Ајдерштет

Од Википедија — слободната енциклопедија
Прејди на прегледникот Прејди на пребарувањето


Светилник во Вестерхефер
Поглед на мочуриштето
Поглед на солено мочуриште

Ајдерштет (германски: Eiderstedt; дански: Ejdersted; севернофризиски: Ääderstää) — полуостров во округот Северна Фризија, во сојузната покраина Шлезвиг-Холштајн, Германија.

Преглед[уреди | уреди извор]

Долг е околу 30 километри и 15 километри широк и бил создаден преку градење брани (полдери) од три острови: Ајдерштет околу Тенинг, Утхолм околу Татинг и Еферсхоп околу Гардинг. Градењето брани започнало околу 1000 година.

Бидејќи овие три острови биле самостојни административни области, областа првично била наречена „Три земји“ (Dreilande).

Почвата од нанос од Северното Море ја направило областа погодна за земјоделство. Денес, туризмот преовладува, особено во општината Санкт Петер-Ординг на западниот крај на полуостровот. Светилникот во Вестерхефер е главната знаменитост на полуостровот и најпознат светилник во Германија. Ваденското Море, Ајдерските брани на реката Ајдер и Катингер Ват, мочуришта добиени од морето со изградбата на Ајдершперверк, се останатите туристички атракции на полуостровот.

Историја[уреди | уреди извор]

Постојаната закана од морето и постојаните селења принудиле Ајдерштет да добие посебен облик на самоуправување уште многу одамна бидејќи градењето брани било единствено можно со силна соработка. Првично во областа се населиле Фризите. Ајдерштет бил дел од Војводството Шлезвиг од XIV век.

Во 1864 година, данското Војводство Шлезвиг станало дел од Кралството Прусија. Пруската администрација му доделила самостојност на Ајдерштет како округ. Во 1970 година, округот Ајдерштет бил споен со окрузите Хузум и Зидтондерн за да го создадат новиот округ Северна Фризија.

Амт Ајдерштет[уреди | уреди извор]

Crystal Clear app xmag.svg Главна статија: „Ајдерштет (амт).

Административно, полуостровот влегува во рамките на истоимената општинска заедница со административно седиште во градот Гардинг. Единствениот град на полуостровот кој не е дел од оваа општинска заедница е Тенинг.

Надворешни врски[уреди | уреди извор]

Координати: 54°21′N 8°50′E / 54.350° СГШ; 8.833° ИГД / 54.350; 8.833