Куќа на Ѓинековци

Од Википедија — слободната енциклопедија
Куќа на Ѓинековци
Ohrid Center 3.jpg
Поглед на куќата
Општи податоци
Статусспоменик на културата
Типкуќа
Стилнеокласичен
ГрадОхрид
Земја Македонија
Завршена1932
Технички податоци
Катови3
Проектирање и изградба
АрхитектДимитар Симонче

Куќа на Ѓинековци — стара куќа во градот Охрид прогласена за значајно културно наследство на Македонија.[1]

Историја[уреди | уреди извор]

Куќата е сместена на чаршиската улица „Свети Климент Охридски“ бр. 112. Изградена е во 1932 година од истакнатиот архитект Димитар Симонче[1] за семејството Ѓинековци.[2]

Архитектура[уреди | уреди извор]

Градбата е изведена во неокласичен стил и има сутерен, приземје, кат и мансарда. Изградена е масивн со носечки ѕидови — во сутеренот од камен, а на приземјето, катот и мансардата од полна тула. Меѓукатната и покривната конструкција се дрвени. Првично на приземјето имало кафеана, хотел на катот и домување на мансардата.

Куќата е дел од низа згради и целото внимание ѝ е посветено на уличната фасада, која се одликува со изразена симетрија. По средината на градбата на првиот етаж и мансардата има карактеристични балкони со огради од ковано железо, потпрени со конструктивни и украсни вути, поизразени на мансардниот балкон. До прозорските отвори на катот има пиластри, а над нив тимпанони сп цветни и украсни елементи. Балконската врата на катот исто така е нагласена со пиластри кои завршуваат со вутите на мансардниот балкон. Катот завршува со профилиран венец, на манасардата има барокни керамички балустради, а над мансардниот балкон е направен полукружен тимпанон со богата пластика, потпрен на на полукружни столбови со богато обработени капители.[1]

Поврзано[уреди | уреди извор]

Наводи[уреди | уреди извор]

  1. 1,0 1,1 1,2 „Куќа на ул. Св. Климент Охридски бр.112“. Управа за заштита на културното наследство. Архивирано од изворникот на 2017-09-05. Посетено на 5 септември 2017.
  2. Петровска, Светлана, Александар Целески, Надежда Поп-Костова, Горан Патчев (2016). Студија за интегрирана заштита на Старото градско јадро (предлог план). Дел 1 (PDF). Охрид: Национална Установа –Завод за заштита на спомениците на културата и Музеј –Охрид. стр. 68.

Надворешни врски[уреди | уреди извор]