Дупјани

Од Википедија — слободната енциклопедија
Прејди на прегледникот Прејди на пребарувањето
Дупјани
Дупјани се наоѓа во Republic of Macedonia
Дупјани
Местоположба на Дупјани во Македонија
Координати 41°32′30″ СГШ 21°04′21″ ИГД / 
Општина Coat of arms of Kičevo Municipality.png Кичево
Население 8 жит.
(поп. 2002)
Надм. вис. 892 м
Карта на општина Вранештица со селските атари.

Дупјани е село во Општина Кичево, во околината на градот Кичево.

Географиja и местоположба[уреди | уреди извор]

Селото се наоѓа во областа Рабетинкол, помеѓу планините Челоица и Песјак. Оддалечено е 18,5 километри североисточно од Кичево. Атарот на селото Дупјани граничи со атарите на селата: од исток Крушје (Горно и Долно) и Патец, од север Ново Село, од запад Рабетино, и од југ Козичино, Светораче и Крушица. Поедини места во атарот на селото ги носат следните имиња: Лазје, Крапчи дол, Удаеник, Папалица, Преслап, Мачкин камен, Старец, Кула, Урвал, Василово ѓубре, Леништа, Река, Свињишта, Угриноа киза, Равен, Црквиште, Задел, итн. Куќите во селото се од збиен тип, и се состои од маала. Сродничките куќи се блиску една до друга.[1]

Историја[уреди | уреди извор]

Според податоците од 1873 година, селото имало 12 домаќинства со 46 жители христијани (Македонци).[2]

Според статистиката на Васил К'нчов („Македониja, Етнографиja и статистика“) од 1900 година, во Дупјани живееле 320 жители, сите Македонци.[3]

Според секретарот на егзархијата Димитар Мишев, во 1905 година во Дупјани имало 400 Македонци, сите егзархисти.[4]

Една статистика, која ја подготвил кичевскиот училишен инспектор Крсто Димчев во 1909 година, ги дава следниве податоци за Дупјани:[5]

Домаќинства Гурбетчии Писмени Неписмени
мажи жени вкупно мажижени вкупно
44 54 85 13 98 44 102 146

Демографија[уреди | уреди извор]

Според пописот од 2002 година, селото имало население од 8 жители, сите Македонци.[6]

На табелата е прикажан бројот на населението низ сите пописни години:[7]

Година 1900 1905 1948 1953 1961 1971 1981 1991 1994 2002
Население 320[3] 400[4] 208 193 142 93 45 19 17 8

Родови[уреди | уреди извор]

Дупјани е чисто македонско православно село, во селото сите родови се доселенички.

Родови во селото Дупјани се: Кајевци (5 к.) најстар род во селото, и основачи на селото. Доселени се од некое село Дупчани, Дубјани или Дубница, не знаат точно каде се наоѓа тоа село; Јарумаговци (10 к.) потекнуваат од предокот Ѓуро, кој се доселил од селото Лисичани во првата половина од XIX век, во Лисичани Ѓуро работел на земјата на некој Торбеш, ја знаат следната генеологија Љубе (жив на 58 год. во 1961) Трпе-Костадин-Ѓуро кој се доселил; Постоловци (5 к.) доселени се од некое село во областа Малесија,во Струшко. Ја знаат следната генеологија Славејко (жив на 55 год. во 1961) Мисајле-Трпе-Апостол кој се доселил во селото; Таневци (9 к.), Чурчиовци (6 к.), Павлевци (3 к.), Митревци (3 к.) и Блажевци (1 к.) за нив не се знае од каде се доселени. Според Тома Смиљаниќ Чурчиовци се доселени од Закамен, а Поповци од Велешко или Прилепско.[1]

Општествени институции[уреди | уреди извор]

Културни и природни знаменитости[уреди | уреди извор]

Археолошки локалитети[8]

Иселеништво

Во селото Рабетино се имаат иселени околу 10 куќи, а иселеници има и во Кичево.[1]

Наводи[уреди | уреди извор]

  1. 1,0 1,1 1,2 Трифуноски, Јован Ф. (1968). Кичевска Котлина: Сеоска насеља и становништво. Скопје. стр. 18-19. 
  2. „Македония и Одринско. Статистика на населението от 1873 г.“ Македонски научен институт, София, 1995, стр.92-93.
  3. 3,0 3,1 Кънчов, В. Македония. Етнография и статистика, София, 1900, с.257
  4. 4,0 4,1 D.M.Brancoff. "La Macédoine et sa Population Chrétienne". Paris, 1905, р.154-155.
  5. Стойчева, Станислава. Аспекти на грамотността на българското население в Македония (1878 – 1912), Македонски преглед, година ХХХVІІІ, 2015, кн. 2, с. 76.
  6. http://www.stat.gov.mk/publikacii/knigaX.pdf Попис во Македонија 2002. - Книга 10.
  7. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
  8. Коцо, Димче(1996).Археолошка карта на Република Македонија. Скопје: МАНУ. ISBN 9789989101069

Поврзано[уреди | уреди извор]

Надворешни врски[уреди | уреди извор]