Општина Зелениково
|
|
|
 |
|
 |
 |
| Знаме | Грб |
| Општи податоци | |
| Седиште | Зелениково |
| Површина | 176,95 км² |
| Демографија | |
| Население | 4.077 жители |
| - проценка од 31.12.2016 | 4.824[1] жители |
| Густина на население | 23,04 жит/км² |
| Населени места |
14
|
| Локална управа | |
| Градоначалник | Борче Гиевски[2] |
| Совет | 9 члена |
| Контактни податоци | |
| Адреса на седиште | Општина Зелениково 1053 Зелениково |
| Телефон | 02 2717-046 |
| Портал | Службен портал |
Општина Зелениково — општина во северниот дел на Република Македонија, близу до Скопје. Центар на општината е селото Зелениково.
Содржина
Географиja[уреди | уреди извор]
Општина Зелениково е општина во северниот дел на Република Македонија, сместена во крајниот југоисточен дел на Скопската котлина во близина на градот Скопје. Поточно општината Зелениково се наоѓа во горното Повардарие, во средото течение на реката Вардар во близина на сливот на Кадина Река и Пчиња. Територијата на општина Зелениково зафаќа површина од 176,95 km2 . Општината Зелениково се граничи со 4 општини и тоа: Велес од југ и југоисток, Чашка од југ, Студеничани од запад и Петровец од север и североисток. Самата општина има изразит рурален карактер и во своите граници опфаќа 14 населени места, од кои сите селски населби. Населението на општина Зелениково брои 4077 жители , што во однос на големината на територијата на општината покажува дека општина Зелениково има густина на населеност од 23,04 жители на km2, што ја вбројува во редот на ретко населени подрачја. Седиште на општината е село Зелениково, а градоначалник е Веле Груевски.
Историja[уреди | уреди извор]
Општина Зелениково е формирана како посебна општина во денешните граници со Законот за територијална организација на општините од 1996 година, а претходно била во рамките на Општина Кисела Вода и Општина Скопје во периодот на СФРЈ.
Со предлог Законот за територијална организација на општините во 2004 беше предвидено Општина Зелениково да се припои кон Општина Петровец, меѓутоа Општината Зелениково остана самостојна општина со поголеми можности за сопствен развој.
Економија[уреди | уреди извор]
Населението во Општина Зелениково се занимава со примарни и секундарни стопански дејности. Најразвиено е земјоделството односно полјоделството и сточарството. Поради поволноста на теренот и високата плодност на земјиштето во пределот околу реката Вардар е најзастапено полјоделството, пред се одгледувањето на житни култури (пченица, јачмен, овес, ’рж, пченка), градинарски култури (зелен пипер, домат, морков, кромид, лук, спанаќ, марула) како и индустриските култури (луцерка, фуражна пченка, детелина). Идеалните услови кои ги нудат ридските предели на општина Зелениково, последната деценија повторно го вратија и развија сточарството посебно козарството, по кое оваа општина е далеку позната, пред се по прочуеното козјо сирење и млеко од неколкуте млекарници од Таор, Пакошево и Зелениково. Покрај козарството, доста развиено е и овчарството. Покрај земјоделството и сточарството развиено е и индустриското производство во прехрамбената индустрија и фабриката за компјутерски микрочипови во село Орешани.
Демографија[уреди | уреди извор]
Според пописот од 2002 година, Општина Зелениково брои 4077 жители, чиј етнички состав е:
- Македонци 2522 - 61,86%
- Албанци 1206 - 29,58%
- Турци 1 - 0,02%
- Роми 92 - 2,26%
- Власи 1 - 0,02%
- Срби 45 - 1,10%
- Бошњаци 191 - 4,68%
- останати 19
Општествени институции[уреди | уреди извор]
Во општина Зелениково работи деветгодишно основно училиште „Марко Цепенков“ кое се наоѓа во Станица Зелениково. Во рамките на училиштето работат и градинка и библиотека. Во општината работат и јавна и приванти здравствени амбуланти кои се наоѓаат ов Станица Зелениково.
Администрација и политика[уреди | уреди извор]
Културни и природни знаменитости[уреди | уреди извор]
На територијата на Општина Зелениково се наоѓаат повеќе културно-историски споменици и знаменитости. Во близината на селото Таор се наоѓа археолошкиот локалитет со остатоците од античкиот град Тауресиум во кој е роден византискиот император Јустинијан I. Исто така во рамките на општината Зелениково се наоѓаат повеќе постари средновековни цркви и манастири меѓу кои: познатиот манастир „Свети Архангел Гаврил“ во селото Зелениково од XIV век, возобновен во 1845/46 година, манастирот „Свети Ѓорѓија“ и црквата „Воскресение Христово“ во Станица Зелениково, црквите „Свети Димитрија“ од XIV век и „Свети Илија“ од XVII век во селото Таор, а во Ново Село постои црквата „Свети Талеа“ од средновековието возобновена во 1896 година.
Редовни настани[уреди | уреди извор]
Личности[уреди | уреди извор]
Култура и спорт[уреди | уреди извор]
Иселеништво[уреди | уреди извор]
Наводи[уреди | уреди извор]
- ↑ „Население во Република Македонија на 31.12 по специфични возрасни групи, по пол, по општини, по години“ (на македонски). Државен завод за статистика на Република Македонија. http://makstat.stat.gov.mk/PXWeb/pxweb/mk/MakStat/MakStat__Naselenie__ProcenkiNaselenie/126_Popis_Ops_NasPolStar3112_mk.px/table/tableViewLayout2/?rxid=46ee0f64-2992-4b45-a2d9-cb4e5f7ec5ef. посет. 2 мај 2018 г.
- ↑ „Мандати за градоначалници и совет во РМ – Локални избори 2017“. Државна изборна комисија на Македонија. http://www.sec.mk/mandati-za-gradonachalnici-i-sovet-lokalni-izbori-2017/. посет. 18 октомври 2017 г.
Надворешни врски[уреди | уреди извор]
 |
„Општина Зелениково“ на Ризницата ? |
 |
Оваа статија за поврзана со Македонија е никулец. Можете да помогнете со тоа што ќе ја проширите. |
|
||||||||
