Округот бил основан во 1994 година, кога двата некогашни окрузи Диполдисвалде и Фрајтал се споиле. Во август 2008, како дел од реформата на окрузите во Саксонија, окрузите Саксонска Швајцарија и Вајсериц се споиле во новиот округ Саксонска Швајцарија-Источни Рудни Планини.
Округот се наоѓа на Рудните Планини, средиштен дел е Тарантската шума. Округот го добил неговото име по двете реки Вилде Вајсериц и Роте Вајсериц, кои се спојуваат близу Фрајтал во реката Вајсериц, која потоа се влева во Елба во Дрезден. Највисока точка е Калеберг на 905 метри надморска височина.
Во текот на поплавите во август 2002, реката Вајсериц надошла со повеќекратно количество вода од вообичаеното и уништила многу згради, куќи, улици и мостови низ речната долина.
Сините линии ја симболизираат реката Вајсериц и нејзиното обединување со реките Вилде Вајсериц и Роте Вајсериц. Рударскиот симбол долу ја претставува старата рударска традиција во Рудните Планини. Дрвото ги претставува големите шумски подрачја во округот и лавор десно е симбол на Мајсен, бидејќи областа историси припаѓала на грофовијата Мајсен.