Воѓани

Од Википедија — слободната енциклопедија
Прејди на прегледникот Прејди на пребарувањето
Воѓани
Воѓани is located in Македонија
Воѓани
Местоположба на Воѓани во Македонија
Координати 41°17′0″N 21°20′21″E / 41.28333° СГШ; 21.33917° ИГД / 41.28333; 21.33917Координати: 41°17′0″N 21°20′21″E / 41.28333° СГШ; 21.33917° ИГД / 41.28333; 21.33917
Регион Прилепско Поле
Општина Coat of arms of Krivogaštani Municipality.svg Кривогаштани
Население 454 жит.
(поп. 2002)
Пошт. бр. 7525
Надм. вис. 572 м


Воѓани е село во Општина Кривогаштани, во околината на градот Прилеп.

Етимологија[уреди | уреди извор]

Според народот се вели дека името на селото настанало од легендата дека околу ова место имало вода.

Географиja и местоположба[уреди | уреди извор]

Селото се наоѓа во Прилепското Поле, во северозападниот дел на Пелагонија. Атарот на селото граничи со атарите на селата: Обршани на исток, Бела Црква на југ, Бучин и Пресил на запад и Крушеани на север. Селото е 22 километри оддалечено од градот Прилеп, а 10 километри од општинскиот центар Кривогаштани.

Историja[уреди | уреди извор]

Селото се споменува во турските пописни дефтери од 1467/68 година, како дел од Прилепскиот Вилает (Vilayet-I Prilepe) под името В-д-н-а-н-и и имало 50 семејства, 5 неженети и 5 вдовици, сите христијани.[1]

На крајот на 19 век, селото било дел од Битолската каза на Отоманската Империја.

Според статистиката на бугарскиот етнограф Васил К’нчов, селото во 1900 година имало 160 жители, христијани Македонци.[2]

Според податоците на бугарскиот публицист Димитар Мишев, селото имало 96 христијани Македонци.[3]

Демографија[уреди | уреди извор]

Според статистиката на Васил К'нчов („Македониja, Етнографиja и статистика“) од 1900 година, во Воѓани живееле 160 жители, сите Македонци.[2]

Според секретарот на бугарската егзархија Димитар Мишев, („La Macédoine et sa Population Chrétienne“) во 1905 година во Воѓани имало 448 Македонци, егзархисти.[3]

Според пописот од 2002 година, селото имало население од 454 жители, од кои 452 Македонци, 1 Србин и 1 друг.[4]

На табелата е прикажан преглед на населението низ сите пописни години: [5]

Година 1900 1905 1948 1953 1961 1971 1981 1991 1994 2002
Население 160[2] 96[3] 431 489 538 551 554 511 473 454

Родови[уреди | уреди извор]

Воѓани е старо село. Народното предание вели дека во минатото селото се наоѓало на местото викано Кара Асаница, но таму било натопено, па така 3 домаќинства го основале денешното село.[6]

Староседелски родови се: Здравевци, Шијаковци и Ермановци.

Доселени се родовите: Пасковци доселени се од селото Растојца, таму се доселени од некое место во Албанија; Грашковци доселени се во XIX век од Бабино, таму имаат истоимени роднини; Чалевци, Николовци и Кукевци доселени се во XIX век од Бела Црква, подалечно потекло имаат од Смилево; Ѓоревци исто така доселени од Бела Црква, таму се викале Танушевци, подалечно потекло имаат од Лесково; Благодушковци деленици се од родот Ѓоревци; Сидоровци и тие се доселени од селото Бела Црква; Шукуловци доселени се крајот на XIX век од Крушеани, таму биле старинци; Поповци доселени се од Бела Црква таму им биле род Милошевци, а во Бела Црква се доселени од Демирхисарско (Железник) и Консуловци доселени се од градот Крушево (не се Власи).

Личности[уреди | уреди извор]

Ристо Тасев - Црниот (роден во Воѓани 1858/78) - македонски војвода.

Знаменитости[уреди | уреди извор]

Цркви[7]
Археолошки локалитети[8][9]

Иселеништво[уреди | уреди извор]

Населението во Воѓани опаѓа. Една четвртина од жителите се иселени во Австралија, Америка, Германија, Италија, но и во градовите од Македонија: Прилеп, Битола, Скопје, Кичево, Крушево и др.

Наводи[уреди | уреди извор]

  1. Турски документи за историјата на македонскиот народ кн.4, Методија Соколоски, д-р Александар Стојановски, Скопје 1971, стр.68
  2. 2,0 2,1 2,2 Васил Кънчов. „Македония. Етнография и статистика“. София, 1900, стр.237.
  3. 3,0 3,1 3,2 D.M.Brancoff. "La Macédoine et sa Population Chrétienne". Paris, 1905, р.166-167.
  4. http://www.stat.gov.mk/publikacii/knigaX.pdf Попис во Македонија 2002. - Книга 10.
  5. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
  6. 1914-1997., Trifunoski, Jovan F., (1998). Битољско-Прилепска котлина : антропогеографска проучавања. Srpska akademija nauka i umetnosti. ISBN 8670252678. OCLC 469501519. http://worldcat.org/oclc/469501519. 
  7. Јелена Павловска, Наташа Ниќифоровиќ и Огнен Коцевски (2011). Валентина Божиновска. уред (на македонски). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7. 
  8. Коцо, Димче (1996). Археолошка карта на Република Македонија. Скопје: МАНУ. ISBN 9789989101069
  9. Јован Ф. Трифуновски, Битољско - Прилепска котлина, Антропогеогрофски проучавања, Београд 1998

Поврзано[уреди | уреди извор]

Надворешни врски[уреди | уреди извор]