Бела Црква

Од Википедија — слободната енциклопедија
Прејди на прегледникот Прејди на пребарувањето
Бела Црква
Бела Црква is located in Македонија
Бела Црква
Местоположба на Бела Црква во Македонија
Координати 41°16′50″N 21°20′43″E / 41.28056° N; 21.34528° E / 41.28056; 21.34528Координати: 41°16′50″N 21°20′43″E / 41.28056° N; 21.34528° E / 41.28056; 21.34528
Регион Прилепско Поле
Општина Coat of arms of Krivogaštani Municipality.svg Кривогаштани
Население 498 жит.
(поп. 2002)
Надм. вис. 572 м
Бела Црква на општинската карта
Krivogaštani Municipality.svg

Атарот на Бела Црква во рамките на општината


Бела Црква — село во Општина Кривогаштани, во околината на градот Прилеп.

Географиja и местоположба[уреди | уреди извор]

Бела Црква се наоѓа во Прилепското Поле, во западниот дел на Пелагонија. Низ Бела Црква тече Црна Река, а околу неа има големо поле кое го обработуваат селаните на ова рамничарско село. Бела Црква е оддалечена 21 километар од градот Прилеп, а 9 километри од општинскиот центар Кривогаштани. Селото е споено со соседното село Воѓани.

Историja[уреди | уреди извор]

Пред многу години, за време на голема поплава на Црна Река кога се било поплавено и не се гледало ништо освен во рамнината една бела црква и луѓето се собрале таму па местото останало да се вика Бела Црква.

Во пишаните извори, Бела Црква за првпат се споменува во 1335 година, кога кралот Стефан Душан го прилoжил селото на манастирот Трескавец.[1]

Демографија[уреди | уреди извор]

Според статистиката на Васил К'нчов („Македониja, Етнографиja и статистика“) од 1900 година, во Бела Црква живееле 500 жители, сите Македонци.[2]

Според секретарот на бугарската егзархија Димитар Мишев, („La Macédoine et sa Population Chrétienne“) во 1905 година во Бела Црква имало 352 Македонци, егзархисти.[3]

Според пописот од 2002 година, во селото Бела Црква живеат 498 жители, сите Македонци.[4]

На табелата е прикажан бројот на жители низ сите пописни години:[5]

Година1900190519481953196119711981199119942002
Население 500[2] 352[3] 882 930 907 831 807 687 530 498

Бела Црква во текот на годините со постепена миграција преминало од голема во средна по големина населба.

Родови[уреди | уреди извор]

Бела Црква е чисто македонско православно село, во кое живеат доселенички родови. Селото го основале доселеници од денес мијачкото село Смилево, родовите доселени од Смилево не се Мијаци.

Родови во Бела Црква се: Кукевци или Шереметковци (30 к.), Грујовци (1 к.), Станковци (20 к.) и Шипинковци (13 к.), потекнуваат од основачите на селото Петре и Митре, кои дошле од селото Смилево, Демирхисарско; Танушевци (17 к.), доселени исто така од Демирхисарско, поточно од селото Лесково; Шефтеровци (27 к.), доселени се од некое село во Охридско; Сидоровци (8 к.) гранка се од родот Танушевци, имаат иселеници во Воѓани и Трпеновци (3 к.), доселени се од Крушево, каде имаат роднини.

Самоуправа и политика[уреди | уреди извор]

Изборно место[уреди | уреди извор]

Во селото постои изборното место бр. 1514 според Државната изборна комисија, сместени во просториите на младински дом.[6]

На претседателските избори во 2019 година, на ова изборно место биле запишани вкупно 391 гласачи.[7]

Редовни настани[уреди | уреди извор]

Секоја година на верскиот православен празник Водици секоја година се одржува прослава со познати македонски пејачи. Досега настапувале познати имиња како : Благоја Грујоски, Сузана Спасовска, Јасмина Мукаетова, Гоце Арнаудов, Ирена Спасовска и др.

Личности[уреди | уреди извор]

  • Ангел Неданов Танушев - селски војвода на ВМРО, кој со својата чета учествува во битката кај Мечкин Камен во одредот на Питу Гули

Иселеништво[уреди | уреди извор]

Од селото Бела Црква има многу луѓе кои живеат во странство како во: Америка, Австралија, Канада и други држави, а луѓето и ден денес се враќаат во Бела Црква.

Поврзано[уреди | уреди извор]

Наводи[уреди | уреди извор]

  1. Ф. Трифуноски, Јован (1998). Битољско-прилепска котлина (српски). Српска академија наука и уметности. стр. 341.
  2. 2,0 2,1 Васил К’нчов. „Македонија. Етнографија и статистика“. Софија, 1900, стр.237.
  3. 3,0 3,1 D.M.Brancoff. "La Macédoine et sa Population Chrétienne". Paris, 1905, р.166-167.
  4. Попис на населението, домаќинствата и становите во Република Македонија, 2002 - Книга X
  5. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат. Државен завод за статистика.
  6. "Описи на ИМ". Посетено на 3 ноември 2019.
  7. "Претседателски избори 2019". Посетено на 3 ноември 2019.

Надворешни врски[уреди | уреди извор]