Ковчези (Долно Ѓуѓанци)

Од Википедија — слободната енциклопедија
(Пренасочено од Ковчези (Долно Ѓуѓанце))
Прејди на прегледникот Прејди на пребарувањето
Ковчези
археолошко наоѓалиште
Ковчези is located in Македонија
Ковчези
Местоположба на Ковчези во Македонија
Местоположба 41°46′54″N 21°59′44″E / 41.78167° N; 21.99556° E / 41.78167; 21.99556Координати: 41°46′54″N 21°59′44″E / 41.78167° N; 21.99556° E / 41.78167; 21.99556
Основни податоци
Име Ковчези
Место Долно Ѓуѓанци
Општина Свети Николе
Тип

Археомак 2.0 графички знак (некропола).svg некропола

Период доцноантичко време
Портал „Археологија“

Ковчези — светилиште и некропола од доцноантичко време кај селото Долно Ѓуѓанци, Светиниколско. На околу 3 км источно од селото се наоѓа високо плато со надморска височина од 601 м, со површина од 200 × 100 м, опкружено со стрмни падини. На највисоката точка на платото има четири дупки исклепани во карпа, со пречник од 0,55 м и со длабочина од 0,05 м, распоредени во приближно четвртеста основа од 8 × 7 м, а на средината меѓу нив има уште една помала дупка. Веројатно се работи за лежишта на дрвени колци што носеле покривна конструкција од некаков отворен сакрален објект во кој во централната дупка, се вршела либација. Западно од оваа дупка се наоѓа гроб, исто така издлабен со димезии од 1,93 × 0,85 м, длабок 1,13 м, што се стеснува кон дното, поставен во правец север-југ. Во наоѓалиштето се наоѓаат уште четири гроба издлабени во карпата, кои се отворени од диви копачи. Посебно е интересен гробот обележен како гроб бр. 3, со димензии од 2,05 × 1,74 м, кој има ниша со натписно поле над која релјефно се претставени два лава свртени еден кон друг[1].

Наводи[уреди | уреди извор]

  1. Коцо, Димче (1996). Археолошка карта на Република Македонија. Скопје: МАНУ. ISBN 9789989101069