30 јануари

30 јануари е 30-иот ден во годината според григоријанскиот календар. Остануваат 335 денови до крајот на годината (336 во престапна).

Настани:

1945	Руска подморница го торпедира и потопи германскиот брод Вилхелм Густлов, преполн со бегалци. Преку 9000 лица го загубија животот во трагедијата која се смета за најголема поморска катастрофа во историјата.
1948	Во Њу Делхи е извршен атентат врз Махатма Ганди, водач на индиското ослободително движење. Ганди, наречен Махатма (голема душа) ги пропагираше не насилничките методи за национално ослободување и поради тоа стана симбол на борбата на народите на Индија за независност. Роден е на 2.10.1869 година.
1996	Како прилог на весникот „Вечер“ излезе првиот број на весникот „Занаетчија“, гласило на Здружението на занаетчиски и други самостојни стопанственици на град Скопје - Стопанска комора на Македонија.

Родени:

1830	Григор Прличев, еден од најпознатите македонски писатели од 19 век.
1848	Фердинанд Манлихер, австриски конструктор на оружје, изумител на Манлихерката.
1882	Франклин Делано Рузвелт, американски претседател, кој на должноста беше избиран четири пати.
1909	Д-р Харалампие Поленаковиќ, еден од основоположниците на историјата на македонската литература, истакнат македонски научен и културен работник.

Починале:

1948	Махатма Ганди, водач на индиското ослободително движење.