Салцбург

Од Википедија — слободната енциклопедија
Прејди на: содржини, барај

Салцбург (гер. Salzburg) е четврт град по големина во Австрија, сместен во средишниот дел на државата. Салцбург е административен, економски и културен центар на истоимената покраина Салцбург. Салцбург е познат по барокниот стил, еден од најзачуваните во Средна Европа. Поради тоа, градското јадро претставува културно наследство заштитено од УНЕСКО. Исто така, познат е и како "град на класичната музика", благодарение на Волфганг Амадеус Моцарт, кој се родил токму овде. Салцбург е познат и по блискоста на Алпите и познатите алпски зимски центри, па затоа го викаат „Врата на Алпите“.

Географија[уреди]

Салцбург се наоѓа во средниот дел на Австрија, на околу 15 километри од границата со Германија, такашто тој е најблизок поголем град на германскиот Минхен, оддалечен 150 километри. Според рељефот, сместен е во подножјето на Алпите. Климата е умерено континентална со благо влијание на планинска клима поради близината на планините. Водите ги застапува реката Салцах која течи низ градот.

Население[уреди]

Со 150.000 жители Салцбург е четврт град по големина во државата. Околината на градот има повеќе од 210.000 жители. Треба да се напомене дека тука живеат и работат многу студенти и работници од разни места на светот и секојдневно градот е посетен од илјадници туристи.