Баден-Виртемберг

Знаме
Грб
Главен град:	Штутгарт
Површина:	35,751.65 km²
Жители:	10,718,327 (2005-03-31)
густина на насел.:	300/km²
Веб-сајт:	http://www.baden-wuerttemberg.de/
ISO 3166-2:	DE-BW
Политика
Премиер:	Гунтер Етингер (ХДУ)
Владејачка партија:	ХДУ/ФДП коалиција
Мапа

Баден-Виртемберг (на германски: Baden-Württemberg) е сојузна покраина (држава) во југозападна Германија, источно од горниот тек на реката Рајна. Таа е третата најголема сојузна држава (по површина и по население) од вкупно шеснаесетте држави, со површина од 35,742 km² и 10,7 милиони жители. Главен град е Штутгарт.

Географија

Државата граничи со Швајцарија на југ, со Франција на запад и со германските сојузни држави Рајнска област-Пфалц, Хесен и Баварија.

Поголеми градови во Баден-Виртемберг се Штутгарт, Манхајм, Карлсруе, Фрајбург, Хајделберг, Хајлброн, Лудвигсбург, Улм, Тибинген, Пфорцхајм и Ројтлинген.

Реката Рајна ги образува западната, како и поголеми делови од јужната граница. Шварцвалд (герм. Црна Шума) е главниот планински венец на државата, кој започнува од исток од долината на Рајна. Баден-Виртемберг ги дели Боденското Езеро и ограноците од Алпите со Швајцарија.

Дунав извира од Баден-Виртемберг, во близина на градот Донауешинген, кај месноста Фуртванген на Шварцвалд.

Административна поделба

Баден-Виртемберг е поделен на 35 окрузи, групирани во четири административни подрачја (владини окрузи): Фрајбург, Карлсруе, Штутгарт и Тибинген.

Алб-Донау Биберах Боденсее Бублинген Брајсгау-Хохшварцвалд Калв Констанц (Констанца) Емендинген Енц Еслинген Фројденштат Гупинген

Хајденхајм Хајлброн Хоенлохе Карлсруе Лорах Лудвигсбург Мајн-Таубер Некар-Оденвалд-Крајс Ортенаукрајс Осталбкрајс Раштат Равенсбург

Ремс-Мур-Крајс Ројтлинген Рајн-Некар-Крајс Ротвајл Швебиш Хал Шварцвалд-Баар-Крајс Зигмаринген Тибинген Тутлинген Валдсхут Цолерналбкрајс

Кампањски леток. Текстот вели: "Ние можеме да правиме сѐ - со исклучок да ,,зборуваме" стандарден германски"; Ова е алузија на фактот дека многу жители на Баден-Виртемберг зборуваат многу различни регионални дијалекти

Исто така постојат и девет слободни градови кои не припаѓаат на ниту една област:

1. Баден-Баден
2. Фрајбург
3. Хајделберг
4. Хајлброн
5. Карлсруе
6. Манхајм
7. Пфорцхајм
8. Штутгарт
9. Улм

Историја

Сојузната покраина се состои од историските држави Баден, Хоенцолерн и Виртемберг.

По Втората Светска војна, сојузниците воспоставиле три држави: Виртемберг-Баден (окупиран од САД), Виртемберг-Хоенцолерн (Франција) и Баден (Франција). Во 1952 година, овие држави се спојуваат со што ја формираат денешната Баден-Виртемберг; Конституцијата од 1949 содржела специјална клауза (Член 118) која го овозможила спојувањето на државите.

Политика

Листа на премиери на Баден-Виртемберг

1. 1952 - 1953: Рејнхолд Мајер (СДГ/ГВП)
2. 1953 - 1958: Гебхард Милер (ХДУ)
3. 1958 - 1966: Курт Георг Кисинџер (ХДУ)
4. 1966 - 1978: Ханс Карл Филбингер (ХДУ)
5. 1978 - 1991: Лотар Шпет (ХДУ)
6. 1991 - 2005: Ервин Тојфел (ХДУ)
7. од 2005: Гунтер Етингер (ХДУ)

Надворешни врски

• Официјалниот веб-сајт на Баден-Виртемберг
• Повеќе податоци за Баден-Виртемберг