Македонски парламентарни избори (2020)

Македонски парламентарни избори (2020)

15 јули 2020

120 мандати во Собранието 61 места за мнозинство   Прва партија Втора партија Трета партија   Водач Зоран Заев Христијан Мицкоски Али Ахмети Партија СДСМ/Беса ВМРО-ДПМНЕ ДУИ Припадност Можеме Обнова на Македонија Водач од 2013 2017 2002 Последни избори 49 места 51 место 10 места Освоени места 46 44 15 Промена во местата ▼ 8 ▼ 7 ▲ 5   Четврта партија Петта партија Шеста партија   Водач Зијадин Села Димитар Апасиев Мендух Тачи Партија АА/Алтернатива Левица ДПА Припадност Време е! Водач од 2016 2020 2007 Последни избори 3 места 0 места 2 места Освоени места 12 2 1 Промена во местата ▲ 9 ▲ 2 ▼ 1

Резултати од изборите по изборни единици      СДСМ/Беса      ВМРО ДПМНЕ      ДУИ      АА/Алтернатива      ДПА      Левица

премиер пред изборите Оливер Спасовски(*) СДСМ Избран за премиер Зоран Заев СДСМ

Македонски парламентарни избори (2020) — десетти по ред парламентарни избори во Македонија, одржани на 15 јули 2020 година.

Заднина

Претходните парламентарни избори се одржале во декември 2016 година, на кои ВМРО-ДПМНЕ, предводена од Никола Груевски, освоила најголем број гласови. Изборите во 2016 година биле предвремени поради политичка криза во Македонија, која започнала во 2015 година. Груевски не успеал да ја формира владата во предвидениот рок. По рекорден 171 ден од изборите, поради несогласување на претседателот Ѓорге Иванов, дури на 31 мај 2017 година била формирана новата македонска Влада, на чело со Зоран Заев, водач на СДСМ.

Меѓу главните заложби на владата на Зоран Заев било членството на земјата во меѓународните политички и безбедносни организации ЕУ и НАТО. Како услов за влез на Македонија во нив, во 2018 година бил постигнат Преспанскиот договор со Грција за решавање на спорот за името Македонија, што допира идентитетски прашања, согласно кој, меѓу другото, Република Македонија го смени своето име во Република Северна Македонија. Протоколот за членство во НАТО бил потпишан од Алијансата на 6 февруари 2019 година, проследен со процес на поединечна ратификација од секоја земја-членка.

Изборите во 2020 година според нивниот редовен датум требале да се одржат на 11 декември, но најголемата опозициска партија ВМРО-ДПМНЕ, предводена од Христијан Мицкоски, се обидувала од есента 2019 година тие да се одржат пред време. Заев, пак, прво сметал дека изборите треба да бидат редовни, оценувајќи дека периодот пред редовниот датум на изборите е „економски драгоцен за целата трансформација“.

Клучен за одлуката за предвремени избори бил состанокот на Европскиот совет одржан на 17 и 18 октомври 2019 година кога земјите-членки на ЕУ не одредиле датум за пристапни преговори за Македонија и Албанија. Два дена подоцна се одржала средба на водачите на македонските парламентарни политички партии заедно со претседателот Стево Пендаровски, каде било одлучено да се одржат предвремени избори на 12 април.

Преодната влада што требала да ги спроведе изборите била избрана на 3 јануари, сто дена пред првиот закажан датум за избори, согласно Пржинскиот договор, и истата ја предводел Оливер Спасовски. Иако било предвидено распуштање на Собранието 60 дена пред изборите, тоа се случило на 16 февруари, a во меѓувреме биле изгласани Законот за јавно обвинителство и Законот за одбрана.

Во периодот пред предвремените избори, Македонија била погодена од пандемијата на коронавирус, поради што изборите не се одржале на закажаниот датум во април. На 16 јуни, претседателот на Собранието Талат Џафери потпишал решение за одржување на парламентарните избори на 15 јули.

Резултати

Партија		Гласови	%	Места	+/–
	Коалиција „Можеме“ (СДСМ, Беса и останати)	327.408	35.89	46	–8
	Коалиција „Обнова на Македонија“ (ВМРО-ДПМНЕ и останати)	315.344	34.57	44	–7
	ДУИ	104.699	11.48	15	+5
	Алијанса за Албанците — Алтернатива	81.620	8.95	12	+9
	Левица	37.426	4.10	2	+2
	ДПА	13.930	1.53	1	–1
	Интегра	12.291	1.35	0	нова партија
	ГДУ	3.555	0.39	0	нова партија
	МОРО-Работничка партија	3.245	0.36	0	0
	Глас за Македонија	2.802	0.31	0	нова партија
	Единствена Македонија	2.604	0.29	0	0
	СДУ (Македонски Концепт)	2.585	0.28	0	0
	Твоја	1.894	0.21	0	нова партија
	Демократи	1.558	0.17	0	нова партија
	НПР	1.225	0.13	0	нова партија
Вкупно		912.186	100.00	120	0
Важечки ливчиња		912.186	96.66
Неважечки/празни ливчиња		31.564	3.34
Вкупно гласови		943.750	100.00
Запишани избирачи/излезност		1.814.263	52.02
Извор: ДИК Архивирано на 15 јули 2020 г.

Резултати по изборни единици

Резултати по изборни единици

Изборна единица	СДСМ/Беса		ВМРО-ДПМНЕ		ДУИ		АА/Алтернатива		Левица		ДПА
	Гласови	%	Гласови	%	Гласови	%	Гласови	%	Гласови	%	Гласови	%
ИЕ 1	54,618	34.16%	50,564	31.63%	19,488	12.19%	14,337	8.97%	12,000	7.51%	1,966	1.23%
ИЕ 2	47,891	31.21%	47,929	31.24%	22,374	14.58%	20,912	13.63%	5,896	3.84%	1,858	1.21%
ИЕ 3	66,853	42.81%	71,551	45.82%	3,331	2.13%	992	0.64%	6,939	4.44%	242	0.15%
ИЕ 4	77,195	46.76%	74,478	45.11%	293	0.18%	213	0.13%	6,835	4.14%
ИЕ 5	56,622	36.67%	55,159	35.72%	21,745	14.08%	10,716	6.94%	4,715	3.05%	781	0.51%
ИЕ 6	24,229	19.67%	15,663	12.71%	37,468	30.41%	34,450	27.96%	1,041	0.84%	9,083	7.37%
Вкупно	327,408	35.89	315,344	34.57	104,699	11.48	81,620	8.95	37,426	4.10	13,930	1.53
Извор: ДИК

Распределба на мандатите

Изборна единица	СДСМ/Беса	ВМРО-ДПМНЕ	ДУИ	АА/А	Левица	ДПА	Вкупно
ИЕ 1	8	7	2	2	1	0	20
ИЕ 2	7	7	3	3	0	0	20
ИЕ 3	9	10	0	0	1	0	20
ИЕ 4	10	10	0	0	0	0	20
ИЕ 5	8	8	3	1	0	0	20
ИЕ 6	4	2	7	6	0	1	20
Вкупно	46	44	15	12	2	1	120
Извор: ДИК