Хузум

Од Википедија — слободната енциклопедија
Прејди на прегледникот Прејди на пребарувањето
Хузум
Пристаништето во Хузум
Пристаништето во Хузум
Грб на Хузум
Хузум се наоѓа во Германија
Хузум
Управа
Земја Германија
Покраина Шлезвиг-Холштајн
Округ Северна Фризија
Градоначалник Уве Шмиц
Основни податоци
Површина 25,82 км2
Надм. височина 14 м
Население 23.097 (31 декември 2016)[1]
 - Густина 895 жит/км2
Други информации
Часовен појас CET/CEST (UTC+1/+2)
Рег. табл. NF
Пошт. бр. 25801–25813
Повик. бр. 04841
Портал husum.org
Местоположбата на градот Хузум во рамките на округот Северна Фризија
Карта
Координати 54°28′00″ СГШ 9°03′00″ ИГД / 

Хузум (германски: Husum; севернофризиски: Hüsem) — град и административно седиште на округот Северна Фризија, во сојузната покраина Шлезвиг-Холштајн, Германија. Градот е родното место на романописецот Теодор Шторм, кој ја создал фразата „сивиот град крај морето“. Исто така во него се одржува годишниот меѓународен фестивал на пијаното „Раритети на музиката за клавир“ (Raritäten der Klaviermusik), воспоставен во 1986 година.[2]

Историја[уреди | уреди извор]

Хузум бил прв пат споменат како Хузембро (Husembro) во 1252 година, кога данскиот крал Абел бил убиен.

Како повеќето градови на Северното Море, Хузум бил отсекогаш под влијание на силни бури. Во 1362 година ужасна бура наречена „Големата поплава“ го поплавила градот и го овозможила природното пристаниште. Пред тоа, Хузум не се наоѓал директно на брегот. Луѓето од градот ја искористиле оваа можност и изградиле пазар, кој довел до голем економски пресврт.

Помеѓу 1372 и 1398 година, населението во Хузум постојано се зголемувало и биле основани две села: Остер-Хузум (Oster-Husum) и Вестер-Хузум (Wester-Husum).

Името Хузум било прв пат споменато во 1409 година. Прикажано е на Карта Марина во фризискиот облик од Хузем (Husem).

Географија[уреди | уреди извор]

Хузум се наоѓа на Северното Море; 82 километри западно од Кил, 139 километри северозападно од Хамбург и 43 километри југозападно од Фленсбург.

Градски единици[уреди | уреди извор]

Градот е поделен на следниве градски единици:

  • Центар (Zentrum)
  • Нордхузум (Nordhusum)
  • Поренког (Porrenkoog)
  • Остерхузум и Остерхузумфелд (Osterhusum, Osterhusumfeld)
  • Алтштат (Altstadt)
  • Нордершлаг (Norderschlag)
  • Драјмилен (Dreimühlen)
  • Редемис (Rödemis)
  • Фишерзидлунг (Fischersiedlung)
  • Нојштат (Neustadt)
  • Гевербегебит (Gewerbegebiet)
  • Килсбург (Kielsburg)
  • Розенбург (Rosenburg)
  • Шобил (Schobüll)
  • Халебил (Halebüll)
  • Хокенсбил (Hockensbüll)
  • Лунд (Lund)

Култура[уреди | уреди извор]

Како туристичко одредиште и порта кон Севернофризиските Острови, Хузум нуди многу културни настани.

Фестивал „Раритети на музиката за клавир“[уреди | уреди извор]

Овој меѓународен фестивал на раритетната музика за клавир, насочен кон непознатата класична пијано музика, бил основан во 1986 година од Петер Фроундјијан и се одржува во градскиот замок.[2]

Музеи[уреди | уреди извор]

Бродски музеј
  • Куќа „Теодор Шторм“ (Theodor-Storm-Haus) претставува родната куќа на писателот Теодор Шторм. Во нејзе се наоѓа изложба посветена на романописецот и неговите дела.
  • Бродскиот музеј Северна Фризија (Schifffahrtsmuseum Nordfriesland) прикажува бродови од средниот век до денес. Прикажаните модели даваат добар приказ на животот на брегот и на морето.
  • Остенфелдска фармерска куќа (Ostenfelder Bauernhaus) стара фарма и најстар отворен музеј во Германија.

Знаменитости[уреди | уреди извор]

Црква Св. Богородица во Хузум
  • Црква Св. Богородица, паднала во 1807 година и повторно изградена во 1833 година.
  • Замокот пред Хузум, изградена во 1582 година, резиденција на војводите на Холштајн-Готорп.
  • Старото Градско собрание, изградено во 1601 година
  • Новото Градско собрание, изградено во 1988/1989 година
Замок пред Хузум
Пазар во Хузум со црквата Св. Богородица

Клубови[уреди | уреди извор]

Групата „Редемис“ (Spielmannszug Rödemis) е познат бенд за маршови од градската единица Редемис. Хузум е исто така дом на два фудбалски клубови, ФК Хузумер (Husumer SV) и ФК Редемис (Rödemisser SV).

Крикет клубов е основан во рамките на центарот Микелберг, кој порано бил домаќин на меѓународни натпревари во крикет за жени. Теренот се наоѓа во близина на Хатштет.[3]

Збратимени градови[уреди | уреди извор]

Хузум е збратимен со следниве градови:[4][5]

Инфраструктура[уреди | уреди извор]

Железничката станица во Хузум се наоѓа на линијата ВестерландХамбург (наречена и „мочуришна железница“), линијата Хузум-Санкт Петер-Ординг до полуостровот Ајдерштет и линијата Хузум-Јибек, која го поврзува со линијата Нојминстер-Фленсбург и Кил.

Познати жители[уреди | уреди извор]

Наводи[уреди | уреди извор]

Надворешни врски[уреди | уреди извор]