Павел Черенков

Од Википедија — слободната енциклопедија
Прејди на прегледникот Прејди на пребарувањето
Павел Черенков
Cerenkov.jpg
Роденјули 28, 1904(1904-07-28)
Воронешка област, Руска империја
Починалјануари 6, 1990(1990-01-06) (воз. 85 г.)
Москва, СССР
НационалностРусија Русин
ПолињаНуклеарна физика
УстановиЛебедев институт за физика
ОбразованиеВоронежки државен универзитет
Докторски менторСергеј Вавилов
Познат поКарактеризирање на Черенково зрачење
Поважни наградиНобелова награда за физика (1958)

Павел Алексеевич Черенков (руски: Па́вел Алексе́евич Черенко́в 28 јули 19046 јануари 1990) бил советски физичар кој ја споделил Нобеловата награда за физика во 1958 со Илја Франк и Игор Там за откривање на чернековото зрачење во 1934.[1]

Биографија[уреди | уреди извор]

Черенков бил роден во 1904, син на Алексеј Черенков и Марија Черенкова, во мало село во Новаја Кигла. Овој град денес е Воронешка област, Русија.

Во 1928, дипломирал во одделот за физика и математика во Воронежкиот државен универзитет. Во 1930, бил на позицијата на виши истражувач во Лебедевиот институт за физика. Истата година се оженил со Марија Путинтсева, ќерка на А.М. Путинтсев, професор по руска литература. Заедно имале две деца, син, Алексеј и ќерка, Јелена.

Черенков бил унапреден на позицијата на секциски лидер и во 1940 бил награден со диплома за доктор по физичко-математички науки. Во 1953, станал професор по експериментална физика. Во почетокот на 1959, бил на чело на лабораторијата за фотомезонски процеси во институтот. Останал како професор цели четиринаесет години. Во 1970, станал академик во академијата за науки на СССР.

Черенков починал во Москва на 6 јануари, 1990 и бил погребан на Новодевичиевите гробишта.

Откритија во физиката[уреди | уреди извор]

Во 1934, додека работел под надзор на Вавилов, Черенков набљудувал емисија на сина светлина од шише со вода подложно на радиоактивно бомбардирање. Овој феномен, поврзан со наелектризирани атомски честички

Сателитот Спутник 3

кои се движат со брзина поголема од брзината на светлината во локален медиум, се докажало дека е од голема важност во последователната експериментална работа во нуклеарната физика и за проучувањето на космичките зраци.

Епонимно, бил наречен черенков ефект, исто како и черенковиот детектор, кој станал стандарден дел од опремата за атомски истражувања за набљудување на постоењето и брзината на честичките со голема брзина. Овој уред бил сместен во Спутник 3.

Павел Черенков исто така го споделил развојот и изградбата на електронски забрзувачи и истражувањето за фотонуклеарните и фотомезонските реакции.

Награди и почести[уреди | уреди извор]

Черенков бил награден со две Сталинови награди, првата во 1946, споделувајќи ја честа со Вавилов, Илја Франк и Игор Там, а другата во 1952. Исто така бил награден и со Државна награда на СССР во 1977. Во 1958, бил награден со Нобелова награда за физика за пронаоѓање на черенковиот ефект.[2] Черенков бил член на комунистичката партија на советската унија.

Популарна култура[уреди | уреди извор]

Во „Ѕвездени патеки“ ликот Павел Чеков бил именуван по Павел Черенков.

Наводи[уреди | уреди извор]

Надворешни врски[уреди | уреди извор]