Оџалија

Од Википедија — слободната енциклопедија
Прејди на прегледникот Прејди на пребарувањето
Оџалија
Поглед на Оџалија 2.jpg

Поглед кон селото

Оџалија is located in Македонија
Оџалија
Местоположба на Оџалија во Македонија
Координати 41°45′16″N 22°19′44″E / 41.75444° N; 22.32889° E / 41.75444; 22.32889Координати: 41°45′16″N 22°19′44″E / 41.75444° N; 22.32889° E / 41.75444; 22.32889
Регион Logo of Eastern Region, North Macedonia.svg Источен
Општина Coat of arms of Karbinci Municipality.svg Карбинци
Област Јуруклак
Население 109[1] жит.
(поп. 2002)
Пошт. бр. 2207
Повик. бр. 032
Шифра на КО 30041
Надм. вис. 790 м
Оџалија на општинската карта
Оџалија во Општина Карбинци.svg

Атарот на Оџалија во рамките на општината
Commons-logo.svg Оџалија на Ризницата


Оџалија — село во областа Јуруклак, во Општина Карбинци, сместено во околината на градот Штип.

Географија и местоположба[уреди | уреди извор]

Ова село се наоѓа во областа Јуруклак, во јужниот дел на територијата на Општина Карбинци, а на падините на планината Плачковица.[2] Селото е ридско, на надморска височина од 610 метри. Од градот Штип е оддалечено 23 километри.[2]

Во атарот на селото се наоѓа историското село Сејдилија.

Историја[уреди | уреди извор]

Во XIX век, Оџалија било село во Штипската каза, на Отоманското Царство.

Стопанство[уреди | уреди извор]

Атарот зафаќа простор од 8,7 км2. На него преовладуваат шумите на површина од 301 хектар, на пасиштата отпаѓаат 204 хектари, а на обработливото земјиште 162 хектари.[2]

Селото, во основа, има полјоделско-сточарска функција.[2]

Население[уреди | уреди извор]

Според податоците на Васил К’нчов („Македонија. Етнографија и статистика“) од 1900 година, во селото имало 60 жители, сите Турци.[3] Според Димитар Гаџанов, во 1916 година во селото живееле 116 жители, сите Турци.[4]

Селото е мало, населено со турско население. Така, во 1961 година броело 50, а во 1994 година 113 жители.[2]

Според последниот попис од 2002 година, во селото Оџалија живееле 109 жители, од кои 101 Турчин и 8 останати.[1]

Во табелата во продолжение е направен преглед на населението во сите пописни години:

Година 1900[5] 1905[6] 1948 1953 1961 1971 1981 1991 1994 2002
Население 60 178 177 50 68 90 102 113 109
Извор за 1948-2002 г.: Државен завод за статистика на РМ.[7]

Општествени установи[уреди | уреди извор]

Подрачното основно училиште

Самоуправа и политика[уреди | уреди извор]

Селото влегува во рамките на Општина Карбинци, која била една од ретките општини кои не биле променети по новата територијална поделба на Македонија во 2004 година. Во периодот од 1996-2004 година, селото исто така се наоѓало во Општина Карбинци.

Во периодот од 1965 до 1996 година, селото се наоѓало во рамките на големата општина Штип. Селото припаѓало на некогашната општина Штип во периодот од 1957 до 1965 година. Во периодот од 1955 до 1957 година селото се наоѓало во рамките на тогашната општина Радање.

Во периодот 1952-1955, селото било дел од тогашната Општина Радање, во која покрај селото Оџалија, се наоѓале и селата Вртешка, Голем Габер, Ебеплија, Јунузлија, Калапетровци, Калаузлија, Кепекчелија, Кошево, Курфалија, Кучилат, Кучица, Мал Габер, Мичак, Муратлија, Никоман, Почивало, Прналија, Радање и Шашаварлија. Селото припаѓало на Општина Радање во периодот 1950-1952, во која влегувале селата Голем Габер, Јунузлија, Калаузлија, Кепекчелија, Кучилат, Курфалија, Мал Габер, Оџалија, Радање и Таринци.

Изборно место[уреди | уреди извор]

Во селото се наоѓа изборното место бр. 2330 според Државната изборна комисија, сместено во просториите на основното училиште. Во изборното место се опфатени селата Курфалија и Оџалија.[8]

На претседателските избори во 2019 година, на ова изборно место биле запишани вкупно 127 гласачи.[9]

На парламентарните избори во 2020 година, на ова изборно место биле запишани вкупно 121 гласач.[10]

Културни и природни знаменитости[уреди | уреди извор]

Џамии

Галерија[уреди | уреди извор]

Наводи[уреди | уреди извор]

  1. 1,0 1,1 „Попис на Македонија“ (PDF). Завод за статистика на Македонија. 2002. Посетено на 13 февруари 2021.
  2. 2,0 2,1 2,2 2,3 2,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 226. Посетено на 7 февруари 2021.
  3. Васил К’нчов. „Македонија. Етнографија и статистика“. Софија, 1900, стр. 231.
  4. Гаджанов, Димитър Г. Мюсюлманското население в Новоосвободените земи, в: Научна експедиция в Македония и Поморавието 1916, Военноиздателски комплекс „Св. Георги Победоносец“, Университетско издателство „Св. Климент Охридски“, София, 1993, стр. 240.
  5. К’нчов, Васил. „Македонија. Етнографија и статистика“. Софија, 1900
  6. Brancoff, D.M. „La Macédoine et sa Population Chrétienne“. Paris, 1905.
  7. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
  8. „Описи на ИМ“. Посетено на 13 февруари 2021.
  9. „Претседателски избори 2019“. Посетено на 3 ноември 2019.
  10. „Предвремени избори за пратеници 2020“. Посетено на 25 јануари 2021.

Поврзано[уреди | уреди извор]

Надворешни врски[уреди | уреди извор]