Општина Зајас

Од Википедија — слободната енциклопедија
Прејди на: содржини, барај
Општина Зајас
денес дел од Општина Кичево

Map of Zajas Municipality.svg

Знаме на Општина Зајас Грб на Општина Зајас
Знаме Грб
Општи податоци
Седиште Зајас
Регион Logo of Southwestern Region, Macedonia.svg Југозападен регион
Површина 161,08 км²
Основање 2004
Службен јазик македонски и албански
Демографија
Население 11.605 жители
Густина на население 72,04 жит/км²
Населени места
Етнички групи Македонци и Албанци
Локална управа
Градоначалник Бесим Велиу (последен градоначалник)
Совет 15 члена
Контактни податоци
Карта на Општина Зајас (2004-2013) со селските атари.

Општина Зајас — поранешна општина во Западна Македонија. Центар на општината било селото Зајас. Општината била формирана со територијалната поделба од 2004 година, а според предлог-измените за територијална поделба во 2013 општината се припоила кон Општина Кичево, заедно со општините Осломеј, Другово и Вранештица[1] со воспоставување на новата локална власт по изборите на 24 март 2013.

Географија[уреди | уреди извор]

Општина Зајас се наоѓала во Западна Македонија, дел од Југозападниот регион. Општината се наоѓала во Кичевското Поле и имала вкупна површина од 161,08 километри квадратни. На север општината граничела со општините Маврово и Ростуша и Гостивар, на запад со Маврово и Ростуша, на исток со Осломеј, на југ со Кичево и на југозапад со Другово. Низ општината течела Зајаска Река, а поголеми планини биле Буковиќ и Бистра.

Демографија[уреди | уреди извор]

Според пописот на население од 2002 година, општината имала вкупно население од 11.605 жители со густина на население од 72,04 жители на километар квадратен. Етничкиот состав на општината бил следниот[2]:

Народност Број Удел
Македонци* 211 1.82%
Албанци* 11.308 97.44%
Срби 6 0.05%
други 80 0.69%
* Во општината има значаен број Македонци-муслимани кои се изјасниле како Албанци поради различни политички причини.

Спроед податоците заклучно со 2011 година, вкупниот број на ученици во Општина Зајас во 2011 паднал за 35.5% во однос на вкупниот број на ученици во 2007. Зајас е втора општина по падот на вкупниот број на ученици.[3]

Мајчин јазик на населението според пописот од 2002[4]:

јазик број
македонски 202
албански 11.317
влашки 1
српски 1
други 78

Религија на населението според пописот од 2002 година:

религија број
православие 208
ислам 11.303
католицизам 9
други 85

Администрација и политика[уреди | уреди извор]

Последен градоначалник на општина Зајас бил Бесим Велиу од редовите на ДУИ. Општината имала вкупно 15 советници кои го претставувале 13 села од општината.

Во склоп на општина Зајас биле следниве села: Бачишта, Букојчани, Горно Строгомиште, Грешница, Длапкин Дол, Долно Строгомиште, Зајас, Колари, Колибари, Лешница, Мидинци, Речани и Тајмиште.

Економија[уреди | уреди извор]

Значаен индустриско-стопански објект во општината бил рудникот Тајмиште. Населението воглавно се занимавало со трговија, сточарство и земјоделство.

Иселеништво[уреди | уреди извор]

На добар дел од вкупното население на општината Општина Зајас не им било место на постојано живеалиште. Албанското население најмногу се иселува во Швајцарија, Германија и Италија.[1]

Општествени институции[уреди | уреди извор]

Црквата „Св. Петка“ во Тајмиште.
Цркви
  • Црква „Свети апостоли Петар и Павле“ во Тајмиште - изградена во 1861 година, целосно изгорена во пожар во 1921 година, па повторно обновена и преосветена во 1928 година. Иконостасот и фреските се дело на Данило Нестороски - Фрчкоски од Галичник, изработени во 1928 година[5].
  • Црква „Преподобна Параскева“ во Тајмиште- постара црква која е обновена во 1975/76 година, кога е изработен и фрескоживописот од страна на зографот Кузман Фрчкоски. Осветена е една година пред тоа, во 1974 година.[5]
  • Црква „Св. Петка“ - Мидинци
  • Црква „Св. Никола“ во Букојчани- изградена во седумдесеттите години на минатиот век, на темели од стара црква градена во 1882 година, а потоа урната. Фрескоживописот е дело на зографот Кузман Фрчкоски од Лазарополе, работен во периодот од 1976 - 1978 година.
Археолошки локалитети[6]

Личности[уреди | уреди извор]

Војо Стојановски, македонски пејач.

Некои познати личности од општината се:

Наводи[уреди | уреди извор]

  1. 1,0 1,1 ДУИ бара помош од иселениците“, Нова Македонија (конс. 20 ноември 2012 г). (на македонски)
  2. Попис на населението во Македонија, 2002
  3. Во основните училишта за 10 години дури 46.500 ученици помалку
  4. Попис на Македонија, 2002: јазик, националност, религија
  5. 5,0 5,1 „Четврта кичевска парохија“ (на македонски). Дебарско-кичевска епархија. http://www.dke.org.mk/namesnistva/kicevsko.asp#04_cetvrta_kicevska_parohija. конс. 16 ноември 2010 г. 
  6. Коцо, Димче (1996). Археолошка карта на Република Македонија. Скопје: МАНУ. ISBN 9789989101069
  7. „ПОРАНЕШЕН ПРАВОБРАНИТЕЛ“ (на македонски). Народен правобранител на Македонија. http://www.ombudsman.mk/ombudsman/MK/za_narodniot_pravobranitel/poraneshen_pravobranitel.aspx. конс. 4 мај 2012 г. 
  8. „ГАГИ ТРИШЕСКИ НОВО ЛИЦЕ НА ФОЛК СЦЕНАТА!“ (на македонски). Естрада плус. Петок, 20 Април 2012 17:15. http://estradaplus.com/index.php?option=com_content&view=article&id=335:2012-04-20-17-23-23&catid=1:2011-11-05-23-59-59&Itemid=11. конс. 4 мај 2012 г. 

Поврзано[уреди | уреди извор]

Надворешни врски[уреди | уреди извор]