Лајпциг

Лајпциг
Поглед над Augustusplatz
Лајпциг
Управа
Земја	Германија
Покраина	Саксонија
Адм. подрач.	Лајпциг
Округ	Урбан округ
Градоначалник	Буркхард Јунг (SPD)
Основни податоци
Површина	298 km2 (115 sq mi)
Население	528.049  (31 декември 2011)
- Густина	1.772 /km2 (4.589 /sq mi)
- Градско	996.100
- Метроп.	3.500.000
Други информации
Часовна зона	CET/CEST (UTC+1/+2)
Рег. табл.	L
Пошт. бр.	04001-04357
Повик. бр.	0341
Мреж. место	www.leipzig.de
Местоположбата на град Лајпциг во рамките на округот Урбан округ

Лајпциг (германски: Leipzig) е еден од двата најголеми градови (заедно со Дрезден) во сојузната покраина Саксонија, во Германија. Лајпциг се наоѓа околу 200 километри јужно од Берлин на устието на реките Вајсе Елстер, Плајсе и Парте на јужниот крај од Северногерманската Низина.

Лајпциг отсекогаш бил трговски град, кој за време на Светото римско царство се наоѓал на раскрсницата на Via Regia и Via Imperii, два важни трговски патишта. Едно време, Лајпциг бил еден од големите европски центри за образование и култура на полињата, како што се музика и издаваштво. По Втората светска војна, Лајпциг станал голем урбан центар во рамките на комунистичката Германската Демократска Република, но неговата културна и економска значајност опаднала.

Подоцна, Лајпциг играл значајна улога во поттикнувањето на падот на комунизмот во Источна Европа, со настаните, кои се случиле во и околу црквата Свети Никола. Со повторното обединување на Германија, Лајпциг бил подложен на значајни промени со обнова на некои историски градби, рушење на други и развој на современа сообраќајна инфраструктура. Лајпциг има многу институции и можности за култура и одмор, вклучувајќи го фудбалскиот стадион, кој бил домаќин на некои меѓународни натпревари, оперската куќа и зоолошката градина.

Во 2010, Лајпциг бил сместен на 68 место во светот по условите на живот, додека исто така во 2010 година, тој бил вклучен во топ 10 градовите, кои треба да се посетат од страна на New York Times.

Историја

Име

Лајпциг е изведено од словенскиот збор Lipsk, кој означува „населба каде има липи“.

Потекло

Карта од енциклопедијата Мајерс, насликана Битката кај Лајпциг на 18 октомври 1813

Лајпциг бил првпат споменат во 1015 во хрониките на бискупот Титмар од Мерзебург и во 1165, кога ги добил градските и пазарните права од Ото Богатиот. Лајпциг целосно ја обликувал историјата на Саксонија и на Германија и отсекогаш бил познат како трговско место. Саемот Лајпциг, започнат во средниот век, станал настан од меѓународно значење и е најстариот останат саем во светот.

Постојат записи за стопански рибарски операции на реката Плајсе во Лајпциг, кои постојат во 1305, кога грофот Дитрих Помладиот ги доделил рибарските права на црквата и манастирот Свети Тома.

Има голем број на манастири околу градот, вклучувајќи го бенедиктанскиот манастир по кој Barfussgässchen (Боса Алеја) е именувана и манастирот со ирски монаси близу денешниот Ranstädter Steinweg (стариот Via Regia).

Основањето на универзитетот Лајпциг во 1409 го започнал развојот на градот во центар на германското право и издавачката индустрија и довело кон тоа да биде место на Reichsgericht (Високиот суд) и германската национална библиотека (основана во 1912). Филозофот и математичарот Готфрид Вилхелм Лајбниц бил роден во Лајпциг во 1646 и студирал на универзитетот од 1661 до 1666.

На 24 декември 1701 бил воведен систем за осветлување на улиците на нафта. Градот вработил „светлосни“ стражари, кои требало да следат специфичен распоред за да обезбедат навремено осветлување на 700 фенери.

19. век

Регионот на Лајпциг бил арена на Битката кај Лајпциг помеѓу Наполеонска Франција и коалицијата на сојузниците Прусија, Русија, Австрија и Шведска. Таа била најголемата битка во Европа пред Првата светска војна и го завршила присуството на Наполеон во Германија и во крајна линија довела до неговиот прв егзил на Елба. Во 1913, споменикот на Битката на народите бил завршен, кој ја одбележувал стогодишнината од овој настан.

Споменик на Битката на народите

Со терминалот на првата германска железница на долги растојанија до Дрезден (главен град на Саксонија) во 1839, Лајпциг станал центар на железничкиот сообраќај во Централна Европа, со главната железничка станица Лајпциг како најголема терминална станица по површина во Европа. Железничката станица има две големи влезни сали, традиционална источната за електорот на Саксонија и западната за императорот на Германија.

Лајпциг станал центар на германските и саксонските либерални движење. Првата германска лабуристичка партија, Генералната германска работничка асоцијација (Allgemeiner Deutscher Arbeiterverein, ADAV) била основана во Лајпциг на 23 мај 1863 од Фердинанд Ласале; околу 600 работници од цела Германија патувале на основањето на новата железничка линија. Лајпциг брзо се проширил на околу еден милион жители. Огромни Gründerzeit области биле изградени, кои главно ги преживеале воените и повоените уривања.

Augustusplatz со оперската куќа Лајпциг, околу 1900

20. век

Поврзано: Бомбардирање на Лајпциг во Втората светска војна.

Со отворањето на петтата производствена хала во 1907, Leipziger Baumwollspinnerei станал најголемиот производител на памук на континентот, вдомувајќи над 240.000 вретала. Дневното производство надминувало 5 милиони килограми предиво.

Градоначалникот на градот од 1930 до 1937, Карл Фридрих Герделер бил познат ривал на нацистичкиот режим во Германија. Тој поднел оставка во 1937, кога во негово отсуство, неговиот нацистички заменик наредил уништување на градската скулптура на Феликс Менделсон. На кристалната ноќ во 1938, една од најважните архитектонски градби во градот, синагогата на Лајпциг од 1855 била намерно уништена.

Неколку илјади принудни работници биле сместени во Лајпциг во текот на Втората светска војна.

Исто така, градот бил тешко оштетен од сојузничките бомбардирање во текот на Втората светска војна. За разлика од соседниот град Дрезден, овој бил главно конвенционално бомбардиран со експлозии отколку со запаливи бомби. Последица на сето тоа е губењето на поголемиот дел од стариот дел на градот.

Сојузниците пристигнале во Лајпциг на крајот на април 1945. Втората пешадиска дивизија и 69-та пешадиска дивизија на САД се бореле за градот на 18 април и го завршиле своето освојување на 19 април, откако воделе жестока улична борба, во која често вклучувало борба за секоја куќа и блок.

Американските војници го предале град на Црвената армија, како што се повлекла линијата со советските сили во јули 1945. Лајпциг станал еден од главните градови во Германската Демократска Република (Источна Германија).

Во средина на 20-от век, саемите во градот повратиле дел од важноста на градот, особено со економскиот блок на Источна Европа, кој бил на речен Comecon, на кој Источна Германија била член. Во тоа време, саемите биле одржувани на местото јужно од градот, близу споменикот на битката на народите.

Во октомври 1989, по молитвите за мир во Црквата Свети Никола, основана во 1983 како дел од мировното движење, започнала понеделничките демонстрации како најистакнати масовни протести против источногерманскиот режим.

Лајпциг бил германски кандидат за Летните олимписки игри 2012, но не успеал.

Географија

Лајпцит се наоѓа на устието на реките Вајсе Елстер, Плајсе и Парте, во низините околу Лајпциг, на најјужниот дел од Северногерманската низина, која е дел од Северноевропската низина во Германија. Местото се карактеризира со мочуришни области, иако на северниот дел на градот има варовник. Пејзажот е главно рамен, иако исто така присутни се морена и друмлин.

И покрај тоа што има шумски паркови во самиот градот, областа околу Лајпциг е релативно непошумена. Во текот на 20-от век, овде се наоѓале отворени копови, многу од нив сега претворена во езера.

Лајпциг се наоѓал на раскрсница на древните патишта, познати како Via Regia, која поминувала низ германските земји во правец исток-запад и Via Imperii со правец север-југ.

Лајпциг бил град со ѕидини во средниот век и моменталниот „прстен“ пат околу центарот на градот одговара на старите градски ѕидини.

Окрузи и соседни региони

Лајпциг административно е поделен од 1992 на десет урбани окрузи, кои се составени од 63 подокрузи. Некои од нив одговараат на селата, кои биле придодавани кон Лајпциг.

Градски окрузи, нивната местоположба и врската со соседните окрузи

Округ	Нас.	Површина км²	Нас. по км²
Центар	49.562	13,88	3.570
Североисток	41.186	26,29	1.566
Исток	69.666	40,74	1.710
Југоисток	51.139	34,65	1.476
Југ	57.434	16,92	3.394
Југозапад	45.886	46,67	983
Запад	51.276	14,69	3.491
Стар Запад	46.009	26,09	1.764
Северозапад	28.036	39,09	717
Север	57.559	38,35	1.501

Окрузи и региони

	Делич	Језевиц
Шкојдиц	Раквиц	Тауха
		Борсдорф	Брандис
Маркранштет	Марклеберг	Наунхоф
Кицен	Цвенкау	Гроспесна

Клима

Климатски дијаграм за Лајпциг

Лајпциг има континентална клима со летни температури понекогаш над 30 степени (до 10 дена) и многу често под нулата во зила (до 62 дена). Како и во цела Германија, снегот обично се задржува подолго време, некогаш неколку недели, или дури и месеци, во зима.

Најтопол ден досега бил на 9-ти август 1992 со температура од 38,8 °C, додека најладно било на 14-ти јануари 1987 со -24,1 °C.

Климатски податоци за Лајпциг
Месец	Јан	Фев	Мар	Апр	Мај	Јун	Јул	Авг	Сеп	Окт	Ное	Дек	Годишно
Просечна висока °C (°F)	3.2 (37.8)	4.1 (39.4)	8.7 (47.7)	13.0 (55.4)	18.6 (65.5)	21.5 (70.7)	23.7 (74.7)	23.9 (75)	19.3 (66.7)	13.7 (56.7)	7.2 (45)	4.0 (39.2)	13,41 (56,14)
Средна дневна °C (°F)	0.7 (33.3)	1.1 (34)	5.0 (41)	8.4 (47.1)	13.4 (56.1)	16.5 (61.7)	18.5 (65.3)	18.6 (65.5)	14.8 (58.6)	9.9 (49.8)	4.5 (40.1)	1.7 (35.1)	9,43 (48,97)
Просечна ниска °C (°F)	-1.9 (28.6)	-2.0 (28.4)	1.2 (34.2)	3.7 (38.7)	8.1 (46.6)	11.4 (52.5)	13.3 (55.9)	13.3 (55.9)	10.2 (50.4)	6.0 (42.8)	1.8 (35.2)	-0.7 (30.7)	5,37 (41,66)
Дожд mm (инчи)	30.9 (1.217)	26.7 (1.051)	36.5 (1.437)	42.4 (1.669)	42.1 (1.657)	55.1 (2.169)	58.2 (2.291)	58.6 (2.307)	44.5 (1.752)	35.8 (1.409)	37.1 (1.461)	38.9 (1.531)	506,8 (19,953)
Прос. дождливи денови (≥ 1.0 mm)	8.1	6.6	8.0	7.6	8.5	9.4	8.8	8.1	7.6	7.3	7.9	8.9	96,8
Извор: Светска метеоролошка организација.

Демографија

Развој на населението од 1600

Населението на Лајпциг е околу половина милио со околу 11% стапка на неврабоност. Пред повторното обединување на Германија било над 700.000. Многу работоспособни луѓе ја разгледуваат можноста да се преселат на запад да бараат работа и ова е факторот кој придонесува да се намалат стапките за зголемување на населението. Меѓутоа, стапката на наталитет за 2010 била 5.414, највисока од обединувањето. Сепак имало 5.788 умрени во Лајпциг за 2010, но населението се зголемило поради миграцијата. Просечната возраст на населението е 44.

Процентот на луѓе мигранти или оние со негерманско потекло е прилично низок спореден со другите германски градови; бројот на странски жители всушност паднал од 28.177 во 2008 на 24.881 во 2010. До 2011, само околу 10% од населението било прва или втора генерација мигранти споредено со германскиот просек од 20%.

Бројот на малцинствата (прва и втора генерација) во Лајпциг по земја на потекла од 31 декември 2010

Место	Потекло	Број
1	Русија	5.600
2	Украина	3.100
3	Виетнам	3.000
4	Казахстан	2.100
5	Полска	2.000
6	Турција	1.600
7	Ирак	1.600
8	Народна Република Кина	1.100

Процент на население со мигрантно потекло
Германци (без никакво мигрантно потекло)	90 %
Германци со странско потекло/Странци	10 %
поранешен СССР (главно Русија, Казахстан, Украина)	2 %
муслимани/потекло од Среден Исток (Турција, Арапска лига, Иран)	2 %
азиско потекло (главно Виетнам, Кина)	1,5%
други (Полска, Југославија, Романија, Афрогерманци, Индија)	4,5 %

Архитектура

Лајпциг има многу згради со Gründerzeit архитектура и исто така многу Plattenbau архитектура од времето во режимот на Источна Германија. Градбата на Универзитетската црква, која била уништена од комунистите во 1968, моментално се обновува како секуларна градба. Градот, исто така, има бројни паркови и шумски области, како и голема зоолошка градина, која ја содржи најголемата збирка на примати во светот.

Култура

Главни знаменитости

Ново градско собрание

Седиштето на сојузниот административен суд на Германија гледано ноќе

Јоханапарк со City-Hochhaus Leipzig и кулата на новото градско собрание

Palais Roßbach, една од многуте Gründerzeit-градби во Лајпциг

• Црква Свети Тома (Thomaskirche): Најпозната како место каде Јохан Себастијан Бах работел како главен диригент и дом на познатиот машки хор Thomanerchor
• Споменик на Феликс Менделсон пред црквата. Уништен од нацистите во 1936, била обновена на 18 октомври 2008.
• Црква Свети Никола (Nikolaikirche), за која Бах исто така бил одговорен. Неделната Montagsgebet (понеделничка молитва), која се одржувала тука, во 1980-тите станал почетна точка на мирните понеделничките демонстрации против режимот на ГДР.
• Völkerschlachtdenkmal (Споменик за битката на народите): еден од најголемите споменици во Европа, изграден во чест на победоносната борба против трупите на Наполеон.
• Gewandhaus: дом на познатиот Gewandhaus Orchestra, таа е трета градба со тоа име
• Старо градско собрание: старото градско собрание било изградено во 1556 и сега е музеј за историјата на градот.
• Ново градско собрание: новото градско собрание било изградено на остатоците на Pleißenburg, замок, кој бил местото на дебатата во Лајпциг, помеѓу Јохан Ек и Мартин Лутер
• City-Hochhaus Leipzig: изградена во 1972, некогаш дел од универзитетот и највисока зграда во градот
• Auerbachs Keller: младиот Гете јадел и пиел во овој ресторан (сместен во подрум), додека студирал во Лајпциг; тој е место на една сцена од неговиот Фауст
• Städtisches Kaufhaus (општинска продавница): првиот едноставен саем во светот и денес дом на канцеларии, продавници, ресторани и привремени предавални за Универзитетот Лајпциг (неговото име е погрешно, бидејќи е во приватна сопственост)
• Bundesverwaltungsgericht: сојузниот административен суд на Германија бил местото на Reichsgericht, највисокиот државен суд помеѓу 1888 и 1945
• Ботаничката градина Лајпциг е најстарата ботаничка градина во Германија

Помеѓу познатите институции во Лајпциг се и оперската куќа и зоолошката градина, која ги има најголемите објекти за примати во светот. Меѓународниот саем во Лајпциг, северно од градот, е дом на најголемата лебдечка стаклена сала во светот. Лајпциг е исто така познат по неговите премини низ куќите и зградите.

Музика

Јохан Себастијан Бах работел во Лајпциг од 1723 до 1750, диригирајќи го Thomanerchor, во црквата Свети Тома, црквата Свети Никола и црквата Свети Павле, универзитетска црква на Лајпциг (уништена во 1968). Композиторот Рихард Вагнер бил роден во Лајпциг во 1813, во Брил. Роберт Шуман исто така бил активен во музиката во Лајпциг, откако бил поканет од Феликс Менделсон, кога тој го основал првиот германски музички конзерваториум во градот во 1843. Густав Малер бил вториот диригент (работејќи под Артур Никиш) во театарот во Лајпциг од јуни 1886 до мај 1888 и го постигнал своето прво признание, додека ја комплетирал и завршил операта Die Drei Pintos од Карл Марија фон Вебер, Малер исто така ја завршил својата прва симфонија, додека живеел тука.

Овој конзерваториум е денешниот Универзитет за музика и театар Лајпциг Може да се изучуваат широк спектар на предмети, како уметнички, така и обука за наставници, на сите оркестрални индуструменти, глас, интерпретација, тренирање, пијано, диригирање и музичко компонирање. Музички стилови, кои се присутни е џез, популарна музика, мјузикли, рана музика и црковна музика. Во одделот за драма присутно е и глумењето и драматургијата.

Архивот Бах за документација и истражување на животот и делото на Бах, како и на семејството Бах бил основан во 1950 од Вернер Нојман. Архивот го организира меѓународниот натпревар Јохан Себастијан Бах, започнат во 1950 како дел од музичкиот фестивал, посветен на одбележување на смртта на Бах. Натпреварувањето се одржува на секои две години во три различни категории. Архивот Бах исто така организира изложби, особен меѓународниот фестивал Bachfest Leipzig и го води музејот посветен на Бах.

Музичката традиција во градот се рефлектира и на светската слава на Gewandhausorchester и Thomanerchor. Повеќе од 60 години Лајпциг го нуди најстариот „училиштен концерт“, програма за деца во Германија. Со над 140 концерти секоја година во места како што е Gewandhaus и над 40.000 деца, кои го посетуваат, младинците се образуваат и инспирираат од музиката.

Што се однесува до современата музика, Лајпциг е познат по неговата независна музичка сцена и субкултурни настани. Лајпциг веќе 20 години е домаќин на најголемиот светски готски фестивал, годишниот Wave-Gotik-Treffen (WGT), каде илјадници обожаватели на електронската музика од цела Европа се собираат тука во почетокот на летото. Leipzig Pop Up е годишен музички саем за независната музичка сцена, како и музичкиот фестивал, кој се одржува во неделата на Педесетницата. Неколку места нудат жива музика и во текот на денот. Moritzbastei е еден од најстарите студентски клубови во Европа со концерти во различни музички стила.

Бил и Том Каулици, членови на групата Токио хотел, биле родени во Лајпциг во 1989, како и Тил Линдеман од Рамштајн во 1963.

Уметност

Градската современа уметност е нагласена со отворањето на ретроспективната изложба „Neo Rauch“ во април 2010 во Музејот за ликовна уметност Лајпциг. Ова е изложба посветена на таткото на Новата лајпцишка школа за уметници. Според The New York Times, оваа настан „бил најозборуван во светот на современата уметност“ во последната декада. Постојат единаесет галерии во т.н. „Leipziger Baumwollspinnerei“, поранешна фабрика за памук, која ги привлекува сите видови на независни уметници. The New York Times го вброил Лајпциг во првите 10 од неговите „31 места за пат“ во 2010.

Комплексот на музејот Граси се состои од три големи збирки на Лајпциг: Етнографски музеј, Музеј за современа уметност и Музеј за музички инструменти (последниот е под раководство на Универзитетот Лајпциг). Универзитетот исто така управува со музејот за антиквитети.

Годишни настани

Новиот саемски центар

• Auto Mobil International (AMI) - автомобилски настан
• AMITEC - саем за одржување, нега, сервис и поправки на возила во Германија и Централна Европа
• A cappella: вокален музички фестивал
• Bach-Fest: фестивал за Јохан Себастијан Бах
• Божиќен пазар (од 1767)
• Dok Leipzig: меѓународен фестивал за документарен и анимиран филм
• Jazztage, современ џез-фестивал
• Ladyfest Leipzig (август), феминистички панк & електронски фестивал
• Саем на книга: вториот најголем саем на книга во Германија, по Франкфурт
• Операта во живо со музичкиот танц-театар
• Stadtfest: градски фестивал
• Wave-Gotik-Treffen на педесетница: најголемиот готски фестивал или фестивал на „темната култура“ во светот
• Leipzig Pop Up

Сообраќај

Патен

Првично основан на раскрсницата на Via Regia и Via Imperii, Лајпциг бил главна раскрсница на меѓуевропскиот сообраќај и трговија од средновековни времиња. По повторното обединување на Германија, вложени се огромни напори да се обнови и продолжи сообраќајната мрежа, како и да се обезбеди извонредна инфраструктура во градот.

Од 1936, Лајпциг бил поврзан со A9 и A14 преку раскрсницата Schkeuditzer Kreuz и неколку излези. А38 го комплетира автопатскиот прстен околу Лајпциг и бил завршен во август 2006.

Како повеќето германски градови, Лајпциг има сообраќаен распоред да биде пријателски настроен кон велосипедите. Постои огромна велосипедска мрежа. Во повеќето еднонасочни улици, на велосипедистите им е дозволено да возат во обете насоки. Неколку велосипедски патеки се изградени или отворени од 1990.

Железнички

Главната железничка станица Лајпциг, отворена во 1915, е јазол на важните север-југ и запад-исток железнички линии. ICE возовите помеѓу Берлин и Минхен застануваат во Лајпциг и им треба околу 1 час од Берлин и 6 часа од Минхен.

Лајпциг исто така има развиена локална мрежа на јавниот превоз. Мрежата на трамвајот и автобусите се управувани од Leipziger Verkehrsbetriebe. Трамвајската мрежа во Лајпциг, во должина од 209 километри, е една од најдолгите во некој германски град.

Подземната железничка линија, наречена „градски тунел“, моментално е во изградва и таа ќе ја поврзува железничката станица и центарот на градот. Ќе чини над 500 милиони евра.

Воздушен

Аеродромот Лајпциг-Хале е главниот аеродром во близина на градот. Аеродромот Лајпциг-Хале нуди голем број сезонски чартер-летови, како и и редовни линии. Поранешниот воен аеродром близу Алтенбург, Тирингија наречен аеродром Лајпциг/Алтенбург оддалечен околу половина час возење од Лајпциг, претходно бил (до 2010) опслужуван од Ryanair.

Воден

Во првата половина на 20-от век, изградбата на каналите Елстер-Зале, Вајсе Елстер и Зале била започната во Лајпциг со цел да го поврзи со водените патишта. Во текот на Втората светска војна запрен е најголемиот дел од работите, иако некои продолжиле со принудна работна сила. Пристаништето Линденауер било скоро завршено, но сè уште неповрзано со каналите Елстер-Зале и Карл-Хајне соодветно. Реките во Лајпциг (Вајсе Елстер, Ној Лупе Плајсе и Парте) во градот биле главно во вештачки речни корита и испрекинати со некои канали. Овие водени патишта се достапни само за мали бротчиња.

Преку реновирање и обнова на постоечките водни канали и водотеците во јужниот дел на градот и поплавувањето на затворените отворени копови, градската пловна мрежа била во голема мерка проширена. Градот овластил планирање за врска помеѓу Каналот Карл Хајне и затвореното пристаниште Линденауер во 2008. Треба да се завршат уште некои работи за да се заврши каналот Елстер-Зале.

Цитати

Mein Leipzig lob' ich mir! Es ist ein klein Paris und bildet seine Leute. (Го обожавам во мојот Лајпциг! Тој е мал Париз и ги образува неговите луѓе.) - Фрош, универзитетски студент во Фауст, Дел Еден

Ich komme nach Leipzig, an den Ort, wo man die ganze Welt im Kleinen sehen kann. (Доаѓам во Лајпциг, на местото, каде можам да го видам целиот свет во мало.) – Готхолд Ефраим Лесинг

Extra Lipsiam vivere est miserrime vivere. (Да живееш надвор од Лајпциг е да живееш мизерно.) - Бенедикт Карпцог Помладиот

Меѓународни односи

Поврзано: Список на збратимени градови во Германија.

Плакета на улицата Лајпциг во Киев, еден од збратимените градови на Лајпциг

Лајпциг е збратимен со:

• Адис Абеба, Етиопија, од 2004
• Бирмингем, Обединето Кралство, од 1992
• Болоња, Италија, од 1962, обновено во 1997
• Брно, Чешка, од 1973, обновено во 1999
• Франкфурт на Мајна, Германија, од 1990
• Хановер, Германија, од 1987
• Хјустон, САД, од 1993
• Киев, Украина, од 1961, обновено во 1992
• Лион, Франција, од 1981
• Нанкинг, Кина, од 1988
• Пловдив, Бугарија, од 1975, обновено во 2007
• Солун, Грција, од 1984
• Травник, Босна и Херцеговина, од 2003
• Херцлија, Израел, од 2010

Партнерства

• Краков, Полска, од 1973, обновено во 1995

Поврзано

• Награда за човекови права Лајпциг
• Список на градоначалници на Лајпциг
• Hugo Schneider AG
• Универзитетска библиотека Лајпциг

Надворешни врски

• Официјална страница на градот
• Лајпциг - Проект „Отворен директориум“ (англиски)
• Лајпциг како виртуелен град - англиски
• Leipzig Zeitgeist, англиско списание за Лајпциг
• Лајпциг на Wikitravel (англиски)