Премка

Од Википедија — слободната енциклопедија
Прејди на прегледникот Прејди на пребарувањето
Премка
Премка is located in Македонија
Премка
Местоположба на Премка во Македонија
Координати 41°33′6″N 21°2′4″E / 41.55167° СГШ; 21.03444° ИГД / 41.55167; 21.03444Координати: 41°33′6″N 21°2′4″E / 41.55167° СГШ; 21.03444° ИГД / 41.55167; 21.03444
Регион Logo of Southwestern Region, North Macedonia.svg Југозападен
Општина Coat of arms of Kičevo Municipality.png Кичево
Население 134 жит.
(поп. 2002)
Надм. вис. 960 м
Commons-logo.svg Премка на Ризницата


Премка — село во Општина Кичево, во околината на градот Кичево. Селото до 2013 година припаѓало на поранешна Општина Осломеј.

Географија и местоположба[уреди | уреди извор]

Селото Премка се наоѓа во областа Горно Кичево, на западните падини на Челоица. Од градот Кичево е оддалечено 10 километри.

Историја[уреди | уреди извор]

Селото се споменува во турските пописни дефтери од 1467/68 година, како дел од Кичевската нахија (Nahiye-I Kirçova) и имало 72 семејства, 5 неженети и 5 вдовици, сите христијани.[1]

Според податоците од 1873 година, селото се нарекувало Прешка и имало 44 домаќинства со 52 жители муслимани и 220 христијани (Македонци).[2]

Според статистиката на Васил К'нчов („Македониja, Етнографиja и статистика“) од 1900 година, во Премка живееле 365 жители, сите Македонци (320 христијани и 45 муслимани).[3]

Демографија[уреди | уреди извор]

На табелата е претставено движењето на населението низ пописните години, како и етничката структура на селото:[4]

години Македонци Албанци останати вкупно
1948 323
1953 280 54 8 342
1961 202 62 2 266
1971 135 69 1 205
1981 89 81 9 179
1994 35 95 2 132
2002 25 108 1 134

Родови[уреди | уреди извор]

Премка е македонско-албанско село.

  • Македонски родови во селото се: Близнаковци (4 к.) и Терзиовци (6 к.) староседелци; Ивановци (13 к.) доселени се од селото Иванчишта, Копачка; Пустовраговци или Симуновци (10 к.) доселени се од селото Пуста Река, Крушевско; Дабевци (2 к.) и Каракостовци (2 к.) доселени се од областа Матија, Албанија; Ќуферовци (2 к.) доселени се однекаде; Шутаровци (3 к.) доселени се од сега албанското село Шутово; Беровци (1 к.) доселени се од Бер во Албанија; Глувчарвци (5 к.) доселени се околу 1900 година од селото Аранѓел; Џеповци (1 к.) тие имаат мијачко потекло, основачот на родот бил посинет кај Ивановци. Доселени се од Лазарополе; Милошевиќи (1 к.) потеклото им е од Билеч во Херцеговина. Потекнуваат од предок кој бил полицаец во Кичево. Се оженил со девојка од Пустовраговци. Сосема се иселени родовите Митревци, Аврамовци и Китановци.
  • Албански родови во селото се: Оломановци (7 к.) доселени се од соседното повисоко село Гарани. Родот го основал предокот Оломан. Нивното населување се извршило на следниот начин. Четири браќа од македонскиот род Аврамовци од Премка околу 1860 година на местото Гроб убиле некој гарски Албанец. Тој бил полјак во нивното село. После убиството браќата се иселиле од Премка, а на нивно место се населил Оломан од Гарани; Бајровци (2 к.) родот го основал Бајро, кој бил говедар, дошол од селото Зајас.[5]

Културни и природни знаменитости[уреди | уреди извор]

Археолошки локалитети[6]
  • Ледина - некропола од средниот век;
  • Печарица - населба од доцноантичкото време;
  • Трноец - населба и некропола од средниот век;
  • Чукле - црква и некропола од доцниот среден век;
Цркви

Наводи[уреди | уреди извор]

  1. Турски документи за историјата на македонскиот народ кн.4, Методија Соколоски, д-р Александар Стојановски, Скопје 1971, стр.218
  2. „Македония и Одринско. Статистика на населението от 1873 г.“ Македонски научен институт, София, 1995, стр.90-91.
  3. Кънчов, В. Македония. Етнография и статистика, София, 1900, с.255
  4. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
  5. „Кичевска Котлина: Сеоска насеља и становништво - Јован Ф. Трифуноски“. Кичево (mk-MK). 2018-05-16. конс. 2018-12-24. 
  6. Коцо, Димче(1996).Археолошка карта на Република Македонија. Скопје: МАНУ. ISBN 9789989101069
  7. „Осветена новата камбанарија во село премка“. Нова Македонија. Репро Принт. 7 септември 2014. конс. 7 септември 2014. 

Поврзано[уреди | уреди извор]

Надворешни врски[уреди | уреди извор]