Јудово

Од Википедија — слободната енциклопедија
Прејди на прегледникот Прејди на пребарувањето
Јудово
Јудово се наоѓа во Republic of Macedonia
Јудово
Местоположба на Јудово во Македонија
Координати 41°26′39″ СГШ 20°52′23″ ИГД / 
Општина Coat of arms of Kičevo Municipality.png Кичево
Население 27 жит.
(поп. 2002)
Надм. вис. 989 м
Карта на општина Другово со селските атари.

Јудово е село во Општина Кичево, во областа Копачка, во околината на градот Кичево.

Географиja и местоположба[уреди | уреди извор]

Селото се наоѓа во областа Горна Копачка, на падините на планинскиот масив Гољак, распослано на бреговите на Јудовска Река. Населбата е отворена кон исток. Соседни села на Јудово се селата Брждани на исток и Турје на југозапад. Јудово се наоѓа на надморска височина од 850 метри. Границите на селскиот атар зафаќаат површина од 8,4 км2. [1]

Етимологија[уреди | уреди извор]

Според едно предание, името Јудово го добило поради тоа што селаните од ова село некого предало, како што Јуда го предал Христос, па оттаму потекнува името на селото. Меѓутоа, има и друго предание по кое името Јудово го добило од името на селото Удово кај Дебар, од каде се претпоставува дека дошле првите доселеници во ова село. [2]

Историja[уреди | уреди извор]

Во XIX век, селото било дел од Кичевската каза во Отоманското Царство.

Според податоците од 1873 година, селото имало 14 домаќинства со 48 жители христијани (Македонци).[3] Селото било познато како Надово.

Една статистика, која ја подготвил кичевскиот училишен инспектор Крсто Димчев во 1909 година, ги дава следниве податоци за Јудово: [4]

Домаќинства Печалбари Писмени Неписмени
мажи жени вкупно мажи жени вкупно
30 29 37 5 42 64 104 168

Демографија[уреди | уреди извор]

Според статистиката на Васил К'нчов („Македониja, Етнографиja и статистика“) од 1900 година, во Јудово живееле 250 жители, сите Македонци.[5]

Според секретарот на бугарската егзархија Димитар Мишев, („La Macédoine et sa Population Chrétienne“) во 1905 година во Јудово имало 240 Македонци, егзархисти.[6]

Според последниот попис од 2002 година, во Јудово живеат 27 жители, сите Македонци.[7]

На табелата е прикажан бројот на населението во сите пописни години: [8]

Година 1900 1905 1948 1953 1961 1971 1981 1991 1994 2002
Население 250[5] 240[6] 254 299 239 196 94 44 46 27

Родови[уреди | уреди извор]

Селото Јудово е македонско православно село, скоро сите родови во селото се староседелски, кои потекнуваат од Новаче кој единствен преживеан после пустеш во селото. Новаче за време на пустешот работел во Мраморец, каде имал ковачница. Тоа било крајот на ХVIII век, потоа Новаче се оженил со некоја девојка од околните села и со неа имал 5 синови.[9]

Староседелци се: Чрклевци, Црвенковци, Кузмановци, Трпевци и Милошевци, кои потекнуваат од петте синови на Новаче.

Доселенички е само родот: Одовци доселени се од сега раселеното село Требичево, кое постоело во атарот на селото Трапчин Дол.

Културни и природни знаменитости[уреди | уреди извор]

Археолошки локалитети[10]
  • Кршојне - рудник и топилница од средниот век;
  • Ливадиште - некропола од доцноантичкото време;

Личности[уреди | уреди извор]

  • Дуко Тасев (1885-1942) — македонски револуционер, војвода во ВМРО

Наводи[уреди | уреди извор]

  1. Боге Петрески, Дуко Тасев (1858 - 1943) – кичевски војвода, Кичево,2000, стр.27
  2. Боге Петрески, Дуко Тасев (1858 - 1943) – кичевски војвода, Кичево,2000, стр.27
  3. „Македония и Одринско. Статистика на населението от 1873 г.“ Македонски научен институт, София, 1995, стр.90-91.
  4. Стойчева, Станислава. Аспекти на грамотността на българското население в Македония (1878 – 1912), Македонски преглед, година ХХХVІІІ, 2015, кн. 2, с. 76.
  5. 5,0 5,1 Кънчов, В. Македония. Етнография и статистика, София, 1900, с.256
  6. 6,0 6,1 Brancoff, D.M. La Macédoine et sa Population Chrétienne, Paris, 1905, рp. 156-157.
  7. http://www.stat.gov.mk/publikacii/knigaX.pdf Попис во Македонија 2002. - Книга 10.
  8. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
  9. Ф., Трифуноски, Јован (1968). Кичевска котлина : сеоска насеља и становништво. Izdanje autora]. OCLC 18500423. http://worldcat.org/oclc/18500423. 
  10. Коцо, Димче(1996). Археолошка карта на Република Македонија. Скопје: МАНУ. ISBN 9789989101069

Поврзано[уреди | уреди извор]

Надворешни врски[уреди | уреди извор]