Општина Чашка

Општина Чашка
Општина Чашка
	Општина
Знаме	Грб
Држава	Македонија
Регион	Вардарски
Година кога е основана	1913 (во рамки на Кралство Србија), 1996
Седиште	Чашка
Населени места	Список Селата: Бањица, Бистрица, Богомила, Бусилци, Владиловци, Витанци, Војница, Габровник, Голозинци, Горно Врановци, Горно Јаболчиште, Долно Врановци, Долно Јаболчиште, Дреново, Еловец, Извор, Капиново, Крајници, Крива Круша, Крнино, Лисиче, Мартолци, Мелница, Мокрени, Нежилово, Ново Село, Оморани, Ораов Дол, Ореше, Отиштино, Папрадиште, Плевење, Поменово, Попадија, Раковец, Смиловци, Согле, Стари Град, Степанци, Теово, Црешнево и Чашка ;
Управа
• Градоначалник	Суат Шаќиров (ДУИ)
Површина
• Вкупна	819,45 км2 (316,39 ми2)
Население (2021)
• Вкупно	7.942
• Густина	9,7/км2 (25/ми2)
Час. појас	CET (UTC+01:00)
• Лето (ЛСВ)	CEST (UTC+02:00)
Повикувачки број	+043
Регистарски таблички	VE
Мреж. место	caska.gov.mk

Општина Чашка — општина во Вардарскиот Регион, во средишниот дел на Македонија. Административен центар на општината е истоименото село.

Општината била изменета со новата територијална поделба на Македонија по донесениот закон во 2004 година. Денешната општина ги вклучува двете поранешни општини Богомила и Извор, како и одредени делови од Општина Велес.

Општина Чашка се граничи со Општина Зелениково и Општина Студеничани на север, Општина Македонски Брод и Општина Долнени на запад, Општина Кавадарци и Општина Прилеп на југ и Општина Велес и Општина Градско на исток.

Географија

Општина Чашка се наоѓа во средишниот дел на Македонија. Зафаќа површина од 825 км² и се вбројува во трите најголеми општини по територија во Македонија. Истата е рурална општина со добра географска положба. Општината располага со вкупна обработлива земјоделска површина од 476 км² и 48,97 км² под пасишта.

Соседни општина со кои се граничи општината се: од исток со Велес и Градско, од север со Зелениково и Студеничани, од запад со Македонски Брод и Долнени и од југ со Прилеп и Кавадарци. Според последните податоци од Заводот за статистика на територијата на општината живеат вкупно 7.673 жители во 42 населени места. Густината на населеност е 6 жители на км².

Општина Чашка има добра географска положба. Ги поседува најубавите и привлечни предели на планините Јакупица, Даутица и Бабуна од запад, Клепа од исток, Караџица и Голешница од севоро-запад. На територијата на општината е и највисокиот врв на Јакупица, Солунска Глава (2.540 м). Целата таа атрактивност на пределот го дополнуваат и реките Бабуна и Тополка. По течението на овие реки се простира алувијална рамнина настаната како резултат на наносите на реките која е многу плодна. Покрај реките Бабуна и Тополка како природен ресурс е и новоизградената брана на хидросистемот „Лисиче“.

Климатските одлики на општината се доста различни. Високите планини преку целата година се покриени со снег додека во рамничарскиот дел во летниот период владее несносна висока температура. Климата е континентална со мало влијание на суб-средоземна, која продира по долината на реката Тополка. Врнежите се мали претежно во есенските и зимски денови, а летата се топли и суви. Ветрови се јавуваат од сите правци, меѓутоа преовладуваат од северен и северозападен правец.

Демографија

Според пописот во 2002 година, Општина Чашка има 7.673 жители. Етнички групи во општината:^[2]^[3]

Народ	Вкупно	Удел (%)
Македонци	4.370	57,28
Албанци	2.738	35,23
Турци	390	5,70
Роми	0	0,0
Власи	1	0,01
Срби	63	0,72
Бошњаци	67	0,87
останати	44	0,79

Вероисповед	Вкупно
православни	4.145
муслимани	1.770
католици	2
протестанти	0
останати	15

Јазик	Вкупно
македонски	4.838
албански	2.684
турски	10
ромски	0
влашки	0
српски	47
бошњачки	49
останати	45

Општествени установи

Општинската администрација во Општина Чашка е поделена на пет одделенија:

Одделение за правни,општи работи, човешки ресурси и месна самоуправа;
Одделение за финансии, буџет, општински имот и администрирање со даноци;
Одделение за образование, култура, здравство, социјална заштитa, спорт и соработка со здружение на граѓани и фондации;
Одделение за урбанизам, комунални дејности сообраќај и заштита на животната средина;
Одделение за инспекциски надзор - инспекторат.

Самоуправа и политика

Градоначалник на општина Чашка е Суат Шаќиров од редовите на ДУИ. Тој бил избран на локалните избори од 2025 година за мандат од четири години.^[4]

Согласно одлука на Владата на Македонија од 27 септември 2024 година, Советот на општината брои 11 члена.^[5]

Наводи

↑ „Попис на населението, домаќинствата и становите во Република Северна Македонија, 2021 - прв сет на податоци“. Државен завод за статистика на Македонија. Посетено на 30 март 2022.
↑ Попис на населението, домаќинствата и становите во Република Македонија, 2002 - Книга X
↑ „Население во Република Македонија на 31.12 по специфични возрасни групи, по пол, по општини, по години“. Државен завод за статистика на Република Македонија. Посетено на 2 мај 2018.^{[мртва врска]}
↑ „Дополнување на Заклучок за известување за конечност на резултати од гласањето во прв круг за Локалните Избори 2025 година“. Државна изборна комисија на Македонија. 29 октомври 2025. Посетено на 8 ноември 2025.
↑ „Дејуре, платформа за консолидирање на закони“. dejure.mk. Посетено на 2025-11-08.

Надворешни врски

[попис2021-1] „Попис на населението, домаќинствата и становите во Република Северна Македонија, 2021 - прв сет на податоци“. Државен завод за статистика на Македонија. Посетено на 30 март 2022.

[2] Попис на населението, домаќинствата и становите во Република Македонија, 2002 - Книга X

[ДЗС-3] „Население во Република Македонија на 31.12 по специфични возрасни групи, по пол, по општини, по години“. Државен завод за статистика на Република Македонија. Посетено на 2 мај 2018.^{[мртва врска]}

[4] „Дополнување на Заклучок за известување за конечност на резултати од гласањето во прв круг за Локалните Избори 2025 година“. Државна изборна комисија на Македонија. 29 октомври 2025. Посетено на 8 ноември 2025.

[5] „Дејуре, платформа за консолидирање на закони“. dejure.mk. Посетено на 2025-11-08.

[1]

[2]

[3]

[4]

[5]