Македонски крст

Од Википедија — слободната енциклопедија
Прејди на: содржини, барај
Македонскиот крст

Македонскиот крст, познат и како Вељушки крст, претставува варијација на христијанскиот крст, воглавно поврзан со Македонија и е симбол на Македонската православна црква. овој симбол всушност е раскошна двочленска плетеница со претстава на орнаментиран украс во форма на крст. Бидејќи крстот е симбол на МПЦ-ОА, тој е претставен и на црковниот грб, односно ма бордурата на плашт, која е исполнета исполнета со 33 претстави на овој крст. Овој крст е и главен симбол на Столната медаља на Светиот македонски крст.[1]

Историја[уреди | уреди извор]

За прв пат крстот бил прикажан на главната манастирска црква „Св. Богородица Елеуса“ во Вељушкиот манастир. Се знае дека црквата „Пресвета Богородица Елеуса“ е изградена во 1085 година и дека нејзин ктитор бил Емануил, тогашниот епископ струмички. Непознатиот мајстор го соѕидал крстот на фасадата со малечки црвени тули, така што тој во основата го има квадратот чии четири страни претставуваат основа на која е направен крст со страници со иста должина. Овој крст е првиот христијански симбол од Македонија што доживеал меѓународна афирмација како Македонски крст. Афирмацијата дошла преку фалеристички организации од повеќе земји, највеќе по промоција на крстот на медалите со кои МПЦ одликувала дваесетина истакнати личности. Фалеристичките организации што се занимаваат со проучување на одликувањата, без каква и да е забелешка прифатиле оригиналниот крст да се нарекува Македонски крст. Во почетокот овој крст бил симбол за манастирот и Струмичката епархија, но подоцна сè повеќе се наоѓал во црковна употреба и постанал општ симбол на Црквата во Македонија. Повеќе земји со доминантно христијанска вероисповед имаат специфични крстови, кои се нарекуваат според името на земјата или на градовите. Такви, на пример, се Руски крст, Грчки крст, Римски крст, Ерусалимски крст.[2]

Наводи[уреди | уреди извор]

  1. „МПЦ додели највисоки одличја на 22 еминентни научници, уметници и бизнисмени“ (на македонски). Премин. 6 април 2011. http://preminportal.com.mk/content/view/1600/57/. конс. 6 април 2012 г. 
  2. Горгевски, Бранко. „Македонскиот крст од Велјуса доби благослов“, Дневник, 13 април (конс. 6 април 2012 г). (на македонски)

Надворешни врски[уреди | уреди извор]

Галерија[уреди | уреди извор]