Австроунгарија

Австроунгарска Империја Österreich-Ungarn (герм.) Osztrák–Magyar Monarchia (унг.) ← 1867–1918 ↓ Civil Ensign Грб (1915) Химна Volkshymne (Боже чувај го Императорот) Местоположба на Австроунгарското Царство во 1913 Главен град Виена, Будимпешта Јазици германски и многу локални јазици (пр. чешки, словенечки) во Цислејтанија унгарски и латински во Унгарија Религија Католици Уредување Монархија Цар  - 1848-1916 Франц Јозеф I  - 1916-1918 Карл I Историја  - Компромисот од 1867 29 мај 1867  - Независност на Чехословачка 28 октомври 1918  - Независност на Кралство СХС 29 октомври 1918  - Распад 31 октомври 1918 Површина  - 1910 676.615 km² Население  - 1910 51.390.223       Густина 76 жители/km² Валута Гулден Круна (од 1892) Претходник Следбеник Австриско Царство Австрија Унгарска Демократска Република Прва Чехословачка Република Втора Полска Република Лемко-Руска Република Украинска Народна Република Западноукраинска Национална Република Команчка Република Кралство СХС Кралство Србија Банатска Република

Австро-Унгарија (на германски: Österreich-Ungarn, на унгарски: Osztrák-Magyar Monarchia) е поранешна монархија, односно позната и како Двојна Монархија, која се состоела од два дела - Цислеитанија (западниот дел) и Транслеитанија (источниот дел). Императорот на Австрија истовремено бил и крал на Унгарија. Оваа монархија постоела во периодот од 1867, кога Унгарија добила можност за автономија во рамките на империјата се до нејзиното и распаѓање во 1918 година, односно пред завршувањето на Првата Светска војна, Австро-Унгарија била втората по големина држава во Европа, веднаш по Руската империја и трета по население по Руската и Германска империја. Во составот на империјата живееле Германци, Италијанци, Унгарци, Хрвати, Украинци, Бошњаци, Словенци, Срби, Руси, Романци и.т.н.

Историја

Австро-Унгарија била создадена во текот на 1867 година како резултат на реформите кои биле преземени во рамките на дотогашната Австриска империја, која од своја страна пак својата историја започнала да ја гради од 14 век. Во 1914 година, односно во Првата светска војна, влегла во составот на Централните сили заедно уште и со Германија, Турција и Бугарија.

Во текот на Првата Светска војна Австро-Унгарија ја имала една од најсилната пешадиска армија. Биле мобилизирани околу 9 000 000 војници. Австро-Унгарија во текот на војната била ставена во најлоша положба бидејќи истовремено требала да војна на 4 фронта - Јужен Балкански (Солунски), Романски, Источен (руски) и Италијански фронт. Во почетокот забележала големи успеси напредувајки во Русија.Подоцна кога и Кралството Италија влегло во војната на страна на Антантата, Австроунгарија забележала големи успеси и на италијанскиот фронт,поточно на битките кај реката Соча. Најголема победа Австроунгарската војска извојувала во Битката кај Капорето.Италијанците доживеале катастрофален пораз и биле приморани да се повлекуваат неколку километри а Австроунгарците се доближиле опасно близу до Венеција.

Императори

На врвот на Австро-Унгарија стоел австрискиот император кој бил и унгарски крал. Тој се служел и со други титули, како крал на Бохемија, или крал на Чешка). Хабсбургците се основната династија која владеела со империјата:

• Франц II (1804 – 1835), кој истовремено бил и унгарски крал но под името Ференц I (1804 – 1835);
• Фердинанд I (1835 – 1848), кој истовремено бил и унгарски крал но под името Фердинанд V (1835 – 1848);
• Франц Јосиф (1848 – 1916), кој истовремено бил и унгарски крал;
• Карл I, кој истовремено бил и унгарски крал но под името Карл IV (1916 – 1918).

Распаѓање на империјата

Истовремено, со поразот во војната, Австро-Унгарија како еден од условите била со сила распарчена од страна на Антантата (ноември 1918 г.). Како главната причина се гледа во стравот на Антантата овие две земји многу брзо да закрепнат од војната, со кое повторно би се создала можеби и уште посилна земја од тогашната Австро-Унгарија.