Куќа на Митрески

Од Википедија — слободната енциклопедија
Прејди на прегледникот Прејди на пребарувањето
Куќа на Митрески
03526-Ohrid (15632163133).jpg
Поглед на куќата (лево)
Општи податоци
Статусспоменик на културата
Типкуќа
Стилнеокласичен
ГрадОхрид
Земја Македонија
Завршена1912
Технички податоци
Катови2

Куќа на Митрески — стара куќа во градот Охрид, прогласена за значајно културно наследство на Македонија.[1]

Историја[уреди | уреди извор]

Куќата одблизу

Куќата е сместена на улица „7-ми Ноември“ бр. 1, на самиот плоштад со Стариот чинар. Изградена е во 1912 година за Стојан Митрески од непознати градители во неокласичен стил, служејќи се со архитектонскиот проект на гимназијата „Св. Климент Охридски“ која се градела во исто време.[1]

Архитектура[уреди | уреди извор]

Зградата има сутерен, приземје и кат. На приземјето и катот има станбени простории. Сутеренот е од камен, надворешните ѕидови на приземјето се камени, а внатрешните се од тула; на катот надворешните се од тула, а внатрешните се изведени од бондрук со цел да се намали напрегањето. Меѓукатната и покривната конструкција е дрвена. Градбата има нагласена симетрија, хармонично распоредени прозорски окна, пиластри со капители и друга орнаментика својствена за класичниот академизам. Над прозорците, особено на источната фасада, има украси во кремастокафена боја. Фасадата завршува со венец, а над вратата има украсен елемент од ковано железо.[1]

Поврзано[уреди | уреди извор]

Наводи[уреди | уреди извор]

  1. 1,0 1,1 1,2 „Куќа на ул.7-ми Ноември бр.1“. Управа за заштита на културното наследство. Посетено на 4 септември 2017. Архивирано на 20 октомври 2017 г.