Селце (Слатино)
Селце — археолошко наоѓалиште во охридското село Слатино, Општина Дебрца. Претставува населба од средниот век.
Се наоѓа на околу 700 м североисточно од селото, на надморска височина од околу 850 м. Одликите покажуваат дека станува збор за типично средновековно словенско селиште кое континуирано продолжува да постои во денешното село Слатино.[1]
На еден мал срт во средишниот дел на наоѓалиштето се забележуваат основи од помала градба — црквичка во чија северна половина и денес стои стар гроб со насоченост исток-запад, изграден од бигорни плочи.
Поврзано[уреди | уреди извор]
Наводи[уреди | уреди извор]
- ↑ Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 277. ISBN 9989-649-28-6.