Куќа на Чаулеви

Од Википедија — слободната енциклопедија
Прејди на прегледникот Прејди на пребарувањето
Куќа на Чаулеви
Ohridska arhitektura 1Q1.jpg
Куќа на Чаулеви (втора десно). Првата е на Ламбески, а лево е на Рилковци
Општи податоци
Статусспоменик на културата
Типкуќа
Стилстароградски
ГрадОхрид
Земја Македонија
ЗавршенаXVIII век
Технички податоци
Катови4

Куќа на Чаулеви — стара куќа во градот Охрид прогласена за значајно културно наследство на Македонија.[1]

Историја[уреди | уреди извор]

Куќата е сместена во стариот дек на градот, на улица „Цар Самоил“ бр. 44. Изградена е во втората половина на XVIII век и се вбројува меѓу малкуте целосно внатрешно и надворешно зачувани охридски староградски куќи од тој период. Била сопственост на Паско Чауле (Рауник).[1] Од почетокот на XXI век служи како гостинска куќа, наречена „Вила Јован“.

Архитектура[уреди | уреди извор]

Градбата има четири ката. Начинот на изградба е традиционален, својствен на тој период — камено приземје и катови со дрвена бондручна конструкција. Вториот кат е еркерно издаден, потпрен со дрвени косници, исправајќи го неправилниот облик на приземјето и зголемувајќи го животниот простор. Куќата е добар пример за извлекување максимална просторна средина од дадена основа.[1]

Покривот има карактеристични благи падови од дрвена конструкција, со покривка од турски ќерамиди. Фасадата е бела, со својствени дрвени опшивни даски. На прозорците на приземјето има решетки, столаријата е доста сиромашна. Куќата претрпела мошне малку промени — приземјето од чевларска работилница е пренаменето во кујна со трпезарија, со доградено скалиште за горниот кат.[1]

Поврзано[уреди | уреди извор]

Наводи[уреди | уреди извор]

  1. 1,0 1,1 1,2 1,3 Петровска, Светлана, Александар Целески, Надежда Поп-Костова, Горан Патчев (2016). Студија за интегрирана заштита на Старото градско јадро (предлог план). Дел 1 (PDF). Охрид: Национална Установа –Завод за заштита на спомениците на културата и Музеј – Охрид. стр. 33.

Надворешни врски[уреди | уреди извор]