Демократска унија за интеграција

Од Википедија — слободната енциклопедија
(Пренасочено од ДУИ)
Прејди на прегледникот Прејди на пребарувањето
Демократска унија за интеграција
Bashkimi Demokratik për Integrim
Водач Али Ахмети
Генерален секретар Абдилаќим Адеми
Основач Али Ахмети
Основана 2002
Штаб Мала Речица
Идеологија Заштита на правата на Албанците
Бои сина
Собрание
10 / 120
Општини
10 / 80
Мрежно место
bdi.mk
Политика на Република Македонија
Политички партии
Избори

Демократската унија за интеграција или ДУИ (албански: Bashkimi Demokratik për Integrim или BDI) — политичка партија на македонските Албанци. Од 2002 до 2006 година, партијата била дел од владината коалиција предводена од СДСМ, а од 2008 до 2016 година дел од владината коалиција, предводена од ВМРО ДПМНЕ. Претседател на партијата од нејзиното основање е Али Ахмети.

Историја и избори[уреди | уреди извор]

Демократската унија за интеграција е формирана на 5 мај 2002 година во Тетово, три месеци пред одржувањето на парламентарните избори во 2002 година од јадрото на Ослободителната Народна Армија (ОНА), која во 2001 отпочна вооружен конфликт против власта во Република Македонија. На овие избори ДУИ освои 12,2% од гласовите (околу 55% од гласовите на етничките Албанци) и се профилира како најголема партија помеѓу партиите на етничките Албанци во Република Македонија. По изборите, ДУИ влезе во владината коалиција заедно со Социјалдемократскиот сојуз на Македонија и со Либерално демократската партија.

На парламентарните избори во 2006 година ДУИ настапи во коалиција со Партијата за демократски просперитет и Демократската лига на Бошњаците. Оваа коалиција освои 12,2% од гласовите и извојува победа над Демократската партија на Албанците помеѓу албанскиот електорат во Република Македонија. Тоа по изборите за ДУИ беше главниот аргумент да инсистира да биде вклучена во новата влада, но мандаторот Никола Груевски одлучи во својата владина коалиција да го вклучи својот традиционален партнер ДПА.

На парламентарните избори 2008 година ДУИ освои 12,8% од гласовите и влезе во владината коалиција предводена од ВМРО ДПМНЕ. На следните парламентарни избори во 2011 година, ДУИ повторно освои најголем процент од гласовите на албанскиот електорат во Република Македонија (10,2% од гласовите) и продолжи да биде дел од владината коалиција на ВМРО ДПМНЕ.

Претседателски избори[уреди | уреди извор]

Ниеден кандидат на ДУИ не успеал да се квалификува во вториот круг на претседателските избори во Република Македонија. Партијата имала свои кандидати за претседател на изборите во 2004 и 2009. На изборите во 2004 година, ДУИ го избрала Гзим Острени за свој кандидат за претседател кој освоил 134.208 гласови односно 14,8% од вкупниот број на гласови. На претседателските избори во 2009 година партијата го кандидирала Агрон Буџаку кој освоил 73.629 гласови односно 7,46% од вкупниот број на гласови

Финансиски извештаи[уреди | уреди извор]

Според завршната сметка на партијата, во 2016 година таа остварила приходи во износ од 378.500 евра (48.500 евра од членарини и донации), а нејзините приходи во 2015 година биле 563.500 евра (235.500 евра од членарини и донации). Притоа, најголем дел од приходите биле остварени врз основа на членарини и донации (718.000 евра). Од друга страна, вкупните расходи на ДУИ во 2016 година изнесувале 334.000 евра, а вредноста на имотот на партијата била 3.995.500 евра.[1]

Резултати од парламентарни избори[уреди | уреди извор]

Година на избори Лидер Број на гласови % на гласови Број на мандати +/– Влада
2002 Али Ахмети 145,615 12.18
16 / 120
СДСМ-ДУИ
2006 Али Ахмети 113,522 12.12
17 / 120
1 Опозиција
2008 Али Ахмети 126,522 12.82
18 / 120
1 ВМРО-ДПМНЕ-ДУИ
2011 Али Ахмети 115,092 10.24
15 / 123
3 ВМРО-ДПМНЕ-ДУИ
2014 Али Ахмети 153,646 13.71
19 / 123
4 ВМРО-ДПМНЕ-ДУИ
2016 Али Ахмети 86,796 7.28
10 / 120
9 СДСМ-ДУИ-АА

Наводи[уреди | уреди извор]

  1. Влатко Стојановски, „ВМРО-ДПМНЕ трупа недвижности, а ДУИ собира сè помалку донации!“, Фокус, број 1124, 21 април 2017, стр. 18-22.

Надворешни врски[уреди | уреди извор]