Куќа на Бојаџиеви (Охрид)

Од Википедија — слободната енциклопедија
Прејди на прегледникот Прејди на пребарувањето
Куќа на Бојаџиеви
Куќа на ул. „Маршал Жуков“ бр. 31 Охрид.jpg
Поглед на куќата
Општи податоци
Статусспоменик на културата
Типкуќа
Стилстароградски
ГрадОхрид
Земја Македонија
ЗавршенаXIX век
Технички податоци
Катови3

Куќа на Бојаџиеви — стара куќа во градот Охрид прогласена за значајно културно наследство на Македонија како особен претставник на македонската староградска архитектура.[1][1]

Местоположба[уреди | уреди извор]

Куќата се наоѓа во маалото Варош, на улица „Илинденска“ бр. 39 (стара адреса: „Маршал Жуков“ бр. 31), северно од црквата „Св. Варвара“. На север е залепена за Куќата на Димзови, која исто така е споменик на културата.[1]

Архитектура[уреди | уреди извор]

Градбата е слободно поставена во сопствен двор. Изградена е од богат сопственик за време на економскиот расцут на градот во XIX век. Се состои од приземје, релативно низок прв кат и претставителен втор кат. Претставува братска куќа со изразена симетрија по вертикалата. Фасадите се богато украсени со карактеристични еркерни издатоци на катовите, потпрени со косници и вути, богато профилирана стреа, хармоничен ритам на прозорците, дрвени опшиви на фасадата и околу прозорците. Попретставителна е фасадата кон улицата „Илинденска“, но и јужната насочена кон езерото исто така е убаво направена. Приземјето е од фугиран камен, а катовите се бондручни. Меѓукатната и покривната конструкција се дрвени, а покривот е од турски ќерамиди. Подовите се дрвени.[1][2]

Во внатрешноста забележителни се претставителните гостински соби — профилирани гипсени тавани украсени со аголни обраби и централни розети, богато пластично украсени чичеклаци и огништа, украсни дрвени облоги, вградени долапи со богати декоративни врати и профилирани опшиви и розети, претставителни влезни врати итн.[1]

Поврзано[уреди | уреди извор]

Наводи[уреди | уреди извор]

  1. 1,0 1,1 1,2 1,3 1,4 „Куќа на ул. Илинденска бр.39“. Управа за заштита на културното наследство. Посетено на 12 ноември 2017. Архивирано на 12 ноември 2017 г.
  2. Петровска, Светлана, Александар Целески, Надежда Поп-Костова, Горан Патчев (2016). Студија за интегрирана заштита на Старото градско јадро (предлог план). Дел 1 (PDF). Охрид: Национална Установа –Завод за заштита на спомениците на културата и Музеј –Охрид. стр. 54–55.