уреди]

Поврзано: Список на збратимени градови во Германија

Франкфурт на Одра е збратимен со:

Филмови во Франкфурт[уреди]

Во последните години, Франкфурт бил домаќин на неколку познати германски филмови:

  • Halbe Treppe (2002)
  • Lichter (2003)
  • Die Kinder sind tot (2004)
  • No Exit (2004)
  • Kombat Sechzehn (2005)

Галерија[уреди]

Наводи[уреди]

  1. „Bevölkerung im Land Brandenburg nach amtsfreien Gemeinden, Ämtern und Gemeinden 31. Dezember 2012 (XLS-Datei; 83 KB) (Einwohnerzahlen auf Grundlage des Zensus 2011)“] (на германски). „Статистичка служба за Берлин и Бранденбург“. 31 декември 2011. https://www.statistik-berlin-brandenburg.de/Publikationen/OTab/2013/OT_A01-12-00_124_201212_BB.xls. 
  2. „Bevölkerungsprognose (Ergänzungsbericht)“ (на германски) (PDF). Kommunalen Statistikstelle der Stadt Frankfurt (Oder). февруари 2006. архивирано од оригиналот на 28 јуни 2007. http://web.archive.org/web/20070628132559/http://www.frankfurt-oder.de/ffo/CMSDocs?querymask=ELC3WBFI1NJEZ2&download=Bev%C3%B6lkerungsprognoseErg%C3%A4nzungFebruar2006.pdf. конс. 22 јануари 2007. 
  3. 3,0 3,1 3,2 Bröckling (1998), p.57
  4. 4,0 4,1 Mackillop (2003), p.64
  5. Anisimov, Evgeniǐ Viktorovich (1|995) Empress Elizabeth: Her Reign and Her Russia, 1741-1761. Academic International Press, p. 132. ISBN 0875691404
  6. Ad-hoc-news.de
  7. Euv-frankfurt-o.de
  8. Berlinonline.de

Надворешни врски[уреди]