Алин Дол (Немањици)

„Алин Дол“ археолошко наоѓалиште
Алин Дол Местоположба на Алин Дол во Македонија
Местоположба	41°55′03″N 22°00′38″E
Основни податоци
Место	Немањици
Општина	Свети Николе
Тип	населба
Период	неолитско време
	римско врме
Портал „Археологија“

Алин Дол — археолошко наоѓалиште во светиниколското село Немањици. Претставува населба од неолитско време и римско врме.

Се наоѓа на 1,8 км северозападно од селото, на тераса од левата страна на Орелска Река, во реонот на ХА „Мавровица“. Зафаќа површина од околу 8 хектара која многу години била обработувана. При изградбата на акумулационото езеро поголем дел од терасата е пресечен. Во 1981 година во организација на Археолошкиот музеј на Македонија и Републичкиот завод за заштита на спомениците на културата се извршени заштитни ископувања при што се пронајдени остатоци од населби од неолитското и римското време. Неолитската населба е целосно уништена, а најдениот керамички материјал покажал дека се работи за повеќеслојна населба, хронолошки и културно идентична со населбата [[Барутница во Амзабегово, односно со еволуција од крајот на раниот до крајот на доцниот неолит (Анзабегово-Вршник I-IV). На истата тераса со ископувањето е откриена печка за печење на тегули и тули, од III-IV век. Печката има речиси четвртеста основа, со димензии од 3,4 × 2,85 м. Била изградена од ќерпич и кал. На средината на западниот ѕид има префурниум преку кој се загревала. Скарата е решеткава со кружни отвори правилно распоредени,по девет во десет реда. Носачите на скарата се три паралелно поставени ѕида.

Поврзано

• Ветрен — некропола од железното време
• Вреж — населба од неолитското време
• Градиште — утврдена населба од железното време
• Давица — населба и некропола од римското време
• Зелена Чукарка - Јокуш — населба и некропола од римското време
• Јокуш — некропола од римското време
• Мишевска Воденица — вила рустика од римското времеж
• Црквиште — населба и некропола од римското време
• Немањици;
• Список на археолошки наоѓалишта во Светиниколско;
• Список на средновековни некрополи во Македонија.