Кале (Шурленци)

Кале (Калето) — археолошко наоѓалиште во преспанското село Шурленци. Претставува тврдина од средниот век. Се наоѓа југозападно од селото, каде што се издига ридот Магарица, на кој доминира над брегот на Преспанското Езеро и над патот што води за Отешево и Стење. На самиот врв има висорамнина, издолжено во правец исток-запад и со површина од 5-6 хектари, на кое се наоѓаат остатоци од бедем ѕидан од камен и кал, широк 1 метар и со височина наместа зачувана до 2 метри. На јужната страна има остатоци од три одбранбени појаси од ѕидови, наредени еден под друг. Во внатрешниот простор на тврдината се забележуваат темели од помали објекти и множество градежен материјал.

Според истражувањата на Томо Томоски, се работи за утврдениот град Константион, кој постоел во XI век.

Поврзано

• Шурленци;
• Список на археолошки наоѓалишта во Ресенско;