Кале (Обедник)

Кале е археолошки локалитет во демирхисарското село Обедник. Локалитетот претставува населба од доцноантичко време и средниот век. Се наоѓа на 500 m северозападно од селото, на висок рид што доминира над околниот терен. На самиот врв, кој е зарамнет, се гледаат контури од одбранбен бедем ѕидан од камен и варов малтер, чија широчина од 1,90 m е зачувана на северозападната страна. По површината на калето има траги од ѕидови на други објекти, грамади од градежен материјал, како и фрагменти од керамички садови и питоси. Кај локалните жители овој локалитет е познат под името Куќата на Кралот.

Поврзано

• Стара Корија - црква од средниот век;
• Стари Лозја - населба и топилница од доцноантичко време;
• Сува Река - сакрален објект и некропола од доцноантичко време;
• Обедник;
• Список на археолошки локалитети во Демирхисарско;