Куќа на Стружанови
| Куќа на Стружанови | |
|---|---|
.jpg) Куќата во 2022 година | |
 | |
| Општи податоци | |
| Статус | споменик на културата |
| Тип | куќа |
| Стил | староградски |
| Адреса | ул. „Цар Самоил“ бр. 30 |
| Град | Охрид |
| Земја |  Македонија |
| Завршена | 1855 |
| Технички податоци | |
| Катови | 3 |
Куќа на Стружанови — стара куќа во Охрид, претставник на староградската архитектура и прогласена е за значајно културно наследство на Македонија под називот Куќа на ул. „Цар Самоил“ бр. 30.[1][2]
Местоположба[уреди | уреди извор]
Куќата е сместена во стариот дел на градот, на улица „Цар Самоил“ бр. 30. На источната страна е потпрена на Северната кула на Долната порта, а на запад граничи со Куќата на Ајри Доко.
Историја[уреди | уреди извор]
Изградена е во 1855 година и прв сопственик бил Никола Кочин.[1] Подоцна станала сопственост на Јонче Стружан.[3] Познато е дека извесно време куќата била во сопственост на Турци; за ова говорат дрвените капаци (мушараби) на прозорците, единствени во Охрид, отстранети во 1992 година.[1]
Приземјето е претворено во национален ресторан.[1]
Архитектура[уреди | уреди извор]
.jpg)
Градбата се состои од приземје, мезанин и два ката. Високото приземје имало стопанска функција, а експонираните катови биле станбени површини. Куќата е делумно вкопана во кулата. Приземјето е камено, а катовите се бондручни. Внатрешноста е богата, со многубројни тавани, чичеклаци, долапи, украсни ниши итн. Од првиот кат се излегува на дворот, кој граничи со кулата, дел од бедемот и завршува со друга аголна кула и со напречен ѕид кој оди од аголната кула во правец запад - исток. Во дворот имало домашен амам — втор пример во градот, заедно со оној во Куќата на Робевци. Амамот подоцна е претворен во станбен простор.[1]
Галерија[уреди | уреди извор]
Куќата гледана од запад
Одблизу предниот дел и влезот на куќата
.jpg)
Поврзано[уреди | уреди извор]
Наводи[уреди | уреди извор]
- ↑ 1,0 1,1 1,2 1,3 1,4 „Куќа на ул. Цар Самуил бр.30“. Управа за заштита на културното наследство. Архивирано од изворникот на 2016-03-21. Посетено на 30 август 2017.
- ↑ „Национален регистар на објекти кои се заштитно културно наследство“. Министерство за култура. 2012. Архивирано од изворникот 2021-08-09. Посетено на 30 август 2022.
- ↑ Петровска, Светлана, Александар Целески, Надежда Поп-Костова, Горан Патчев (2016). Студија за интегрирана заштита на Старото градско јадро (предлог план). Дел 1 (PDF). Охрид: Национална Установа –Завод за заштита на спомениците на културата и Музеј –Охрид. стр. 31.
