Сисвети (Лешани)

За манастирот, видете Лешански манастир „Сисвети“

Сисвети — археолошко наоѓалиште во селото Лешани во областа Дебрца. Претставува средновековна црква и некропола. Манастирскиот комплекс Сисвети се наоѓа на околу 500 м југозападно од селото, на зарамнетиот рид што се протега во подножјето на поголемиот планински масив Јанчеица. Старата манастирска црква Сисвети (сите светци) претстваува мал еднокорабен храм со повеќе страна апсида од надворешната страна, однавтре живописот со фрески од XV век (1452 година). Ѕидовите на црквата околу еден метар се наоѓаат копани во земјата. На површината на теренот, западно од градбата во продолжението, се забележува основа од ѕид. Постојат и индикации за гробови на просторот во непосредната околина.

Поврзано

• Градиште — утврдена населба од бронзеното време;
• Думејнчка Горица — населба од неолитското време;
• Св. Атанасиј — средновековна црква и некропола;
• Св. Богородица — средновековна црква;
• Св. Петар — раносредновековна црква и некропола;
• Лешани;
• Список на археолошки наоѓалишта во Дебрца;
• Список на средновековни некрополи во Македонија.