Миљо Чешме

Од Википедија — слободната енциклопедија
Миљо Чешме

Карта

Местоположба 41°11′58″N 21°10′53″E / 41.19944° СГШ; 21.18139° ИГД / 41.19944; 21.18139Координати: 41°11′58″N 21°10′53″E / 41.19944° СГШ; 21.18139° ИГД / 41.19944; 21.18139
Основни податоци
Место Стругово
Општина Демир Хисар
Тип

 некропола


Период раноантичко време
Портал „Археологија“

Миљо Чешме или Пајнчариархеолошко наоѓалиште во демирхисарското село Стругово. Претставува некропола од раната антика. Се наоѓа на 1,6 км северозападно од селото, каде на простор обраснат со дабова и лескова шума јасно се оцртуваат контурите на повеќе гробови. Според кажувањето на месен жител од селото, во 1937 година тука биле извршени археолошки ископувања од страна на Буда Борисављевиќ кој бил археолог-аматер и притоа биле откриени повеќе гробови во кои имало белезици, прстени, монети и керамички садови - пајнци. На теренот јасно се оцртуваат сондите иако местото е обраснато со џбунови од леска. Растојанието меѓу гробовите е 3–4 м, а нивните контури укажуваат на насоченост исток-запад. Во еден од гробовите во 1937 година се ископувало само јадрото со цел да се извадат прилозите. Страните на гробот се формирани од крупни камења, рамно исклепани од внатрешната страна. Околу сондите има доста расфрлени камења од што се добива впечаток дека гробовите биле покриени со тумули од камен. Откриениот материјал, според кажувањето, бил однесен во Народниот музеј во Белград.[1]

Поврзано[уреди | уреди извор]

Наводи[уреди | уреди извор]

  1. Коцо, Димче (1996). „Археолошка карта на Република Македонија“. Скопје: МАНУ. ISBN 9789989101069