Општина Карбинци

Општина Карбинци
Општина
Седиштето на Општина Карбинци
Знаме Грб
Држава	Македонија
Регион	Источен
Година кога е основана	1913 (во рамки на Кралство Србија), 1996
Седиште	Карбинци
Населени места	Список Селата: Аргулица, Батање, Вртешка, Голем Габер, Горни Балван, Горно Трогерци, Долни Балван, Долно Трогерци, Ебеплија, Јунузлија, Калаузлија, Карбинци, Кепекчелија, Козјак, Крупиште, Курфалија, Кучилат, Кучица, Мал Габер, Мичак, Муратлија, Нов Караорман, Оџалија, Припечани, Прналија, Радање, Руљак, Таринци и Црвулево
Управа
• Градоначалник	Виктор Паунов (ВМРО-ДПМНЕ)
Површина
• Вкупна	229,7 км2 (88,7 ми2)
Население (2021)
• Вкупно	3.420
• Густина	15/км2 (39/ми2)
Час. појас	CET (UTC+01:00)
• Лето (ЛСВ)	CEST (UTC+02:00)
Повикувачки број	+032
Регистарски таблички	ST
Мреж. место	karbinci.gov.mk

Општина Карбинци — општина во Источна Македонија. Седиште на општината е селото Карбинци.

Географија

Карта на Општина Карбинци со атарите/катастарските општини.

Карбинци е оддалечено 13 километри од градот Штип. Карбинци се наоѓа во подножјето на планината Плачковица и доста е богато со житни и градинарски култури.

Историја

На територијата на Општина Карбинци се пронајдени вредни археолошки наоѓалишта, кои зборуваат за долгата историја на ова подрачје. Така, за време на работите на хидросистемот Злетовица, при ископувањата во наоѓалиштето „Грнчарица“, во близината на селото Крупиште, била откриена населба од раниот неолит, при што биле пронајдени предмети и керамика чија старост е проценета на околу 6 000 години п.н.е. Малку подалеку бил откриен каменот на кој првата организирана човечка заедница во Македонија ги изработувала своите орудија од кремен. На тој начин, таа се смета за најстара неолитска населба на територијата на Македонија. На истата локација бил откриен скелетот, кој го добил името „Славе Македонски“, за кого, според анализата на коските направена на Универзитетот во Глазгов, се претпоставува дека е стар 7 745 години, што го прави еден од најстарите скелети во Југоисточна Европа. Исто така, во наоѓалиштето „Вршник“ (во атарот на селото Таринци) е пронајдена населба од времето на неолитот (од 6 200 до 3 500 година п.н.е.). Археолошки експонати од античкиот период (од 2 век до 4 век п.н.е.) се пронајдени во наоѓалиштето „Кнежевска Могила“, во атарот на селото Таринци, и во гробницата кај селото Црвулево.

Демографија

Демографска карта на Општина Карбинци според пописот од 2002 година.

Според проценка од 2016, општина Карбинци има 3.958 жители.

Народ	Вкупно	Удел (%)
Македонци	3.219	79,76
Албанци	0	0,0
Турци	716	18,15
Роми	2	0,05
Власи	49	1,34
Срби	11	0,30
Бошњаци	0	0,00
останати	15	0,40

Вероисповед	Вкупно
православни	3.254
муслимани	729
католици	0
протестанти	0
останати	21

Јазик	Вкупно
македонски	3.219
албански	0
турски	716
ромски	2
влашки	49
српски	11
бошњачки	0
останати	15

Самоуправа и политика

Градоначалник на општина Карбинци е Виктор Паунов од редовите на ВМРО-ДПМНЕ. Тој бил избран на локалните избори од 2025 година за мандат од четири години.

Согласно одлука на Владата на Македонија од 27 септември 2024 година, Советот на општината брои 9 члена.

Култура и спорт

• ФК Карбинци

Поврзано

• Општина Штип

Надворешни врски

• Портал на Општина Карбинци Архивирано на 31 август 2019 г.
• Општина Карбинци во „АБВ - деловен именик“ Архивирано на 6 март 2016 г.