Нордорф

Од Википедија — слободната енциклопедија
Нордорф
Бања во Нордорф
Бања во Нордорф
Бања во Нордорф
Нордорф во рамките на Германија
Нордорф
Управа
Земја Германија
Покраина Шлезвиг-Холштајн
Округ Северна Фризија
Месна заед. Фер-Амрум
Градоначалник Петер Косман
Основни податоци
Површина 5,9 км2
Надм. височина 0 м
Население 578 (31 декември 2020)[1]
 - Густина 98 жит/км2
Други информации
Часовен појас CET/CEST (UTC+1/+2)
Рег. табл. NF
Пошт. бр. 25946
Повик. бр. 04682
Портал www.amt-foehr-amrum.de
Местоположба на Нордорф во рамките на округот Северна Фризија
Карта
Карта
Координати 54°41′N 8°20′E / 54.683° СГШ; 8.333° ИГД / 54.683; 8.333Координати: 54°41′N 8°20′E / 54.683° СГШ; 8.333° ИГД / 54.683; 8.333

Нордорф (германски: Norddorf; емраншки: Noorsaarep; дански: Nordtorp) — општина на островот Амрум во округот Северна Фризија, во Шлезвиг-Холштајн, Германија.

Историја[уреди | уреди извор]

Заедно со Зидорф, Нордорф е најстарото село на островот. Во 1890 година, Фридрих фон Боделшвинг основал повеќе приморски домови за стари лица во Нордорф и северно од него. Поради ова, местото се развило во приморско одморалиште. Во 1925 година, големи делови на селото биле уништени во пожар, па така денешниот изглед на селото е главно со современи куќи без сламени покриви. Денес, домовите повеќе не постојат или не се наменети за тоа.

Во почетокот на XX век, т.н. пристаниште Книпхафен (Kniephafen) постоело северно од Нордорф. Пристаништето било пловно за поголеми пловила и повеќето од нив го опслужувало поморскиот сообраќај помеѓу Амрум и пристаништето Хернум на соседниот остров Зилт. Пристаништето било поврзано со железничката мрежа на островот. Во 1938 година, докот бил префрлен на север поради постојано наклонување. Поради соседната плажа Книпзанд на западниот брег на Амрум, пристаништето морало да биде напуштено.

До 31 декември 2006 година, Нордорф заедно со Небел и Витдин биле во рамките на општинската заедница Амрум.

Знаменитости[уреди | уреди извор]

Туристичките атракции вклучуваат мамец за патки јужно од селото, средиште за природоисторија со насока на заштита на животната средина, како и плажата Книпзанд на запад.

Од Нордорф може да се стигне до најсеверниот дел на Амрум, наречен Оде (Odde). Таму се наоѓа важна област за птиците, каде бекасови птици и други видови може да се видат. Достапни се и тури во овие подрачја.

Синџир на дини се шири северно, јужно и југозападно од Нордорф. Највисоката дина на Амрум (32 м) — наречена Зијатлер (a Siatler). На неа постои платформа за набљудување. На југозапад може да се дојде до светилникот во Нордорф. Бил поставен во 1906 година и служи за помош во каналот Фортраптиф (Vortrapptief).

Економија[уреди | уреди извор]

Со 422.319 ноќевања од 43.316 гости во 2005 година, општината се вбројала помеѓу првите десет туристички места во Шлезвиг-Холштајн.

Познати луѓе[уреди | уреди извор]

  • Георг Кведенс (р. 1934) — филозоф, писател, природонаучник и локален историчар

Наводи[уреди | уреди извор]

  1. „Население во разните административни единици на Шлезвиг-Холштајн во 2020 г.“. Статистичка служба за Хамбург и Шлезвиг-Холштајн. јуни 2021. (германски)

Надворешни врски[уреди | уреди извор]