Црква „Св. Никола Геракомија“ - Охрид

Од Википедија — слободната енциклопедија
Прејди на: содржини, барај
Поврзано: Свети Никола (појаснување)
Coat of arms of the Macedonian Orthodox Church.png
Macedonian cross.svg
Св. Никола Геракомија
Sv. Nikola Gerakomija 03.jpg

Поглед на црквата

Македонска православна црква
Епархија Дебарско-кичевска
Архијерејско намесништво Охридско
Парохија Прва охридска
Местоположба
Населено место Охрид
Општина Охрид
Држава Македонија
Општи податоци
Покровител Свети Никола
Живопис 1860
Зограф Дичо Зограф
Мрежно место СВ. НИКОЛА - Геракомија
Архитектонски опис
Архитектонски тип трикорабна базилика
Портал „МПЦ“

Црквата „Св. Никола“ - Геракомија е црква во Охрид[1], Македонија. Храмот е граден од кршен камен во долните партии, додека горните партии се ѕидани од делкан бигор во варов малтер. Во основа е трикорабна базилика, каде централниот брод е засводен со три слепи куполи, а јужниот и северниот кораб се полуцилиндрично засводени. Сводовите не се ѕидани, туку на дрвена конструкција, на дрвени летви е поставен тенок слој варов малтер над кој е изведен зивопис. Невообичаено и необјасниво е сознанието дека храмот во XIX век, и се до денешни дни не е целосно живописан. Со сликање на овој храм најверојатно е започнатов во шеесетите години на XIX век, односно кога Дичо Зографот доаѓа во Охрид. Особено внимание заслужува живописот во сводовите на северниот и на јужниот кораб и трите слепи куполи, бидејќи тоа е дело на најпродуктивниот зограф од XIX век во Македонија, Дичо Крстев од с. Тресонче. Сликаните партии на фреско-декорација во олтарниот простор кои се со послаб квалитет се дело на фрескоживописци од Опеница-Охридско. Внатрешноста на храмот го краси сликан иконостас кој го изработил мајстор и зограв Дичо Зографот во 30 октомври 1862 година[2].

Наводи[уреди | уреди извор]

Надворешни врски[уреди | уреди извор]

Икона на Свети Никола во црквата