Општина Чешиново

Од Википедија — слободната енциклопедија
Прејди на прегледникот Прејди на пребарувањето
Општина Чешиново
денес дел од Општина Чешиново-Облешево

Map of Češinovo Municipality.svg

Местоположба на поранешната општина Чешиново.
Општи податоци
Седиште Чешиново
Регион Источен регион
Површина 49 км²
Основана 1996-2004
Службен јазик македонски
Демографија
Население 2.419[1] жит.
Густина 49.7 жит/км²
Населени места
Народности Македонци
Локална управа
Контактни податоци

Општина Чешиново е поранешна општина во Македонија. Општината била основана во 1996 година[2], која била издвоена од општината Кочани. Општина Чешиново престанала да постои со територијалната поделба на Македонија од 2004 година, кога заедно со поранешната Општина Облешево ја создале новата Општина Чешиново-Облешево. Седиште на општината било селото Чешиново[2]. Локалното население не било задоволно со спојувањето со Облешево, особено имало недоразбирање за името на новата општина, односно дали да се вика Облешево или Чешиново. Како компромис е добиено денешното име Чешиново-Облешево.

Географија[уреди | уреди извор]

Општина Чешиново се наоѓала во најнискиот рамничарски дел од Кочанското Поле. Општината го заземала средното сливно подрачје на реката Брегалница, од нејзината десна страна. Чешиново, како седиште на Општината, завзема средишна позиција помеѓу поголемите градски општини Кочани, Штип и Пробиштип.[3]

Општината имала површина од 49 км2 и припаѓала во групата на мали општини во Републиката. Чешиново располагало со најголема површина на обработливо земјиште во Кочанското Поле. Вкупната аграрна површина во општината зафаќала простор од 4.800 хектари, од кои 2.989 хектари биле обработливо земјиште, 1.780 хектари пасишта и 31 хектар шуми. Главна земјоделска култура била познатиот кочански ориз, а исто така почвата била погодна за производство и на шеќерна репа. Чешиново имала и еколошки здрава средина за развој на сточарството.[3]

Демографија[уреди | уреди извор]

Население

Со оглед на малата површина, просечната густина на населението е зголемена и изнесува 49,7 жители на квадратен километар. Во општината претежно живеело македонско население[3]. Општина Чешиново, според пописот од 2002, имала вкупно население од 2.419 жители. Во општината имало 794 домаќинства и 936 живеалишта[1]. Најголемо населено место во општината било селото Чешиново со 998 жители, а најмало било Врбица со 12 жители[1]. Во моментот кога се вршел пописот, општината сè уште опстојувала како засебна, а во 2004 година била припоена со Општина Чешиново-Облешево. Денес демографските податоци се во склоп на статистичките податоци за Општина Чешиново-Облешево. Според етничката припадност, во општината живееле[1]:

националност број
Македонци 2.398
Власи 19
Срби 2
Јазик

Доминантен јазик во општината бил македонскиот, каде од 2.419 жители, 2.397 жител се изјаснил дека македонскиот му е мајчин јазик. Покрај македонскиот, влашкиот јазик го зборувале 19 лица, дбе лица зборувале српски и дополнително 1 лице зборувало на останат јазик[1].

Религија

Во поглед на религијата, православието била доминантна религија во општината. Од вкупно 2.419 жители, 2.415 жители биле следбеници на православието (МПЦ-ОА) и 4 жители се изјасниле како следбеници на некои од останатите религии[1].

Населени места[уреди | уреди извор]

Најголемо населено место во општина Чешиново било селото Чешиново. Во општината се наоѓале следните населени места:[2]:

Економија[уреди | уреди извор]

Населението претежно се занимавало со земјоделство и сточарство. Во Чешиново биле лоцирани и стопанисувале повеќе индустриски и преработувачки капацитети. Најголем број од женската работна рака била вработена во модната конфекција „Јоти“.[3]

Наводи[уреди | уреди извор]

  1. 1,0 1,1 1,2 1,3 1,4 1,5 „Попис на Македонија“ (PDF) (македонски). Завод за статистика на Македонија. 2002. конс. 2012-08-28. 
  2. 2,0 2,1 2,2 „Закон за територијалната поделба на Република Македонија и определување на подрачјата на единиците на локалната самоуправа, “Сл. Весник на Република Македонија” бр. 49/96 од 14.09.1996 година“.
  3. 3,0 3,1 3,2 3,3 „Општина Чешиново“ (македонски). macedonium.org. конс. 2012-08-29. 

Поврзано[уреди | уреди извор]

Надворешни врски[уреди | уреди извор]