Нови Сад

Нови Сад
Центарот на Нови Сад виден од Петроварадинската тврдина
(Грб)	(Знаме)
Општи податоци
Име	Нови Сад
Површина	699 km²
Население(2010)	381.388
Густина	1,971 ж./km²
Надморска височина:	80 m
Часовна зона	UTC+1 (CET) (Летно време: UTC+2 (CEST)
Градоначалник:	Игор Павличиќ
Веб-страница:	www.novisad.rs
Местоположба
Држава:	Србија
покраина:	Војводина
Управен округ:	Јужнобачки округ
Географски координати:	45° 15′ 18′′ с.г.ш. 19° 50′ 41′′ и.г.д.
Нови Сад Нови Сад (Србија)
Ознаки на градот
Автомобилска ознака:	NS
Повикувачки број:	021
Поштенски број:	21000

Нови Сад (срп. Нови Сад/Novi Sad, унг. Újvidék, словач. Nový Sad, гер. Neusatz (an der Donau), лат. Neoplanta) е главен град на северната српска покраина Војводина и административен центар на Јужно-бачкиот округ. Нови Сад е поврзан со предградијата Сремска Каменица и Петроварадин, кои заедно со 13 други населени места (меѓу кои, Футог, Ветерник, Лединци и Буковац) се дел од новосадската општина.

Нови Сад е втор по големина град во Србија, по Белград. На најновиот попис од 2010, градот има урбано население од 299.294‏, додека населението на општината е 381.388. Градот се наоѓа на границата помеѓу регионите Бачка и Срем, на брегот на реката Дунав и каналот Дунав-Тиса-Дунав, притоа гледајќи на северните падини на планината Фрушка Гора. Надморската височина на рамничарскиот дел на градот е од 72 до 80 метри, а градот се наоѓа помеѓу 1.252 и 1.262 километар од течението на Дунав.

Уште од формирањето во 1694, Нови Сад е центар на српската култура и го добил прекарот Српска Атина. Денес, Нови Сад е голем индустриски и финансиски центар на српската економија; а исто така е еден од најголемите градежни локации во регионот.

Етничкиот состав на населението е следниот: Срби (75,50%), Унгарци (5,24%), Југословени (3,17%), Словаци (2,41%), Хрвати (2,09%), Црногорци (1,68%) и останати. Во градот живеат и 910 Македонци (0,47%).