Претседател на Соединетите Американски Држави

Од Википедија

Соединети Американски Држави

Оваа статија е дел од серијалот: Соединетите Американски Држави

Федерална влада Устав Оданочување Законодавство Конгрес Дом Претседател Партиски лидери Конгресни окрузи Сенат Привремен претседател Партиски лидери Претседателство Претседател Потпретседател Кабинет Федерални агенции Правосудство Федерални судови Врховен суд Околиски апелациони судови Окружни судови Избори Претседателски избори Среднорочни избори Политички партии Демократска Републиканска Трета партија Поделба Влади на државите Гувернери Законодавство (Листа) Државни судови Локална управа

Други земји · Атлас  Портал „Управување со САД“ п • р • у

Претседателот на Соединетите Американски Држави (англ. President of the United States of America) е шеф на државата и на владата на САД. Претседателот е на чело на извршната власт на федералната влада, чија улога е да ги спроведува државните закони како што ги пропишува Уставот на САД и Конгресот на САД. Претседателот е командант на вооружените сили на САД. Покрај тоа, има и дуги ексклузивни права доделени според Уставот, вклучувајќи и да потпишува или забранува закони изгласани од Конгресот, да формира кабинет од советници, да помилува осуденици, и, со совет и согласност на Сенатот на САД, да склучува меѓународни договори, да назначува федерални службеници, амбасадори, федерални судии и судии на Врховниот суд на САД.

Како и со сите високои државни службеници, Уставот ги ограничува овластувањата на Претседателот преку сложен механизам на проверки наменети за заштита на системот од какви било злоупотреби или преземање на апсолутна власт.

Претседателот се избира индиректно, преку Изборен Колеџ на четиригодишен мандат кој може да се повтори само уште еднаш. Секоја сојузна држава делегира пропорционален број на изборни гласови во изборниот колеџ. Преку мнозински систем, гласачите во сите држави гласаат за претседателски кандидат, и победникот ги добива сите изборни гласови во колеџот од таа сојузна држава. За да се избере претседател е потребно просто мнозинство во изборниот колеџ, доколку гласањето е изедначено, Претставничкиот дом на САД го избира претседателот.

Прв претседател на САД бил Џорџ Вашингтон. До денес, вкупно 43 лица во вкупно 55 мандати ја вршеле оваа функција.

Сегашниот претседател на САД е Барак Обама.

Белата куќа во Вашингтон е седиште и резиденција на Претседателот на САД. Платата на претседателот на САД е 400.000 УСД.^[1]

Од крајот на 20. век, кога САД се единствена супер-сила, Претседателот на САД често се нарекува „најмоќна личност на светот“ и секако е една од највлијателните и најпознатите личности во светот.

[уреди] Видете исто така

• Листа на претседатели на Соединетите Американски Држави.

[уреди] Референци