Парте

Парте
Местоположба
Физички особености
Устие	Вајсе Елстер 51°21′39″N 12°20′32″E
Должина	60 км
Особености на сливот

Парте — река во Саксонија, Германија, десна притока на Вајсе Елстер. Нејзина вкупна должина е 60 километри. Парте потекнува од северна Саксонија, помеѓу Колдиц и Бад Лаузик. Тече северозападно низ Партенштајн, Наунхоф, Борсдорф и Тауха пред да влезе во градот Лајпциг. Парте се влева во Вајсе Елстер во северозападен Лајпциг.

Тек

На нејзиниот тек низ низината околу Лајпциг (Leipziger Tieflandsbucht), Парте тече низ Гросбардау, Партенштајн, Наунхоф, Бојха, Борсдорф, Панич, Тауха и Лајпциг. Во Парте се влеваат, меѓу другите, Гладеграбен, Мала Парте, Тодграбен, Мителграбен, Гренцграбен, Трене, Цаухграбен, Кителграбен, Вахтелбах, Лезеграбен, Штадицбах, Хазенграбен и Ридгенграбен. Парте низ Лајпциг тече низ камено речно корито, кое е видливо.

Име

Меѓу другите, општината Партенштајн и сообраќајната раскрсница Партенауе (спојувањето на А38 во А14) се наречени по реката.

Поплава 2002

Во текот на поплавата на столетието на Елба во 2002, Парте исто така се излила од нејзиното користо. Ова довело до штета во селата и градовите, како што се Клајнбардау и Гросбардау.

Рекреација и природа

Велосипедската патека Парте-Мулде, долга 51 километар од Грима преку Наунхоф, Борсдорф и Тауха до Лајпциг води долж реката Парте. Таа е дел од мрежата на велосипедски патеки, кои водат од Лајпциг до Фрајбергер Мулде, како и реката Елба.

Во Тауха и Лајпциг-Абтнаундорф, Парте тече низ паркови. Големи делови на речниот тек се прогласени како „Природен резерват Партенауе-Махерн“.