Дејковец
| Дејковец | |
Поглед на селото Дејковец | |
  Дејковец Местоположба на Дејковец во Македонија
Дејковец на карта
| |
| Координати 41°47′30″N 21°34′0″E / 41.79167° СГШ; 21.56667° ИГД | |
| Општина | Зелениково |
| Население | 8 жит. (поп. 2021)[1]
|
| Шифра на КО | 25032 |
|
Дејковец на општинската карта  Атарот на Дејковец во рамките на општината | |
 Дејковец на Ризницата
| |
Дејковец — село во Општина Зелениково, во областа Торбешија, во околината на градот Скопје.
Географија и местоположба[уреди | уреди извор]
Селото се наоѓа во областа Торбешија, во северното подножје на планината Голешница.
Историја[уреди | уреди извор]
Во XIX век, селото е дел од нахијата Каршијак во Скопската каза во Отоманското Царство.
Население[уреди | уреди извор]
|
| |||||||||||||||||||||||||||||||||
Според опширните османлиски дефтери за населението на Скопската Каза од 1832/33 година, селото било муслиманско, со 19 муслимански домаќинства. На овој попис биле забележани 44 мажи муслимани, со 3 новороденчиња. Се проценува дека селото во тој период имало 94 жители.[2]
Стефан Верковиќ во 1857 година го забележува со 104 жители.[3]
Според статистиката на Васил К’нчов („Македонија, Етнографија и статистика“) од 1900 година, во Дејковец живееле 185 жители, сите Албанци[4].[5]
После Втората балканска војна, 1913 г. селото влегува во границите на Србија, како дел од општина Градовци и има 257 жители.[6]
Според германска карта издадена во 1941 година, а заснована на пописот на Кралство Југославија во 1931 година, селото имало 250 Албанци.[7]
Селото броело 212 жители во 1961 година, додека во 1994 година живеат само 117 жители.
Според пописот од 2002 година, селото Дејковец има 84 жители, сите Албанци.[8]
Според последниот попис од 2021 година, во селото живееле 8 жители, сите 8 лица без податоци.[9]
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 185 | 96 | 317 | 337 | 212 | 153 | 156 | 120 | 117 | 84 | 8 |
- Извор за 1900 г.: Македонија. Етнографија и статистика.[10]; за 1905 г.: La Macédoine et sa Population Chrétienne.[11]; за 1948-2002 г.: Државен завод за статистика на РМ.[12]; за 2021 г.: Државен завод за статистика на РМ.[13]
Родови[уреди | уреди извор]
Дејковец е албанско село.
Според истражувањата од 1951 година, родови во селото:
- Доселеници: Вајље (8 к.) доселени се од областа Љума во северна Албанија. Го знаат следното родословие. Џемаил (жив на 27 год. во 1951 година) Садик-Фета-Сали-Имер, основачот на родот кој се доселил; Коваче (5 к.) доселени се од Љума во северна Албанија; Топол (13 к.) доселени се од Горна Река. Подалечно потекло од северна Албанија. Го знаат следното родословие. Руфат (жив на 57 год. во 1951 година) Бајрам-Синан, основачот на родот кој се доселил; Теш (7 к.) доселени се од северна Албанија, го знаат следното родословие. Минир (жив на 40 год. во 1951 година) Абаз-Ариф-Бектеш, основачот на родот кој се доселил; Пел (6 к.) доселени се од Чаја во северна Албанија. Го знаат следното родословие. Џавид (жив на 62 год. во 1951 година) Бајрам-Незир, кој се доселил во селото. Од старото место се иселиле тројца брака, првиот се населил во селото Дејковец, вториот во селото Добрино, а третиот не се знае каде се населил; Камероски (5 к.) доселени се од северна Албанија; Цене (1 к.) биле најмлади доселеници од селото Тисовица. Таму имале истоимени роднини, подалечно потекло од северна Албанија; Теш (4 к.) тие живееле во Долни Дејковец, Долни Дејковец било одвоено село од Дејковец. А биле доселени од самото село Дејковец, каде биле роднини со истоимениот род.[14]
Галерија[уреди | уреди извор]
-
Поглед на селото Дејковец -
Поглед на селото Дејковец -
Поглед на селото Дејковец -
Поглед на селото Дејковец
Наводи[уреди | уреди извор]
- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ Османлиски документи за историјата на Македонија - пописи од XIX век на муслиманското население - Скопски Санџак, каза Скопје. Скопје: д-р Емил Крстески. 2020.
- ↑ Верковиќ, Стефан (1889). Топографическо-этнографическій очеркъ Македоніи. Санкт Петербург.
- ↑ Албанците биле забележани како Арнаути.
- ↑ Кънчов, Васил. Македония. Етнография и статистика, София, 1900, стр. 208.
- ↑ Речник на местата во ослободената област Стара Србија по службени податоци. Белград: Мил. Ант. Вујиќ. 1914.
- ↑ „200K Volkstumskarte Jugoslawien“.[мртва врска]
- ↑ Попис на населението, домаќинствата и становите во Република Македонија, 2002 - Книга X
- ↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ . Трифуноски Ф. Јован. „Поречието на Кадина Река“. Филозофски факултет Скопје, 1952 г. Отсутно или празно
|title=(help)CS1-одржување: друго (link)
Надворешни врски[уреди | уреди извор]
 | Оваа статија за место во Македонија е никулец. Можете да помогнете со тоа што ќе ја проширите. |
| ||||||||
| ||||||||||||||