Св. Петар (Лешани)

Св. Петар — археолошко наоѓалиште во селото Лешани во областа Дебрца. Претставува раносредновековна црква и некропола. Се наоѓа на околу 100 м источно од селото, на северното подножје, на планината Чуки. На зарамнетиот простор од ледината се наоѓаат урнатини од мала еднокорабна црква со три страна апсида и две простории западно од апсидата. Вкупната должина изнесува 13 м а ширината 6 м. Во олтарниот простор има иконостас од камени плочи на кои се врежани натписи со старомакедонски букви. Во средината од западниот ѕид се забележува влез во црквата, а сличен влез е забележлив и во средината од ѕидот што ги дели двете простории од црквата. Ширината на ѕидовите изнесува 0.70 м. Западно и северно од остатоците на црквата се забележуваат четвртести конструкции од камени плочи што претставуваат гробови. Во 1975 година Заводот и Музеј од Охрид извршил заштитни ископувања.

Поврзано

• Градиште — утврдена населба од бронзеното време;
• Думејнчка Горица — населба од неолитското време;
• Св. Богородица — средновековна црква;
• Св. Атанасиј — средновековна црква и некропола;
• Сисвети — средновековна црква и некропола;
• Лешани;
• Список на археолошки наоѓалишта во Дебрца;
• Список на средновековни некрополи во Македонија.