Скочино (Грнчари)

Скочино — археолошко наоѓалиште во преспанското село Грнчари. Претставува населба, црква и некропола од средниот век. Се наоѓа на околу 2 км источно од селото, каде на поголем простор се гледаат грамади од градежен материјал, а по површината се среќаваат фрагменти од питоси и покривни ќерамиди. На највисокиот дел од наоѓалиштето се зачувани остатоци од средновековна црква посветена на св. Никола. Околу црквата се забележуваат гробови градени од камени плочи. Во 1978 година биле изведени заштитни ископувања. Наодите се чуваат во Музејската збирка во Ресен.

Поврзано

• Св. Атанас — осамен наод од римско време;
• Св. Илија — црква од средниот век;
• Грнчари;
• Список на археолошки наоѓалишта во Ресенско;